Halomoan Tondang’s Blog

Just another WordPress.com weblog

Arsip untuk ‘Batak’ Kategori

JOHANNES 20:1-18

Posted by halomoantondang pada September 22, 2008

JAMITA DI PARNINGOTAN
DI HAHEHEON NI TUHAN JESUS KRISTUS
Minggu : 08 April 2007

Barita Nauli na sinurathon ni si JOHANNES Bindu 20
mamungka sian ayat 1 sahat ro di ayat 18 songon on ma didok
—————————————————————————-
Andorang so hupungka manjaha jamita/renungan on, parjolo ma ahu dohot sude keluargaku pasahathon tu hamu:

SELAMAT PASKAH “JESUS SUDAH BANGKIT”
(alusna : Ya benar Jesus sudah bangkit)

Na di ari Jum’at 06 April 2007:
nadidok “Jumat Agung” marpungu do sude Halak Kristen di Garejana be patupahon ulaon di Parningotan ni Hamamate ni Tuhanta Jesus Kristus

Ia Hamatean” i ma sada fakta na so boi tulahon ni sude namangolu jala songon nanidok ni endenta i:
nasa jolma ingkon mate.
(kecuali songon nadibaritahon di Padan na robi si Henok dohot si Elia)
Ndang adong nanggo sahalak pe na boi mangalo hamatean i, namora, napogos, nasangap, nalea jala ndang adong sada hapistaran pe na boi manahan haroro ni hamatean i, sude do jolma ingkon mamolus hamatean i.
Molo songgop hamatean tu bagasan sada sada keluarga, sude do tarilu-ilu, tumatangis, nang angka tondong nahumaliang pe dohot do marhabot ni roha.

Ditonga-tonga ni parsaoran ni Halak Batak, tung sada sihabiaran situtu do hamatean i. Ala ni biar ni halak Batak tu hamatean i, dapot tarida do i dipandohan ni halak Batak:
1. Molo laho manaringoti na mate ditonga ni jabu sai parjolo do didok
“Santabi di Jabu on”
Songoni ma kehebatan ni hamatean i, sude do manghabiari,
“boasa tahabiari hamatean i?
Alus apala na positip i ma: ala ndang adong naumbotosa, tudia do jolma i molo dung mate. Sugari adong sian na mate I mulak lao paboahon tu tondongna mandok: tabo do hilalaon molo dung mate, ndang pola loja mancari, ma rade sude, holan na marpesta, godang tondong dohot lan naasing angka hasonangan, ra ndang mabiar be jolma mate, malahan mungkin naeng hurang tibu ibana mate.

Di Ari Parningotan ni hamamate ni Tuhanta Jesus Kristus, tangkas do tabege di partangiangan passion, ngalut ni partinaonan ni Jesus laho mangadopi hamatean i, dipasiaksiak, dilinsingi, sahat tu na dipajalhon Ibana di Hau Pinarsilang i. ingkon adopan ni Jesus hamatean i ndang ala ni dosaNa, manang ala ni hajahatonna, alai dijalo Ibana do i “ala ni holong ni rohaNa di hita jolma pardosa on”, ingkon mate Ibana humonghop hita, jala gabe dosa Ibana na so mardosa hian.
Sude do halak Kristen mamboto kejadian i marhite jamita nabinegena di Gareja dohot di angka partangiangan, dohot marhite najinahana di angka na tarsurat di bagasan Bibelta i. Jala taihuthon do Ulaon na Badia dohot tujuan dibagasan rohanta be asa parsidohot hita malua sian dosa siala panghokhopon ni Jesus di hita jolma pardosa on.
Jala marhite panghokhopon ni Tuhanta i, ingkon mate Ibana asa mangolu hita, ro ma sungkun-sungkun tu dirinta nuaeng: dung do taresapi panghokhopon ni Jesus i dibagasan dirinta be, gabe olo hita pauba rohanta mangoloi pangidoan ni panghokhopon i songon naung taoloi di padanta tu jolo ni Tuhanta I andorang so tajalo ulaon na badia i?

Bagian Paduahon :

Di namarningot hita sadarion di ari haheheon ni Tuhanta Jesus Kristus, parjolo sahali naeng idaonta disi i ma:

01. BUKTI naparjolo : Haheheon = Kebangkitan
A. Sugari ndang hehe Jesus sian namate, aha ma gunana hita martangiang, ala Jesus na mate i ndang mungkin ibana mambege tangiangta.
B. Sugari ndang hehe Kristus sian namate, ndang marguna be manjaha angka barita na tarsurat di Bibelta i.
C. Sugari ndang hehe Jesus sian na mate,magopo ma haporseaonta i.

BUKTI paduahon : Hagaleon ni haporseaon ni jolma i.

Songoni pe lelengna angka sisean ni Tuhan i rap dohot Tuhan Jesus, laos so adong do sian nasida namarningot pandohan ni Jesus “ Sipasahaton ma Anak ni jolma i tu tangan ni halak, jala pusaonna ma Ibana; alai dung dipamate, Hehe do Ibana di ari patoluhon” (Markus 9 ayat 31)

Malahan, angka alo ni Jesus do namarningot, pandohan i i ma angka Parise dohot Siboto Surat.

Laho pe Boru-Boru na ias roha i tu Tanoman ni Jesus di manogotna dung tolu ari, ndang ala na di ingot nasida pandohan ni Jesus namandok “Hehe Ibana di ari patoluhon” ndaong – alai ala ni adat hasomalan do di nasida i ma molo adong na mate, di ari patoluhon dung mate sai laho do nasida tu tanoman ni na mate i.
Adat hasomalan di Halak Batak, i ma, dung 3 ari dung di tanom na mate i, lao ma sisolhotna tu tanoman, didok ma di hasomalan ni Halak Batak manuan ompu-ompu.

pajumpang dohot Jesus naung hehe i
Songoni do parlao ni angka boru-boru tu tanoman ni Jesus, Ala ni holong ni roha nasida do di Jesus naung mate i umbahen na laho nasida tu tanoman i. Ndada ala ni pandohan ni Jesus na mandok: na hehe Ibana di ari patoluhon, jala bukti ni i: na so di ingot nasida pandohan ni Jesus ai tarsonggot do nasida ala di ida nasida nunga mungkap batu tutup ni tanoman i, jala ndang di ida nasida disi bangke ni Jesus.
Pingkiran nasida mandok: ise ma nabarani manangko bangke ni Jesus
nahinaholongan nasida i.
Jala dung ruar nasida sian tanoman i, di ida nasida ma sahalak baoa jongjong di si, jala mabiar ma nasida ai dirimpu nasida begu, alai didok baoa I ma tu nasida: ise naniluluanmu, ndang dison Ibana (Lukas 24. 6) mulak ma nasida jala nasida ma parjolo umbotosa naung hehe Jesus sian na mate, jala hapogan ma nasida mulak sian tanoman i.

02. BUKTI (3) Ngolu Naimbaru
Didok Tuhan Jesus tu si Maria “Unang Ahu Jama” ai ndang dope nangkok Ahu tu Ama i. Nalaho nangkok ma Ahu tu Damang jala Amamuna, tu Debatanghu jala Debatamuna. (ayat 17)

Dipatuduhon Jesus do disi, Ngolu Naimbaru, tugas dohot kewajiban, asa sahat do nang hapapatar ni haheheon ni Tuhanta Jesus tu hita na pungu on.

Asa marhite haheheon ni Tuhan Jesus sian na mate, asa arga tabahen ngolunta i, unang tapansuasaehon tu pargadombuson, hamalason, ta padao ma parhosomon, late, roha rimas, ginjang ni roha, dohot lan angka parrohaon na so nihalomohon ni Debata di hita naung manjalo ngolu naimbaru, dung mate Jesus humonghop hita ala ni dosanta jala hehe sian na mate lao mangondihon hita di ngolu naimbaru, asa tapangke ma nian ngolunta on tu angka namarguna di hita dohot di nahumaliang hita.

Taingot ma songon na nidok ni Jesus natarsurat di Mateus 16 ayat 26 na mandok: Aha ma gunana di jolma i.
Nang pe diomo sandok tano on, anggo mate do tondina,
ai boi jolma i pangolu tondi na mate.

St. D.P.Hutagalung/Br. Simarangkir

Songoni do nang hita halak Batak Kristen: Molo ditingki Ulaon na Hohom di ari parningotan ni hamamate ni Tuhan Jesus, dung didok Pandita sian jolo an, dungi tos ma hosaNa” dipalu giting-giting. Hohom ma sude jala torop do boru-boru tangis, ansosombopon marningot nahinaholonganna naung jumolo monding, jala ndang tatangisi dirinta jolma pardosa on, nang pe taboto do: hansit ni partinaonan ni Tuhantai, jala ingkon mate Ibana tarpajal di Hau Pinarsilang i laho humonghop dosantai, alai natarsingot do rohanta di angka natahaholongi naung jumolo monding i.

Ditulis dalam Batak | Leave a Comment »

Jeremiah 17: 7-8

Posted by halomoantondang pada September 22, 2008

7. But blessed is the man who trust in the Lord,
whose confidence is in him.

8. he will be like a tree planted by the water that sends out its roots by the stream
It does not fear when heat comes, it leaves are always green, it had no worries in a year of drought and never fails to bear fruit.
—————————————————————
Alai martua ma baoa namarhaposan tu Jahowa,
Jala Jahowa haporusanna dibahen.

Tudos do ibana songon hau nasinuan ditopi ni batang aek,
Jala manjarar uratna ditopi batang aek, jala ndang mabiar
ibana molo tung ro hamohopan, jala tongtong rata bulungna,
jala ndang holsoan ibana di taon haraharon,
jala ndang mansohot marpabue.
Jeremia 17. ayat 7-8
—————————————————————-
Hupillit do SUB. THEMA ni parpunguan Syukuranta on ima :
MISERIKORDIAS DOMINI namarlapatan ASI NI ROHA NI DEBATA manang Gok Asi ni Roha ni Jahowa do tano on (Psalmen 33 ayat 5B)

Di Hurianta pe adong do Minggu namargoar: MISERIKORDIAS DOMINI. i ma Minggu Paduahon dung Parningotan d Haheheon ni Tuhan Jesus

Didok di 1 Tesalonika 5 ayat 18 songon on: Mandok mauliate ma hamu ala saluhutna:
ai ido dipangido Debata sian hamumarhitehite Kristus Jesus manang……………………di
Epesus 5 20. Manongtong ma hamu mandok mauliate siala saluhut na tu
Debata Ama, di bagasan Goar ni Tuhan Jesus Kristus !

Di parpunguanta pe borngin on, i ma na mandok mauliate tu Debata siala pangiring-iring dohot pangaramotionna di Punguanta P.S. Immanuel, dapot tarida do i dibagasan tangiangta nangkining namandok: dipangke Debata PS. Immanuel gabe ulaula nametmet ditonga-tonga ni Huriana, mambaritahon hata ni Debata marhite angka Ende.

Secara jujur, molo ta-etong godang ni pasu-pasu natajalo sian Asi ni Roha ni Debata sian namamungka sahat tu naung 16 taon PS. Immanuel on, ra ndang cukup be buku tulis na di Toko Buku an pakeonta lao manurathon, jala nadang hasuratan hita be ra ala ni godangna, ai setiap detik ngolunta on diramoti Debata. (Mateus 6: 25-33)

Songoni do tongtong masa di ngolunta on, molo adong angka na masa na mambahen las ni roha, tadok do: SYUKURLAH TUHAN MEMBERKATI, manang i ma da : Basa-Basa ni Tuhan i do i. , manang Pinuji ma Debata.

Alai, dibagasan pamujionna marhite bibirna, jotjot do jolma i diluar kesadaranna masuk Sibolis tu bagasan rohana gabe manimbulhon Ego dohot Arogan gabe olo do dibagasan rohana manghatai donganna nahurang berhasil, namandok ala ni hamaloonna, ala ni jago ni ibana do umbahen nadapotsa i sude.

Gabe marhuaso ma portibion mangatur pardalan ni ngolunta jala gabe berubah ma pamujionta dohot haporseaonta ai ndang hasintongan di Asi ni Roha ni Debata be na marhuaso jala namangatur ngolu haporseaonta i.

Beha do muse molo ro tu hita na sebalikna :

Ditingki ro pangunjunan di ngolu on, harugian marboniaga, ndang lulus singkola, parsahiton, ndang naek pangkat dohot lan naasing parsorion i, migor mura ma mangula sibolis di rohanta gabe asing ma pangalaho ni angka na porsea i jala didok ma : Ndang adil Tuhan i.

Hape, ucapan syukur songon pinangido ni ayat na tarsurat di 1 Tesalonika 5 ayat 18 dohot di : Epesus 5 20. (sidok mauliate ma hamu ala sudena i.).

CONTOH : SI MELHU PANANGKO PISANG DOHOT HAJI PARSUMBAYANG
Nang di angka Parjamita pe dapot jumpang do na songoni:
Molo Debata donganta ise be alonta —- molo ro ancaman, lupa ibana di nanidokna i. Contoh : Dakdanak par katapel.

Marungkil do hita di ngolu on ganup ari, ai tarajumi do molo nunga taihuthon hata ni Debata, burju hita tu Gareja dohot tu Partangiangan, gabe dao ma sude arsak sian hita. dapot hita ma nian angka nataparsinta, hape ndang songoni lomo ni roha ni Debata, gabe ala ni i, boi do sipata “TAHATA” Debata, manang godang sungkun-sungkun di rohanta

Songoni do tong Panurirang Jeremia :
Dung dipillit Debata ibana gabe Panurirang laho pasahathon tona dohot uhum ni Debata tu Bangso Jahudi naung gok dosa i. Ai holan barita hamagoan nanaeng masa tu bangsoi, barita haporsuhon dohot hangaluton do dibaritahon, asa olo nian muba roha ni bangsona i. Mulak tu dalan halomoan ni Debata.

Ndang songon Panurirang, manang Malim na asing na sai manjamitahon angka hasonangan, hadameon dohot lan angka na asing napasonanghon roha ni bangsoi.

Gabe holan na hona rehe-rehe, hona insak-insak sian bangsona i. Jotjot do ibana di paporsuk-porsuk, dipukuli jala dihurunghon,
Ala ni hansit ni partinaonanna i Panurirang JEREMIA SANDIRI pe dung do menghujat Debata . songon na tarsurat di Jeremia 20. ayat 7-8.

Alai nang pe songoni ndang mangorui haporseaonna, manang gabe ditadingkon ibana Debata namanuru ibana, alai lam toras ma haporseaonna laho pasahathon tona dohot uhum nanaeng pamasaon ni Debata tu bangsona i.

Songon namasa tu Panurirang Jeremia sian bangsonai ditingki i, ra tarsongoni do nang namasa di tingkion ditonga tonga ni Hurianta HKBP.

Burju do Naposo ni Debata di Huria i pasahathon Hata ni Debata nasasintongna, alai gabe rehe-rehe do dapot sian tonga-tonga ni ruasna i, na mandok monotoon do anggo jamita ni Pandita ni HKBP. Boasa monotoon: ai sintong do hata ni Debata dihatahon nasida, tona dohot uhum ni Debata songon natarsurat i do dihatahon nasida dohot sintong.,
Memang holan hamubaon ni roha, hasabamon, toruk ni roha, holong dohot dame do dijamitahon nasida, asa ulahonon ni ruas i. asa unang mago ruas ni Huria i.

Hape ia di inganan na asing begeon nasida ma jamita namandok hasonangan, dao parsahiton, mura dapot hamoraon dohot lan naasing i. Tabo-tabo di sipareon, gabe ala las ni rohana balga-balga ma dibahen peleanna.

Hape molo marminggu ibana tu HKBP ala holan jamita napaingothon do dibege, dia ma hepengna naummetmet ima lehononna peleanna.
Gabe asing do peleanna tu Tuhan ni HKBP sian Tuhan nabinegena di parjamitaan na asing. Memang songon roha ni si Melhu Panangko Pisang i dohot Haji i, godang do godang jumpang hita di ngolu siapari on.

Asa naeng ma nian hita napungu on, mangihuthon ngolu ni Panurirang Jeremia :
Jala sai songon pinangido ni ayat on ma hita sahat di ujung ni ngolunta.
Jadi siala ni Miserikordias Domini – Holan ala ni Asi ni Roha ni Debata marhite panghokkop ni Tuhanta Jesus Kristus di hita pardosaon, hupillit ma ayat ni Panurirang Jeremia Bindu 17 ayat 7-8 on gabe pedoman di hita:

Asa tong dibagasan pos ni roha hita mandok mauliate tu Debata, tung masa pe hamohopon, haraharon, tongtong marpabue na denggan siala haporseaon dohot pos ni roha di Asi dohot Holong ni roha ni Tuhanta.

AMEN

Ditulis dalam Batak | Leave a Comment »

2 Musa 3 ayat 1 – 6.

Posted by halomoantondang pada September 22, 2008

5. Dungi ninna ma: unang jumonok ho tuson, tanggali ma sipatum sian patmu, ai tano na badia do hajongjonganmon.

Sipatu ima: alat na rotak, mandegei angka macam-macam di na nidalanan i.
Kiasan tu roha ni jolma : Molo naeng marsaor iba dohot Debata, ingkon tanggalon ma sude nasa na jat sian Pingkiran, pamatang, ai ingkon dohot roha na ias do iba molo naeng marsaor dohot Debata, marhite, na martangiang manang di parmingguon di Bagas Joro i.

Ditulis dalam Batak | Leave a Comment »

1 KORINT 15 AYAT 50 – 58

Posted by halomoantondang pada September 22, 2008

Alasan ni Apostel Paulus manurathon surat na di Bindu 15 on ima:
Huroha ditingki i manang napiga-piga ruas na di Huria Korint naso porsea di haheheon ni angka naung mate i jala marhite pandohan i huhut do nasida ndang porsea/menyangkal haheheon ni Jeus Kristus sian namate, jala huhut menyangkal haheheon nasida sandiri .
Dipungka Apostel Paulus ma patoranghon tu nasida songon na disurathon di ayat 12 –14 : na mandok :

12. Marhua ma dohonon ni na deba sian tongatongamuna, na so adong haheheon
ni angka naung mate, dung sanga binaritahon taringot tu Kristus, paboa
naung dipahehe Ibana sian na mate.

13. Alai anggo so adong haheheon ni angka na mate.
Ndang na hehe nang Kristus.

14. Ai anggo so hehe Kristus sian angka na mate, rumar ma jamitanami, las
rumar ma nang haporseaonmuna.

Maksud ni Apostel Paulus di suratna on ima napabotohon tu halak Kristen na di Korint nang tu hita na pungu on, nang tu sude halak Kristen naporsea di panghokhop ni Jesus Kristus, bahwa nang pe tarihot/terletak do hamuliaon ni ha-Kristenoni di parngoluonta na so sempurna i dope di portibion. Alai inti ni ha-Kristenoni ndang holan memandang hangoluan na di portibion alai apala naumporlu ima manghirim tu hangoluan di ari sogot ima hangoluan nasaleleng ni lelengna di surgo i, i ma hangoluan na sempurna, kekal dan abadi siala panobuson ni dosanta marhite panaonon ni Tuhanta Jesus kristus di Hau Pinarsilang i.

Jempek do anggo ngolunta di portibion alai anggo tujuanta ima di hangoluan sogot di inganan naung pinarade ni Tuhanta di angka naporsea ima di surgo hasonangani.

Di ayat 50 – 51 didok:
50. On do nahudok disi ale angka dongan: Ndang tarbahen sibuk dohot mudar manean harajaon ni Debata, jala ndang tartean na olo busuk i hatongtongon i. (ida ayat 6 + 13)

Maksudna disi, ima: Ia dagingon daging natawarisi sian si Adam jolma naparjolo i, daging/pamatang naolo busuk do on jala ndang talub manjalo bagian dibagasan harajaon banua ginjang i, jala diharoro ni Tuhanta Jesus Kristus napaduahalihoni ingkon jolo ubaonna pamatang portibi ni angka halak naporsea di Jesus Kristus gabe pamatang rohani. asa tarjalosa manang asa dapot bagian ibana dibagasan harajaon banua ginjang i di Surgo hasonangan i.

IDA: Pilippi 3 ayat 21 Paubaonna do dagingta na lea on, gabe doshon dagingna nasangap i, ai tarpatunduksa do saluhutna tu Ibana.

RO MA SUNGKUN-SUNGKUN: DIHARORO NI TUHAN JESUS PADUAHALIHON I, BEHA DO ANGKA NAMANGOLU I DOPE.

Dialusi Apostel Paulus ma songon natarsurat di ayat: 51-54

51. Hahomion do nahudok on tu hamu: Ndang na saluhut hita monding; alai
saluhut do hita paluaonna. (ida Tes. 4: 14 + 17)

52. Tompu dibagasan sanghidop mata, dipanghuling ni sarune na parpudi i:
Ai manghuling ma sarune, gabe hehe ma angka naung mate i, tu
hatongtongon, laos paubaonna ma anggo hita. (ida: Mat. 4: 21 – 1 Tes. 4: 16)

53. Ai ingkon hatongtongon do manoluk na olo busuk on, jala hangongolu
namanongtong do manoluk na olo mate on.

54. Alai dung disoluk hatongtongon i na olo busuk on, jala disoluk hangongolu
na manongtong i na olo mate on, disi ma jumpang hata na tarsurat i:
Nunga tarbondut hamatean; nunga soluk hamonangan.
(ida : Jes: 25: 8 – Hos> 13.: 14)

Alai, asa lobi tangkas botoonta taringot tu sungkun-sungkun i taida ma natarsurat di: 1 Tesalonika 4: 15 – 17 na mandok:

15. Ai hata ni Tuhan i do nahupasahat hami nuaeng tu hamu, Ia mangolu pe hita, angka na mian ro di haroro ni Tuhan i, nda tung sumurung hita sian nasida naung monding i. (ida: 1 Kor. 15: 51)

16. Ai natuat ma Tuhan i sian banua ginjang mardongan suraksurak, marsoara
ma raja ni surusuruan, tarbege ma sarune ni Debata.
Dungi hehe ma jumolo angka na mate dibagasan Kristus. (ida 1 Kor. 15: 23. 52.)

17. Dung songon i, hita namangolu dope, angka namian i, taitonna ma hita rap
dohot nasida dibagasan angka ombun, laho manomunomu Tuhan i tu langit
an jadi olat ni i sai tongtong ma hita rap dohot Tuhan i.
(ida: Joh.12: 26-Joh.17:24)

Apostel Paulus patoranghon perobahan ni pamatang ni naporsea naung matei songoni nang perubahan ni pamatang ni naporsea namangolu diharoro ni Tuhan napadua halihon sogot, ima dibagasan sangkidop mata manolukhon pamatang naimbaru tu pamatang ni angka naporseai asa talub nasida maringan di hangoluan namarhasonangan di harajaon banua ginjang di surgo i.

Di na ro Jesusi paduahalihon rap dohot pangulu ni angka suru-suruan, manghuling ma disi sarune jala dibagasan sanghidop mata disolukhon ma pamatang partohap di harajaon banua ginjang i tu naporsea naung mate i dohot naporsea na mangolu i dope asa borhat nasida tu ombun nadilangitan mandapothon inganan naung pinarade di angka nasida naporsea di Jesus i.
Jala taringot tu hamonangan ni Jesus songon natarsurat di ayat 55 mandok:……………………………………………….

Taringot tu ayat on tu haheheon sian namate diangka naporseai nadisadur Apostel Paulus do sian hata ni Panurirang Hosea ima: HOSEA 13: ayat 14 namandok: (1050)

Di AYAT 56 didok: ……………..

Kesadaran ni jolma di dosa i ima nanidokna sorop ni hamatean i jala marhite parbinotoan ni jolma di Patik ni Debata nasampulu i diboto jolma i dosa naniulana i. Marhuaso do sorop (dosa) hamateani tu jolma i (1 MUSA 2 : ayat 17) (hal.3)

Sahalak do parohon dosa hamatean i di jolma i (Rom 5 ayat 12-14)(hal: 194) jala sahalak do napataluhon hamatean ala ni dosa i ima Tuhanta Jesus Kristus
(1 Korint 15 ayat 21) (hal: 221)

Alani i hita naung ditobus Jesus sian gonggoman ni dosa hamatean i jala dipadame Jesus hita dohot Debata Ama i gabe dapotan hasesaan ni dosa hita jala marhite i dihatongtongon ni haporseaonta dipanghonghop naI gabe parsidohot hita sogot di harajaon banua ginjang i.

ANTONG TAINGOT MA: MOMENTO MORI – MOMENTO KREATORIOS – MOMENTO GRATIA.

ASA DINAUNG TABOLUS UJUNG TAON NI PARHURIAON ON MASUK MA HITA TU MINGGU PANGARADEON DI HARORO NI SIPANOBUSI IMA MINGGU ADVENT NA OPAT I

Ditulis dalam Batak | Leave a Comment »

Hata tu angka Dongan na naeng marsiajar Paradaton

Posted by halomoantondang pada September 22, 2008

Mandapothon Napinarsangapan
Pomparan ni Ompunta si Raja HUTAGALUNG
Si Raja MIRALOPAK dohot Si Raja INAINA
na maringan di Jabodetabek.
Jakarta, …………………….

Khusus tu angka Dongan na naeng marsiajar di
Panghataion ni Paradaton na Pangolihon Anak/Pamuli Boru

Dison pinatupa do sada Buku na metmet/Buku Saku na ni enet sian Buku
BOHAL TU ULAON ADAT DI PARDONGAN SARIPEON DI HALAK BATAK
di Pomparan ni Ompunta Si Raja HUTAGALUNG di Jabodetabed

dohot pengharapan asa boi pangkeon ni angka Dongan Tubu di na laho mangulahon Ulaon Adat sada Paket sian mamungka na Patua Hata/Marhusip, Ulaon Tonggo Raja dohot Ria Raja, sahat tu Ulaon Unjuk Alap Jual-Taruhon Jual dohot tu na Marhata Sinamot di Ulaon Unjuk. dohot pangidoan asa sude nian hita Pomparan ni Ompunta Si Raja Hutagalung na di pangarantoan on boi mangulahon ulaon ni angka Dongan Tubu. di Ulaon Adat di na Pangolihon Anak dohot di na Pamuli Boru.
Molo adong na hurang lobi isi ni panghataion di na husurathon on, mangido ahu tu angka Dongan naung mapan di Ulaon Adat Batak asa olo mangalean roha dohot pingkiranna melengkapi Buku na metmet on asa gabe dumenggan parsiajaran ni angka Dongan Tubu na gabe dongan di angka Ulaon Adat.

Pesan dohot pangidoan tu angka Dongan si Ulahon Ulaon Adat asa tongtong berpedoman hita tu natinonahon ni Ompunta na parjolo i: DALIHAN NA TOLU dohot Hata na mandok:
Peak pe Adat sitongka do i langkaan, jongjong Adat sitongka do i tabaon.
Adat do Ugari sinihathon ni Mulajadi, Siradotan manipat ari, salaon di siulubalang ari.

Nang pe adong halak Batak na so olo be mangulahon Ulaon Adat di ngoluna ala naung asing pandohan na ni jalona sian donganna sahaporseaon, na mandok ulaon ni sipele begu do Adat Batak tarlobi di napasahat Ulos Herbang, alai unang ma lupa Halak Batak napinarorot ni Adat do angka Ompunta jala dimemehon Adat i tu angka pomparanna umbahen na tarihot Halak Batak di hasadaaon, parroha na masiurupan jala masitungkol-tungkolan, mabiar mangulahon na so tingkos di parsaoranna ala ni ihot-ihot ni Adat dohot Ugari ni Halak Batak.
Ai didok Apostel Paulus do di suratna tu Halak Rom Bindu 2 ayat 14 mandok: Ai diulahon angka Sipelebegu sian dirina do na pinangido ni Patik i, atik pe so adong Patik di nasida, asa gabe nasida sandiri ma songon patik di nasida na so marpatik hian.
Molo taterjemahon bebas pandohan i tu ngolu ni Halak Batak na mar-ADAT boi ma antusan tar songon on: Ai di ulahon Halak Batak sian Adatna do na pinangido ni Patik i, atik pe so a dong patik di nasida, asa gabe ihot-ihot ni Adat dohot Ugari sandiri ma songon patik di nasida.

Godang do na nioraan di Patik i, diorai di Adat Batak, didok do ingkon pasangaphon Natoras/natumua, ndang boi mambuat ripe ni dongan manang mangoli na mabalu ia so sahat dope ari-arina,diorai do martodos, mambuat arta ni dongan, margabus (jempek do pat ni gabus), mansai bahat dope na nioraan di Patik na tong dirorai di Adat Batak.

Tangkas do pinangido tu angka Dongan na olo mangulahon Ulaon Adat, songon on:

1. hibul dilean roha, pingkiran dohot gogona dibagasan las ni roha unang marpangait.
2. Parroha na lambas, lambok, unang parmuruk-muruk jala unang mura mandele.
3. Bisuk mangadopi angka nahumurang, unang olo muruk molo dipasingot dongan ditingki
adong songon napilit pandohan ni Adat di pandokna dibege dongan.
4. Olo mangajari huhut paturehon angka na rundut, patio angka na litok jala pature na sega.
5. Godang dope pangalaho ni si ulahon Adat alai pedoman ima: beha ma asa renta jala denggan
ulaon ni dongan molo dipasahat tu iba lao mangulahon.

HATA NA LAMBOK PAOMBUN RIMAS
HATA NA KORAS MAMBAEN MARSIGORGOR ATE-ATE.

Songoni ma jolo hata huhuasi dohot pangidoan tu hamu angka nahinaholongan jala molo tung adong nahurang lobi panghataion nahupasahat on, mangido ahu tu hamu asa olo hamu mamafhon ahu disi asa songon nidok ni umpama:

Pege sangkarimpang, hunik sahadang-hadangan,
manimbung rap tu toru, mangangkat rap tu ginjang, tongtong satahi saoloan.

Loting di tomboman, tabo nasiniraan,
Tondinta ma masigonggoma, dao ma na masisaritaan.

Horas Jala Gabe
Panurat : St. D.P.Hutagalung/Br. Simarangkir (O. ni Salomo)

Ditulis dalam Batak | Leave a Comment »

Pesta Unjuk ALAP JUAL Diinganan ni Hutagalung Ompu Tuan Napitu

Posted by halomoantondang pada September 22, 2008

ANGKA SIULAHONONHON DI PESTA UNJUK ALAP JUAL Diinganan Parpestaan Peranan pesta : di Pomp. ni Hutagalung Ompu Tuan Napitu

PROTOKOL PARBORU – PANDE JUHUT : ……………….
Ulaonna : ………………….
PROTOKOL : Andorang so masuk Penganten dht Suhut Sihabolonan

1. Manggora : Di hita na mardongan tubu si Raja Hutagalung, Boru, Bere, Dongan Sahuta dohot Ale-Ale, masuk ma hita tu bagas, jala hundulan di hita ima disabola siamun dung masuk tu gedung on.

2. Di hamu Pamoruonnami, Raja Simanjuntak; Amangboru, ma huparade hami inganan di hamu, di sabola hambirang dung masuk tu gedung on.

3. Paradehon PARHOBAS : a. Parhobas na di Pintu Masuk.
b. Parhobas ni inganan ni Hula-Hula
c. Parhobas si Jalo Tandok dohot Siuk
d. Parhobas si pasahat ulak ni Tandok/Siuk

4. Masuk Penganten dohot Rombongan ni Suhut Sihabolonan
a. Di hamu Borunami na di pintu masuk, beha ma rade Suhut Sihabolona OK
b. Di hamu nahuparsangapi hami, Amanta Raja dohot Inanta Soripada, ala naeng masuk ma Penganten dohot Uduran ni Suhut Sihabolonan, dohot hormat mangido hami, di na menyambut nasida, rap jongjong ma hita.
c. Di hamu Suhut Sihabolonannami, Mauk ma hamu. ….. MUSIK
d. Dung sahat Penganten di Podium
e. Mauliate ma di hamu – hundul ma hita.
f. BORUNAMI NA DI PINTU MASUK: beha ma rade hula-hulanta ? OK.
g. Di hamu Suhut Bolonnami, ala naeng manjalo haroro ni Hula-Hula dohot Tulangta, ro ma hamu sian Podium i.
h. Amang Parmusiknami, naeng manjalo haroro ni Hula-Hula dohot Tulangnami, mangarade hamu patupahon musik nahombar tu si.
i. MANGGORA HULA-HULA dohot TULANG:
Hata Panggoraon :Dihamu nahuparsangapi hami Raja ni Hula-Hulanami dohot Tulangnami, ndang namangorui di sangapmu Rajanami, alai namangait tu tingki do hita, asa sahali manjanghon ma hami nian Rajanami diharoromuna; jala tar- songon on ma panjanghonnami:
Di-jolo ma uduran ni Hula-Hulanami Raja …………Ihut ma muse Tulangnami Raja ………… Tulang Rorobotnami Raja………Bona Tulang Raja ……… Dungi Bona Ni Arinami Raja ………..Ihut ma Hula-Hula ni Namarhaha Maranggi Raja …………dohot Hula-Hula ni Anak Manjae Raja…..
j. Masuk ma hamu Rajanami – M U S I K

5. Dung sahat tu jolo didok ma : Horas ma di hamu Raja ni Hula-Hulanami dohot Tulangnami: ma huparade hami hundulan di hamu Rajanami, di sabola siamunnami, hundul ma hamu Rajanami.

6. BORUNAMI: patuduhon hami hundulan ni Raja ni Hula-Hulanta

7. PASAHAT ACARA PANGGORAON TU Protokol Paranak: Amangboru: ala naung singkop masuk sude Raja ni Hula-Hula dohot Tulangnami, hupasahat hami ma Acara Panggoraon tu hamu. Mauliate.

8. PROTOKOL PARANAK:
Mauliate ma Tulang: Songoni ma di hamu Suhut Sihabolonan, ala naeng manjanghon haroro ni Hula-Hula dohot Tulangta ma hita, ro ma hamu sian Podium i.

9. Selanjutna songon dia panggoraon ni Parboru di Hula-Hula dohot Tulang, songoni do tong panggoraon di Paranak dohot pasahathon hundulan di nasida
PASAHAT TUDU-TUDU NI SIPANGANON
DOHOT DENGKE SIMUDURUDUR

10. Protokol Paranak: Beha Tulang naeng ro ma hami pasahat tudu-tudu ni sipanganon, mangarade ma hamu.

11. Protokol Parboru: Nauli Amangboru rade ma hami, ro ma hamu: Di hamu Suhut Bolonnami, ala naeng ro ma Borunta lao pasahat tudutudu ni sipanganon ro ma hamu tu inganan on. Songoni ma nang di hita na mar Dongan Tubu Pomparan ni si Raja Hutagalung ro ma hamu tu jolo on asa rap manjalo hita di tudutudu ni sipanganon napinasahat ni Borunta Jolo dipasahat ma Dengke asa masijalangan:

12. BORUNAMI: Boan hamu ma tuson Dengke sipasahatonta
Hatana di napasahathon Dengke.
Dihamu Borunami Raja ……….: Parjolo ma hita mandok mauliate tu Amanta Debata, siala Asi ni rohaNa dilehon dihita ari nauli, sadarion marlas ni roha. Nangkining, ma dipasahat hamu tu hami tudu-tudu ni sipanganon di ulaonta sadarion, las rohanami manjalo huhut mandok mauliate.
Dison, ro do hami pasahathon tu hamu: Dengke simudur-udur, Dengke sitio, Dengke sahat, dohot tangiang pangidoan tu Tuhanta Pardenggan BasaI, Sai mudur-udur ma antong parhorason panggabeani di hamu, Dengke sitio ma on, asa sai tio ma nang angka parngoluan dohot pansamotani dapotonmu tu joloan on. Dengke sahat ma on, sai sahat ma tutu basabasahonon ni Tuhanta, angka nauli nadenggan nataparsinta di ankhonta naung mamungka parbagason on. Tung songon on pe naboi tarpasahat hami Dengke Simudur-udur on tu hamu ditingkion, las ma rohamu manjalo. Botima.
Masijalangan.

13. Dihita na mar-Dongan Tubu Pomparan ni si Raja Hutagalung, Borunami dohot Berenami, Dongan Sahuta dohot Ale-Ale. Tarlobi ma di hamu Raja ni Hula-Hulanami dohot Tulangnami:
Dison, nunga dipasahat Borunta Raja ……………. tu hita tudu-tudu ni sipanganon di ulaonta sadarion, molo tung dijolo ni hasuhuton pe nuaeng tudu-tudu ni sipanganon on, naung rap manjalo ma hita di si. Mauliate ma.

14. Beha Amangboru Raja …………; asa tapungka namarsipanganon, ala hamu do napatupahon sipanganon di ulaonta on, tu hamu ma hupasahat hami mamboanhon di tangiang laho mangan tu Tuhanta.
Paranak pasahat sulang-sulang natabo tu Parboru

15. Manjahahon Daftar ni namamboan SIUK.

16. Marbagi Parjambaran Juhut:
Sungkun-sungkun tu Paranak :

17. Amangboru Raja …………., nagkining nunga dipasahat hamu tu hami tudu-tudu ni sipanganon di ulaonta on. Namanungkun ma hami tu hamu Amangboru, beha hatana taringot tu tudu-tudu ni sipanganon on.
Alus ni Protokol Paranak :
Mauliate Tulang, taringot tu tudu-tudu ni sipanganon naung hupasahat hami tu hamu ba hamu ma Tulang namangaturhonsa, sidapot solup ma hami.

18. Antong Amangboru, andorang so disseat raut, parjolo ma diseat hata; songon on ma na masa taringot tu parjambaran di hami si Raja Hutagalung:
Selain ni Osang dohot Ihur-Ihur, sude ma tabagi dua:
Jadi sipasahatonnami tu hamu ima: 2 soit, satonga somba-somba, dohot parsanggulan parhambirang. Beha Amangboru ? OK.

PARANAK MANGIDO TINGKI MANJALO TUMPAK

19. Dihita namardongan tubu, Hahadoli dohot Anggidoli ro hamu tu joloon asa rap hita pature parjambaran on.
antong molo dos tahinta, beha parjolo ma tapasahat jambar tu hula-hulanta?? (Horas jala gabe)

Parbagi ni Parjambaran:
01. Osang himpal tu Hula-Hula : Raja …………….
02. Somba-Somba : Tulang : Raja ………………..
Tulang Rorobot Raja ………………
Bona Tulang : Raja ………………
Bona ni Ari : Raja ………………

Hula-Hula Namarhaha Maranggi: 01 Raja ……………….
02. Raja ………………….
03. S o I t : 01. Ompu Datu Harean
02. Ompu Matasapiaklangit
03. Ompu Datu Sorga
04 Ompu Sibulungmotung
05. Ompu Partombus
06. Punguan ni si Raja Hutagalung
04. Parsanggulan Parsiamun : Boru dohot Bere ni Hutagalung
05. S o i t 08. Dongan sahuta + Ale-Ale
09. Pariban ni Hasuhuton Bolon (Br. ……………)
10. Pangula ni Huria
11. Dongan Parhundul – Tulang ni Pangoli
Boi do pasahaton ditingki pasahathon Tintin Marangkup.
Protokol: molo tung adong nalupa hami di-napasahat parjambaran juhut on, masi-ingotan hita asa hugorahon hami parjambaran di nasida.
Molo hurang Parjambaran i: dibuat ma sian Ihur-Ihur i.
07. Jambar ni : 1. Haha-Anggi nasapanganan
08. Jambar ni Haha-Anggi : Dongan Sabutuha
09. Natinggal i ma : jambar ni Suhut Bolon marhaha-maranggi

Marhata Sinamot:
Molo dung renta sude:
Protokol: Di hita namardongan tubu Pomparan ni si Raja Hutagalung, Boru/Bere, Dongan Sahuta dohot Ale-Ale, tapadenggan ma parhundulta asa tipak hita laho mamungka panghataion dohot Raja ni Pamoruonta Raja ……………….

Borunami, ala naeng pungkaonta ma panghataion, denggan ma bahen hamu
hundulan ni Hula-Hula dohot Tulangta.

Di hamu Raja ni Hula-Hulanami/Tulangnami
Hula-Hulanami Raja …………, Tulangnami Raja …………….. Tulang Rorobot: Raja ………….; Bona Tulang : Raja …………; Bona ni Ari Raja ………………..;
Hula-Hula ni namarhaha-maranggi :Raja ………… dohot Raja ………………..
Nunga huparade hami hundulan di hamu Rajanami disabola siamunnami, tangkas ma hamu hundul Rajanami laho maniroi hami di panghataionnami dohot Pamoruonnami Raja ………………..
Gora tu Paranak Raja ……………….:
Di hamu Amangboru Raja ……………– Beha Amangboru, Marnida hita tu tingki, ma boi udutanta ulaonta ?? –OK—
Antong , jolo masipasangapan ma jolo hami namar-Dongan Tubu tarlobi dohot Hula-Hula dohot Tulangnami, asa hupataripar hami tu hamu panghataion.

Masisungkunan Pomp. Ni si Raja Hutagalung:
Protokol : Di hita na Mardongan Tubu Pomparan ni si Raja Hutagalung:,
Songon naung rap hita umbotosa, ia Ulaonta on ima na dihasuhuthon ni Pomparan ni Ompu Miralopak, jala Hasuhuton Bolon ditingkion ima sian Ompu TUAN NAPITU.
Sada do hita songon daion mual, sisada Anak, sisada Boru di sude ulaonta.
Ia di hami Pomparan ni Miralopak ma nuaeng manghasuhuthon Ulaonta sadarion, songon nidok ni Umpama ma dohononnami: Tinallik huling-huling, tarida holi-holi, ia di hami Pomparan ni Miralopak ma nuaeng namanghasuhuthon ulaonta on, ba hamu Anggi doli Pomparan ni Ompu si Raja Ina-Ina ma panamboli. Antong, di hamu Anggidolinami Pomparan ni Ompu si Raja Ina-Ina: Matasapiak Langit, Datu Sorga, Sibulungmotung, dohot Partombus. Hamu ma Anggidoli namasiaturan, na gabe Raja Parsinabung, hupasahat hami ma tu hamu. Mauliate ma.

Songoni ma nang di hamu Hahadolinami Pomparan ni Ompu Datu Harean, hamu ma Hahadoli na gabe Suhut Paidua di ulaonta on laho mangalusi molo tung adong sungkun-sungkun sian Anggidolinta si Raja Ina-Ina. Mauliate ma

Masisungkunan ma Raja ni Anggi Doli: Matasapiak Langit, Datu Sorga, Sibulungmotung, dohot Partombus manang ise ma sian nasida nagabe Panamboli/Parhata
Dung sada roha nasida dipungka ma manghatai, songon on:

PARSINABUNG :
Dihamu Suhutnami, Gokkon sipaimaon, Jou-jou sialusan, ia nunga ro hami nuaeng dison lao mangalusi gokkon dohot jou-joumu, jala hundul hita nuaeng di amak tiar dialaman antaran nabidang on asa tiar ma antong parsaulian tiar parhorason panggabeani dihita tumpahon ni Amanta Debata Parasirohai.
Ia naung butong hita mangan indahan nalas, sagat marlompan nataboi, huhut minum aek sitio-tio napinatupamuna, sai pamurnas ma i tu daging, saudara tu bohi, sipalomak imbulu sipaneang holi-holi, ia namanungkun ma hami tu hamu Hahadoli, dia ma nangkatna dia ma ultopna, dia ma hatana dia ma nidokna dialusi Raja ni Hahadoli ma.

SUHUT PARBORU PANGALUSI:
Horas ma jala gabe Anggidoli, mauliate ma di Tuhanta Pardenggan basai, mauliate ma nang dohononnami tu hamu diholong nirohamunai di hami, ro do hamu antong mangohi gokkon dohot jou-jounami, Sai ro ma haroan marharoan tu joloanon, jagar hata dibahen hamu songon namarlompan hunik, jala dipatama hamu hata i songon namartondi eme, sai tubu ma najagar tu hita on tumpahon ni Amanta martua Debata, dohot Tondi ni Amanta Raja naliat nalolo on.
Ia hata ni sipanganon naung tapangani Raja ni Anggidoli dohononnami ma:
Godang sibutong-butong otik sipir ni tondi, ia tung so sadia pe sipanganon dohot siinumon naung tahasagathon i ba sai pamurnas ma i tu daging saudara tu bohi. Ndang namangholit hami ba molo tung pe namangholit sai tamba ma naniholit. Ia alus ni sungkun-sungkun ni -Anggidoli paboaonnami ma tutu:
Parhorasan Panggabean do Anggidoli. Botima

PARSINABUNG
Horas ma jala gabe Hahadoli, parhorason panggabean do hape pinaboana, ia marangkup songon nahundul, mardongan songon namardalan, marangkup do nauli mardongan do nadenggan, asa tangkas ma purba, tangkas ma angkola, asa tangkas hita maduma tangkasan ma namamora, tumpahon ni Tuhanta: asa angkup ni parhorasan panggabeani tangkas ma dipaboa Hahadoli asa dibege angka Amanta Raja dohot Inanta soripada tarlobi Hula-hulanta. Dohot Tulangta.
Songoni ma hahadoli sungkun-sungkunami, dialusi Hahadoli ma.

SUHUT PARBORU PANGALUSI
Horas ma jala gabe Anggidoli; marangkup do tutu nauli mardongan do nadenggan asa tangkas ma purba tangkas ma angkola asa tangkas hita maduma, tangkasan ma namamora marhite-hite pasu-pasu ni Tuhanta, ba angkup ni parhorasan panggabeani paboaonnami ma tutu:
Ia diari nauli ari nadenggan on nanilehon ni Tuhanta dihita marlas ni roha, na ro do pamoruonta, Raja ………… mandapothon hita Hula-hulana, jala naung masiadopan hita nuaeng di bagas namarampang namarjual sigonggom pangisina on, ba asa, haru tumangkas botoonta diharoro nasida, ba hupasahat hami ma tu hamu Anggidoli laho manungkun haroro nasida mandapothon hita, botima Anggidoli

PARSINABUNG
Horas ma jala gabe diboa-boamu,
na ro do hape pamoruonta Raja ………, mandapothon hita.

Hata ni parsinabung tu Horong Hula-Hula: Songoni ma dihamu nahuparsangapi hami Raja ni Hula-Hulanami dohot Tulangnami: (digorahon ma Marga nasida mamungka sian: Hula-hula-Tulang-Tulang Rorobot-Bona Tulang-Bona ni Ari –Hula-Hula ni namarhaha-maranggi dohot Hula-Hula ni Anak Manjae) laos didok ma :
Rajanami, Raja Bolon: (digora ma Marga ni sude Hula-Hula sesuai tu susunanna) songon naung rap hita umbege boa-boa sian Suhut Sihabolonan, ia sadarion nunga masiadopan hita dohot Raja ni Pamoruon Raja ………………….. na ro mandapothon hita di hutanta on. Namanungkun ma hami: Beha Rajanami, ma denggan hundulanmu na huparade hami di siamunnami? Mauliate ma: antong, naeng pungkaonnami ma manghatai dohot Raja ni Pamoruonnami, asa didok Ompunta naparjoloi: Ranting ni Bulu Duri, sanjongkal dua jari, Raja na burju do hamu manuturi dohot naburju mangajari hami Pamoruonmuna dipanghataionnami dohot Pamoruonnami. Mauliate ma.
diandehon ma hatana tu Raja Parhata ni Paranak. Boha di hamu Pamoruonnami, Raja ……… ……..marade hamu asa manghatai hita

PARANAK- (Pangalusi parjolo: Protokol)
Horas ma jala gabe Rajanami, Marade be alai Rajanami asa tangkas hami laho mangalusi sungkun-sungkun ni Rajai lehon hamu ma jolo tingki dihami asa manghatai jolo hami namarhaha-maranggi tarlobi dohot Hula-hulanami.
(Panghataion namasipasangapan namardongan tubu Paranak dohot Hula-Hulana sarupa do songon panghataion ni Parboru di namasipasangapan)
Dung dapot nasida Raja Hata laos Raja Hata i ma na paboahon kesiapan nasida tu Parhata ni Parboru. Rajanami ma rade be hami pamoruonmu, tapungka ma ulaonta

PARBORU
Horas ma jala gabe Raja ni Boru. Ia didok umpama: dolok ni Sipakpahi Panatapan tu Sibuluan, asa tapungka manghatai Raja ni Boru pasahat hamu ma jolo Pinggan Panungkunan

PARANAK
Mauliate ma Rajanami, ia binsar songon mataniari, marsinondang songon bulan ba nunga manggora hula-hula laho mamungka manghatai ba dison pasahatonnami ma Pinggan Panungkunan.
Borunami, pasahat hamu Pinggan Panungkunan on tu jolo ni Hula-hulananta

PARBORU
Mauliate ma Raja ni Boru (Amangboru), dison nunga dipasahat hamu Pinggan Panungkunan, Pinggan sitio suara, asa tio marsoara, , Pinggan Pasu, nahot dihundulanna, sai hot ma pasu-pasu ni Tuhanta dihita, songoni muse peak do diatasna Napuran sirata bulung sipalas roha ni Inanta Soripada/ Boru ni Raja, ba sai rata ma antong parhorasan panggabean i dapotonta tujoloan on, huhut do dison boras sipir ni tondi, parbue siribur-ribur sai anggiat ma torop maribur angka pomparanta huhut matangkang manjuara, asa pir ma pongki bahul-bahul pansalongan, pir ma tondi sai tu tambana ma pansamotan, dison muse ringgit sitio suara/Rupia namararga, homitan ni boru ni Raja, sipatamba las ni rohanta diloloan bolon on. (dibuat parsinabung ma hepeng i 3 lembar, salembar dilehon tu Dongan Tubu di hambirang, salembar tu siamunna, salembar di Parsinabung)

Laos didok ma hatana : Amangboru: Nunga hujalo hami Pinggan Panungkunan on, nuaeng hupasahat hami muse tu hamu asa gabe Pinggan Pangalusi.
Dijou Boru : Hamu Borunami pasahat hamu ma jolo Pinggan Panungkunan on tu Raja …………… Paribanmu:

Manghatai ma hita Amangboru:
Ba ia hundul hita nuaeng diatas ni amak tiar dijabu namarampang namarjual sigonggom pangisina, sai tiar ma antong parhorasan panggabeani di hita tu angka ari na ro. Ia nunga simpul hita mangan indahan na las, hinabosurhon, huhut marlompan natabo i, nihasagathon, songoni nang minum aek sitio-tio, sai tu tiona ma angka pansamotan, parsauliani tu joloanon tumpahon ni Amanta Pardenggan Basai. Ia namanungkun ma hami nuaeng Raja ni boru Dia ma nangkatna dia ma ultopna dia ma hatana dia manidokna dipaboa Raja ni Boruma.

PARANAK
Horas ma jala gabe Rajanami, Andorang so hualusi hami sungkun-sungkun ni Raja i dohononnami ma: Tangan do botohon. Ujungna jari-jari, jari-jari sampulu sude do i marpanggoari, andorang so nidok hata sidohonon, parjolo ma hami marsantabi: Sungkun-sungkun ni Raja i alusannami ma tutu :
songon nanidokmunai ma tutu …..

songon nanidokmunai ma tutu, sai tu tiarna ma parhorasan panggabeani sai lam tu tiona angka pansamotani dihita tu angka ari nanaeng ro: Taringot tu Sipanganon masak Rajanami dohononnami ma:
Godang sibutong-butong, otik sipir ni tondi. Tung so sadia pe nahuparade hami sipanganoni, sai pamurnas ma i tu daging, saudara tu bohi, sipalomak imbulu mai sipaneang holi-holi, hinarat pangkal ni tobu lam tu tonggina, ndada namangholit hami Rajanami tung sibahenon do so sadia, molo tung pe namangholit Rajanami siala ni tangiangmu tu Amanta Debata sai tu tambana ma naniholit.
Sai songon bagot namarhalto ma natubu di robean, horas ma hamu Rajanami namanganhon horas antong nang hami namangalean. Taringot tu sungkun-sungkun ni Rajai, alusannami ma tutu: Parhorasan Panggabean do nidokna, boti ma Rajanami.

PARBORU
Horas ma jala gabe Amangboru dialusmunai, ia didok hamu parhorasan panggabean do hape nanidokna, ba mauliate ma tadok tu Amanta Debata Pardengganbasai, tutuma songon nanidokmunai sai songon bagot namarhalto ma natubu dirobean, sai horas ma hami namanganhon horas ma hamu namangalean., asa.
Timbo dolok martimbang panatapan tu pangaloan, Sai manumpak ma Amanta Debata nadiginjang, sai ro ma dihamu singkat ni i marlipat ganda angka pansamotan Ia namarangkup songon nahundul, mardongan songon namardalan, marangkup do nauli mardongan do nadenggan,
asa tung tangkas ma purba, tangkas ma tutu angkola, asa tangkas hita Maduma, tangkasan ma na-Mamora, angkup ni parhorasan panggabean i haru tangkas ma dipaboa Raja ni Boru, asa tangkas dibege angka Amanta Raja, dohot Inanta Soripada tarlobi angka Raja ni Hula-Hula, dohot Tulangnami, botima da Raja ni Boru

PARANAK
I ma tutu Rajanami, mansai las situtu rohanami umbege sungkun-sungkunmunai, tutu ma hamu sisuan bulu jala panjala, siboto uhum do hamu jala angka anak ni Raja.
Songon nanidokmunai Rajanami asa tangkas ma purba tangkas ma angkola, jala asa tangkas hita maduma, tangkasan ma namamora, paboaonnami ma rajanami angkup ni parhoransan panggabean i: Didok umpama ni ompunta najolo:
Denggan ma bulu godang, denggan baen hite-hite. Molo adong anak manang boru magodang denggan ma asa hot ripe. Asa tubuan laklak tubuan singkoru, tubu sanggar diparsopoan, asa tubu dinasida anak dohot boru jala jengkar-jengkar dihangoluan.
Ia dimanang piga ari nasalpu nunga ro hami manomba hamu Rajanami, jala ma satahi saoloan hita Rajanami disangkap ni angka anakhonta asa hot ripe, jala nagkining diparnangkok ni mata ni ari nunga rap hita mangudurhon anakhontai tu adopan ni Debata di Bagas JoroNai asa manjalo pasu-pasu parbagason marhite Naposo ni Tuhanta. Nunga terlaksana i dohot denggan.sohariboriboan,
Mauliate ma di Tuhanta Pardenggan Basai. ………

Mauliate ma di Tuhanta Pardenggan Basai.
Marpungu ma hita nuaeng dibagas namarampang namarjual sigonggom pangisina on, asa mangido ma hami nian Rajanami diharadeon ni rohamu asa tauduti ma nian ulaonta NA – MARHATA SINAMOT

PARBORU
Tutu ma nanidokmunai Amangboru, denggan ma bulu godang denggan baen hite-hite molo dung magodang anak manang boru denggan ma asa hot ripe. Jala didok hamu asa tauduti ulaonta NAMARHATA SINAMOT. Mauliate ma di Debata:, Mauliate ma dihamu Raja ni Borunami.
Ai nunga pitu lilinami paualu jogianami, nunga nauli nipinami ma adong hamu pandurungannami,, ba tangkas do huboto hami anggo hamu :
Pat ni gaja tu pat ni hora angka pomparan ni Raja do hamu jala angka namamora. dibahen i pasahat hamu ma sinamoti mansai godang. Botima hatanami Raja ni Boru

PARANAK
Mauliate ma Rajanami, tutu do nanidokmunai Pat ni gaja tu pat ni hora angka anak ni Raja do hita jala angka namora, alai tumangkas do Rajanami dohononnami rap Anak ni Raja do hita naburju marroha.
Ala ndang imbulu sinuanhon be hami jala huling-hulingnilangkophon tu hamu Rajanami, naung borumuna hian do hami sian angka ompunami,.
Ai songon nidok ni umpamai Rajanami Urat ni Singkoru, dihunghupi bulung bira, anggo haburjuon ni hamu Raja Hutagalung marboru nunga tarbarita sahat ro didia.
Mangingot i do hami Rajanami umbahen nabarani hami ro toadopanmu ai ida-ida do nabutong jora-jora do namale. Jadi namarsomba ma hami tu hamu Rajanami taringot tu Sinamot ni Parumaennami, tarsongon on ma nian Rajanami elek-eleknami asa si sahali manombahon ma hami Rajanami disomba ni Uhum, somba ni Adat di-godang ni Sinamot ni Parumaennami sipasahatonnami tu hamu Hula-Hulanami.
Songoni ma somba pangidoannami tu hamu Rajanami.

PARBORU
Horas ma jala gabe Raja ni Boru, pangidoanmu asa sahali mangelekhon sahali manombahon hamu di somba ni uhum, somba ni Adat, dohot godang ni Sinamot, anggo ahu sandiri ala tangkas do hamu tinanda naburju marhula-hula. alai Amangboru, asa tung tangkas begeon ni angka Amanta Raja dohot Inanta Soripada dipangidoanmu di Somba ni Uhum, Somba ni Adat dohot di hata ni Sinamot sipasahatonmu haru dipaboa Raja ni Boru ma

PARANAK
Mauliate ma Rajanami, malambok pusu, tangkas ma tutu paboannami pangidoannami tujolo ni Rajai, di Somba ni Uhum, Somba ni Adat dohot dihata ni Sinamot sipasahatonnami tarsongon on ma Rajanami pangidoannami: di hata ni Sinamot: SITOMBOL ma nian Rajanami. ALAP JUAL ma Parumaennami jala ULAON SADARI. Songoni ma jolo somba pangidoannami Rajanami.

PARBORU
Dihita namardongan tubu, songoni nang Boru dohot Berenami, tarlobi di hamu sude nahuparsangapi hami Raja ni Hula-Hulanami dohot Tulangnami, nunga rap umbege hita dipangidoan ni pamoruon asa sisahali mangelekhon/manombahon ma nasida Disomba ni Uhum, di somba ni Adat dohot di hata ni Sinamot sipasahaton nasida, ima Sinamot na-Gok Sitombol, Alap Jual ma Borunta jala Ulaon Sadari, beha alusmu:

Songon on ma pangatur ni panungkunan:
BORU : Mauliate ma Rajanami, diingot hamu do hami antong Borumu, anggo sian hami Borumu, alusnami sipangihut do anggo hami, songon dia pe haputusanmu Rajanami, namangihuthon ma hami, botima hatanami Rajanami.

Parhata Parboru mangandehon hata tu sude Hula-Hula:
Di hamu saluhutna Hula-Hulanami; (unang lupa mandok Harajaon Nasida Hula-Hulai) nunga rap hita Rajanami umbege pangidoan ni Pamoruonnami di Somba ni Uhum, Somba ni Adat dohot di hata ni Sinamot sipasahaton nasida tu hita asa sahali mangelekhon, sahali manombahon.
Andorang so hualusi hami pangidoan ni Pamoruonnami asa pos rohanami Rajanami mangido ma hami di-panuturion sian hamu sude Hula-Hulanami dohot Tulangnami, ai songon nidok ni Ompunta sijolo-jolo tubu : Dipudi hamu sipaimaon, dijolo hamu siaduon, Sihorus nasuksuk do hamu, sigohi nalonga, hupasahat hami ma panghataion on tu hamu Rajanami.

(laos digora ma Boruna laho pasahathon Microphone tu Hula-Hula)

Hata sian Hula-Hula: (dung jolo masisisean horong Hula-Hula, dipasada ma hatana laos Hula-Hula (tulang ni Boru Muli ma) na manghatahon:)
Horas ma jala gabe dihamu Raja ni Borunami, Taringot ni pangidoanmu tu hami hula-hulamu dohot Tulangmu, nunga satahi hami, ahu ma namangalusi:
Mansai las rohanami umbege panghataionmuna hamu namarhula-marboru naung masipaolo-oloan ba sian hami hula-hulamu sidohononnami tu hamu ba Balintang ma Pagabe tumandanghon sitadoan, sai Asi ma roha ni Tuhanta, ba arimuna ma gabe molo olo hamu masipaolo-oloan. Songoni ma hata sian hami hula-hulamuna

PARBORU Didok ma mauliate di paniroion ni Hula-Hula.

DONGAN TUBU: (tarsongon on ma nian alus sian dongan tubu) mauliate ma Hahadoli/Anggidoli, songoni pos ni roham dipangidoan ni Pamoruonta songoni do nang hami, tandokmu do tandokku, pandokmu do pandokhu, ba naung sahata ma hita Hahadoli/Anggidoli songon dia pandokmu/ alusmu tu Pamoruonta songoni do nang alusnami, hupasahat hami ma tu Hahadoli

PARBORU
Songoni ma dihamu Raja ni Pamoruonnami, nunga dibege hamu panghataion sian Dongan tubu, Borunami, tarlobi sian Hula-Hulanami, alai andorang so hualusi hami pangidoanmunai Amangboru, haru dipatangkas Amangboru ma Somba ni Uhum, somba ni Adat dohot godang ni Sinamot ni Borunami nanaeng sisombahononmu tu hami, asa dibege sude Amanta Raja dohot Inanta Soripada naliat nalolo, songoni ma Raja ni Boru

PARANAK
Horas ma jala gabe Rajanami, ala dison do hami namardongan tubu, borunami, tarlobi dohot hula-hulanami, asa tung tingkos pos ni rohamu naung sahata hami taringot tu elek-eleknami i tu hamu, lehon hamu ma jolo tingki dihami asa manghatai hami Rajanami.
Catatan : 1. Adong do sipata: andorang so dipangido Prsinabung Parboru alus sian Boru, Dongan tubu dohot Hula-Hula, jolo didok tu Paranak asa jolo “Hubege hami, naung satahi hamu di pangidoanmuna i.”
2. Molo songoni sipata: dinapaboahon sisahali manombahon, sisahali mangelekhon i Paranak gabe dohot ma didok godang ni Sinamot i.
3. Hape maksud ni pangidoan sisahali manombahon-sisahali mangelekhon dope anggo sialusan (ai tarida disi pos ni roha)

Hata Pangidoan ni Paranak tu Dongan Tubuna, Boruna dohot Hula-Hulana:
Hata pangidoan tu Hula-Hula dohot Tulang:
Songoni ma dihamu saluhutna nahuparsangapi hami Raja ni Hula-Hulanami dohot Tulangnami nunga dibege hamu pangidoannami tu Raja ni Hula-Hulanami asa sahali manombahon sahali mangelekhon nian hami, disomba ni uhum somba ni adapt dohot digodang ni Sinamot sipasahatonnami tu hula-hulanami.
Andorang so huhatahon hami, mangido ma hami Rajanami dipanuturion sian hamu dipangidoannami i, ai didok umpasai do: Ranting ni Bulu Duri, sanjongkal dua jari Raja naburju do hamu namalo manuturi jala naburju mangajari. hupasahat hami ma panghataion tu hamu Rajanami, botima.
(huhut dijou Boruna laho pasahathon Microphone)

Hata sian Hula-Hula ni Paranak, hata sian Boru dohot Dongan Tubuna
Ndang pola berbeda i sian hata ni Hula-Hula, Boru dohot Dongan Tubu ni Parboru.

Dung dapot Paranak alus, didok ma:
PARANAK
Rajanami, Hula-Hulanami nunga dibege hamu panghataionnami, nasatahi do hami namardongan tubu, borunami tarlobi hula-hulanami, dipangidoannami asa sahali manombahon hami di godang ni Sinamot sipasahatonnami.
Antong Rajanami, mangoloi pangidoanmunai asa dohononnami ma Somba ni Uhum, Somba ni Asdat dohot Hata ni Sinamot, songon on ma pangidoannami Rajanami: di godang ni Sinamot, disi ma Horbona, disi ma Lombuna, Hodana, Masna, dohot Serena, alai pangidoannami, hupasada hami ma i gabe Rupiah ni Pamarentanta asa unang pola lola hamu Rajanami. Ia Sinamot nagok sipasahatonnami: Sitombol ma Rajanami, Alap Jual ma Parumaennami, jala Ulaon Sadari. jala godang ni Sinamot i Rajanami sombahononnami ma Rp. 30.000.000,==

PARBORU
Mauliate ma Raja ni Boru, Rp. 30.000.000,== ma hape sinamot sipasahatonmu, sitombol, Alap Jual dohot Ulaon sadari alai nang pe songoni anggo upa ni suhi ni ampang naopati dohot angka nahombar tusi pasahatonmu do ate Amangboru.

PARANAK: Baris-baris ni Gajah dirura pangaloan molo marsuru Raja dae ma sooloan ba songon dia pandok ni Rajai huoloi hami ma i Rajanami.

PARBORU
Songoni ma dihita saluhutna napunguon, tarlobi dihamu Hula-Hulanami dielek-elek ni Pamoruonnami dihata ni Sinamot nunga rap umbege hita, godangna i ma Rp.30.Juta sitombol, Alap Jual, Ulaon Sadari tamba ni Parjambaran tu Suhi ni Ampang na Opat.
Laos dipasahat hatana tu Suhut Sihabolonan: di hamu Suhut Sihabolonannami, didok natua-tua do Lasiak natata didia panggilingan, manghatai pe Raja hata tu Raja hata, dihamu Suhut Sihabolonan do anggo keputusan. Nunga dipaboa pamoruonta pangidoan nasida di somba ni uhum, somba ni adat dohot godang ni Sinamot ni Borunta sipasahaton nasida godangna Rp. 30.000.000,== Sitombol, Alap Jual, Ulaon Sadari. Hupasahat hami ma tu hamu.

Hata Alus sian Suhut sihabolonan/Paidua ni Suhut:
Horas ma jala gabe, dihamu Hahadoli/Anggidoli – dangkana do rantingna songon dia hata ni hahana songoni do hata ni angina,. Mauliate ma dihamu saluhutna , sada do hita songon daion mual, sisada Anak sisada Boru, songon dia pe naung dihatai hamu dohot pamoruonta, molo dung denggan dirohamu nadohot do hami marlas niroha disi, Mauliate ma dihamu.

PARBORU
Dihamu Raja ni Pamoruonnami, nunga be sisada hata sisada pandohan hami Hula-Hulamuna: sai songon nidok ni umpasa ma dohononnami: Amporik mallipik, Onggang marbabang, sai gabe ma parsinamot naotik, gabe ma parsinamot nagodang. Dipangidoanmuna asa sombahononmu ma godang ni Sinamot sipasahatonmu tu hami Hula-Hulamuna godangna Rp. 30.000.000,== sitombol, Alap Jual, Ulaon Sadari tambani Upa ni Suhi ni Ampang na-opat huoloi hami ma i, Horas ma jala Gabe, ro ma hamu pasahat hamu ma.

PARANAK
Horas ma jala Gabe Rajanami, Mauliate ma dipangoloionmuna dielek-eleknami.
Laos digora ma Suhut Paranak huhut mandok songon on:: di hamu Suhut Sihabolonan, nunga tangkas dioloi Hula-Hulanta pangidoanta di godang ni Sinamot sipasahatonta, ro ma hamu laho pasahathon Sinamot Nagok tu Hula-Hulanta..

Borhat ma Suhut Sihabolonan Paranak : Inang ni Pangoli ma maniop Pinggan marisi boras dohot Hepeng Sinamot i, diatas telapak tangan huhut ditortorhon.
Parjolo dipasahat ma jolo tu jolo ni Parsinabung Paranak jala sian i tu jolo ni Parsinabung Parboru, dungi borhat ma nasida tu Suhut Sihabolonan Parboru naung rap jongjong di Podium. Detortorhon ma mamungka sian partopi ni na jongjongi jala parpudi sahat ma tu Inang ni Boru Muli naung paradehon Ulosna manjalo Sinamot i. Diusehon Inang ni Paqngoli ma Sinamot dohot borasi, tu bagasan Ulos i dungi masijalangan.
Hatorangan ni si Jalo Sinamot dohot Jambar Hepeng (Upa)
Suhut sihabolonan Parboru = Sijalo Sinamot sian Suhut Paranak

Borhat ma pasahat Panandaion:
Pamarai ni Paranak = Sijalo Upa Sijalo Bara sian Dongan saama ni Parboru
Anak Manjae di Paranak = Sijalo Upa Simandokhon /Iboto ni Boru Muli
(dipasahat Suhut Paranak nidonganan ni Suhut Parboru) = Upa Tulang
Hula-Hula pangalapan Boru (Tulang ni Boru Muli)
Sihunt Ampang ni Paranak = Sijalo Pariban (Haha ni Boru muli naung hot ripe manang Namboru ni Boru muli)
SUHI NI AMPANG NAOPAT di Parboru ima: Sijalo Bara – Simandokhon –
Pariban dohot Tulang
AMPANG ima Suhut Sihabolonan Parboru namanjalo Sinamoti sian Paranak
Pomparan ni Ama ni Suhut marhaha maranggi = Sijalo Upa Todoan
Pomparan ni Ompung Marhaha marangg = Sijalo Upa Panghaei
Pomparan ni Amang mangulahi Marhaha maranggi = Sijalo Upa Bola Tambirik
Iboto ni Suhut = Sijalo Upa Parorot
Punguan ni Marga = Sijalo Upa Punguan
Pinggan Panganan = tu Parboru upa ni natorop

(dung sahat Pinggan Panganan sian Paranak tu Parboru,
asa dihatai Tintin Marangkup)

Tulang ni Hela = Sijalo Upa Tintin Marangkup (napasahathon
Suhut Parboru nidonganan ni Suhut Paranak)

Hata ni Suhut Parboru: Dihamu Dongan Sahundulannami, Tulang ni Helanami
Songon nidok ni umpasa: Hot do jabui, hot margulang-gulang, tung boru ni ise pe dialap bereniba, tong do i boru ni Tulang. Tingkion, Borunami ma jolo dialap beremu, Godang do hujalo hami sinamot ni borunta i, dison otik godang sian sinamot i pasahatonnami sipalas rohamu dohot pangidoannami tung borunami pe dialap beremi ba sisada boru ma hita di borunta i. Mauliatema
Catatan: dinadeba rap pasahathon do tu Tulang ni Hela: Jambar Juhut dohot
Upa Tintin Marangkup.
Molo songoni caran: parjolo ma dihatahon Jambar Juhut i.

Taringot tu Pinggan Panganan dohot Ulos Tinonun Sadari, nunga ditontuhon hian, masinangkohi tangga ni balatukna, lapatanna: masi-isi di horongna be.

PARBORU:
Amangboru, nunga mansai las rohanami dipangoloionmu tu pangidoannami, dohononnami ma: Timbo Dolok Martimbang, panatapan tu Pangaloan. Sai Asi ma roha ni Amanta Debata na di Banua Ginjang, sai ditambai ma dihamu singkat ni i, marlipat ganda angka pansamotan.
Angkup ni i Amangboru, asa dos nangkokna dohot tuatna, atik adong sihol ni rohamu sipangidoonmu sian hami hula-hulamu, rade do hami patupahonsa ontak ni natarpatupa hami, didok Amangboru ma:

Sahat ma panghataion tu namangido Ulos Herbang.
Biasana ma tontu godangna, jala ndang pola ganjang be panghataion taringot tusi, migor ma didok Parboru asa mangarade nasida:

Pardalan ni napasahathon Ulos herbang :

01. Ulos Pansamaot : tu Natoras ni Pangoli
dipasahat Natoras ni Boru Muli.
02. Ulos dohot Mandar Hela : tu Penganten dipasahat Natoras ni Boru Muli.
03. Ulos tu Pamarai : dipasahat si Jalo Bara
04. Ulos tu si Hunti Ampang : dipasahat si Mandokhon
05. Ulos tu Anak Manjae : dipasahat namartinodohon

SUHI NI AMPANG NA OPAT DI PARANAK ima:
1. Pansamot, 2. Pamarai, 3. si Hunti Ampang 4. Anak Manjae.
AMPANG : ima Pangoli

Selanjutna: Parsinabung ma mangatur napasahathon Ulos Herbang tu Paranak.
Sude napasahathon Ulos Herbang sian Parboru tu Paranak ima angka
Dongan Tubu ni Parboru.
Pasahat Ulos tinonun sadari : songon cara ni napasahathon Pinggan Panganan.
Mandok hata Hasuhuton Parboru
Mangampu Hasuhuton Paranak dohot Penganten
Olop-Olop
Ulaon Sadari : Marune – Paulak Une (laos manjalo Parumaen)
Boanon ni Paranak : Namargoar dohot saotik indahan
Boanon ni Parboru : Rap dohot Boru Muli, Dengke simudur-udur, lampet d.n.a.
Jaloon ni Parboru: Upa Panaruhon tu Ina dohot Pasituak na tonggi tu Ama.
Panutup : Marende – Martangiang sian Parboru. HORAS JALA GABE

Ditulis dalam Batak | Leave a Comment »

BATARA GURU DO SUMIHATHON ADAT

Posted by halomoantondang pada September 19, 2008

Ruhut-ruhut ni Adat di Pardongan Saripeon on, sangaja do pinatupa dibagasan Hata Batak ala Adat di Halak Batak do nanaeng sitaringotan ditonga-tonga ni Pomparan ni Ompunta si RAJA HUTAGALUNG na maringanan di huta pangarantoan, asa boi dihangoluhon jala diulahon angka dongan ditingkina be, jala asa sude hita nian, boi mangulahon Ulaon Adat namasa di tongatonga ni Pomparan ni si Raja Hutagalung dohot Boruna.

Jotjot do disada ulaon sai pinatujolo angka natumua laho manghatai (parhata) alai jotjot do i ndang olo ala ni hahuranganna diparbinotoan taringot tu Adat i ala ndang diparngoluhon Adat Batak i sian mulai dung hot ripe ibana, manang berlatar belakang ma na so diboto be marhata Batak gabe ndang diantusi nabinegena diangka panghataion Adat.

Jadi adong do namandok: naumboto mandok Amang, Inang, naeng ma nian diboto mangulahon Adat Batak diangka tingki halehetanna.

Aha do Adat: Hata Adat i ma namarharoan sian hata Arab namandok “Adat” i ma namarlapatan:: pangalaho manang paraturan nahinasomalhon, manang Adat Istiadat :i ma parpunguan ni angka paraturan dohot sada patokan diparngoluon jala na berlaku ditonga ni masyarakat, manang suku bangsa.

Ia Adat Batak natatean do i sian angka Ompunta Sijolo-jolo Tubu,, nadimemehon tu angka pomparanna jala songoni ma turun temurun sahat tu hita on nuaeng. Ompunta Sijolo-Jolo Tubui mandok: Mulajadi Nabolon do sumihathon Adat Batak i jala di Buku Adat nahuterbithon hami dohot Amanta Guru W.Hutagalung di taon 1963 tangkas do di si nirongkom dohot surat Batak jala panjahana songon on:

BATARA GURU DO SUMIHATHON ADAT TARINGOT TU
RUHUT-RUHUT NI PARDONGAN SARIPEON DI HALAK BATAK

Adat do Ugari, Sinihathon ni Mulajadi
Siradotan manipat ari, Salaon di siulubalang ari

Jadi sian i dapot do idaon hadomuan manang asal ni Adat Batak ima namarharoan sian Ugamo Sihabatahon ditingki i jala dihaporseai angka Ompuntai do molo denggan jala tangkas niradotan Adat i dapot ma hangoluan, hagabeon, hamoraon dohot hasangapon, jala molo ni langgar Adat ro ma angka nadangol masa ma na so masa: manoro Babiat tu huta; ro logo ni ari; bencana alam; sahit ngenge; siapor dohot antingano; lan hadangolon naasing.

Tung mansai radot situtu do angka Ompunta naparjoloi di Adat i dapot do i idaonta dipandohan nadua :
1. JONGJONG ADAT SITONGKA DO I TABAON
PEAK PE ADAT SITONGKA DO I LANGKAAN
2. ADAT NA SO JADI MOSE, UHUM NA SO JADI MUBA.

Molo tapadomu pangulahonna tu haporseaonta naung mar Tuhan hita, gabe taulahon Adat i mardongan tangiang tu Tuhanta Parasi Roha Boloni. Sada sinta-sinta ni roha di hami di namanurathon Buku Adat on ima asa asa:
TA KRISTENHON ULAON ADAT I.
UNANG MA SABALIKNA
GABE TA-ADATHON ULAON HAKRISTENON I.

Jala unang ma nian dipadomu Ulaon di Adat di Ulaon Hakristenon, unang gabe :“Kultur-Kristentums”.
Unang be nian marsihohot hita tu pandohan ni Ompunta Sijolo-jolo Tubu i di Adat na berpedoman tu Ugamo si Habatahoni, alai tabahen ma berpedoman tu Ugamo Hakristenon..

Di taon 1824 marpungu do halak Batak di Rura Silindung lobi sian 2000 halak na ni rajaan ni sahalak Raja Nasangap, laho mangadopi haroro ni Pandita Burton dohot Ward ima nalaho pasahathon Barita Nauli nabinoan nasida tu Bangso Batak.

Dung disosohon Pandita na dua halak on asa olo nasida manjalo Barita Naulii, beha ma alus dapot nasida sian angka Ompunta i: songon on ma alusna:
“Ndang olo hami manadinghon Adatnami naung songoni lelengna huhangoluhon hami, ndang adong naboi sipaubaon di Adatnami i” alai: anggo boi patuduhononmu (manang songon hata nuaeng mandok buktihononmu) dalan tu Hamoraon, Hagabeon dohot Hasangapon, las ma rohanami manjanghon hamu.

Sian alus i tarida ma naporsea situtu do Halak Batak molo diradoti dohot denggan Adatna i dapotsa ma hamoraon, hasangapon dohot hagabeon, alai molo dilaosi Adat i ro ma angka nasuhar.. Porsea do angka Ompunta na parjolo i: Molo burju iba marugamo huhut burju mangulahon songon pinangido ni Adat Batak i, dapot nasida ma sinta-sinta ni roha nasida: Hamoraon, Hagabeon dohot Hasangapon.

Songoni ma nian hita Halak Batak naung mananda Jesus Kristus Sipalua I, asa tahaburjuhon mangoloi pangidoan ni Tuhanta di ngolunta be, jala marhite haporseaontai ma hita nang dinamangulahon Adat Batak i.

Molo niparate-atehon tutu angka paraturan dohot hasomalan nahinangoluhon ni Adat Batak dapot do idaon godang ni paraturan na so boi laosan:ndang dihalomohon Adat. namangalangkup; namanangko; namamunu manang namartodos; namangaleai natoras/ingkon sipasangapon do natua-tua; dohot lan naasing i, i ma angka pangalaho na so tinolopan ni Adat, songoni nang hapantangan angka na so boi olion pe tangkas do dipatorang di Adat i, jala molo pinadomu-domu, godang do na diorai di bagasan Patik na Sampului na tong do diorai di Adat Batak.
Boi do jahaonta di Padan na Imbaru na: sinurat ni Apostel Paulus di Surat Rom 2: ayat 14: Ai diulahon angka Sipelebegu sian dirina do na pinangido ni Patik i, atik pe soadong Patik di nasida, asa gabe nasida sandiri ma songon patik di nasida na so marpatik hian.
Beha ma nian dengga nna molo ta-Kristenhon Adat Batak i diangka parulaonna dohot dipandohanna, asa sai ingot mamboanhon Goar ni Tuhanta Jesus namangolui. Unang ma gabe sabalikna na terjadi: gabe mangadathon Ulaon ha-Kristenon.

Songoni ma umbahen na niulahon manurathon di Buku on, angka panghataion dohot sipatupaon di angka Ulaon Adat, marsaor hata hakristenon, jala marhite Buku nametmet on ma pangidoan tu angka Dongan Tubu na di Jakarta, Bogor, Bekasi, Depok, Tangerang dohot nahumaliangna, asa olo mangalehon rohana dohot tingkina manjaha Buku on, asa adong Bohal di nasida dinamandohoti Ulaon Adat, jala gabe ro rohana huhut paihut-ihut ulaon di paradaton namasa ditonga-tonga ni keluarga Pomparan ni si Raja Hutagalung, ndang be gabe holan panangi-nangi. Ai kebosanan do na ro molo so niantusan nabinege.

I do umbahen na sai sering binege pandohan namandok:
1. Tidak ada gunanya Adat,
2. Adat Batak marteletele banyak menyita waktu Ala ndang diantusi ibana “AHA DO LAPATAN NI ADAT I”

Apala naumporlu : Andorang so sahat hita tu pangulaon di Adat Batak, parjolo sahali ingkon ma jolo taantusi taringot tu angka partuturon di Halak Batak, jala mardomu tusi sangajo do husurathon di Buku on PARTUTURAN na marhata Indonesia, patoranghon hubungan ni istilah dohot pandohan di Partuturon i. asa mangantusi mamangke pandohan ni Partuturan i., di angka anakhon na so mangantusi Hata Batak, minimal anakhon i boi mandok partuturanna.
.
Pangidoanhu songon panurat ni Buku nametmet on, molo tung adong nahurang-lobi di nasinurathon taringot tu Adat Batak on pos do rohaniba dipangurupion ni angka dongan asa olo nian padengganhon asa lam tu tingkosna ulahononta Ulaon Adat i.

Antong, arop situtu do rohangku sian parbinotoanhu nasaotik taringot tu Adat Batak naung husurathon on, boi nian marguna laho manamba hagirgiron ni angka Dongan Tubu Pomparan ni si Raja Hutagalung laho mangaradoti Adat Batak i songoni ma nang mar-Hata Batak pe. Tangan do botohon, ujungna jari-jari, jari-jari sampulu sude do i mampanggoari, molo adong nahurang lobi panuraton di panghataion di buku on, parjolo ma hami marsantabi., manang di hata Indonesia: kami terlebih dahulu memohon ma’af.

Horas ma dihamu,
Panurat
St. D.P.Hutagalung (O.ni si Salomo)
Jalan Musyawarah 3 No.5 Srengseng
Kembangan, Jakarta Barat 11630.

Ditulis dalam Batak | Leave a Comment »

DONGAN SABUTUHA – DONGAN TUBU

Posted by halomoantondang pada September 19, 2008

Anak ni Si RAJA HUTAGALUNG 2 halak ima: 1. MIRALOPAK- 2. SI RAJAINAINA
Anak ni MIRALOPAK 2 halak ima : 1. Datu Harean dohot 2. Tuan Napitu
Anak ni si RAJA INAINA 4 halak ima :1. Matasapiak Langit – 2. Datu Sorga – 3. Sibulung Motung 4. Partombus

Sahat ro di tingkion Pomparan ni SI RAJA HUTAGALUNG tongtong do dibagasan hasadaon marmargahon HUTAGALUNG jala tongtong satahi saoloan do Pomparan ni na (6) Ompui : Datu Harean – Tuan Napitu – Matasapiak Langit – Datu Sorga – Sibulungmotung – Partombus songoni nang dohot Boruna pe.
Tung mansai lambok do begeon ditingki panghataion di Pomparan ni si Raja Hutagalung na mandok: SI SADA ANAK SISADA BORU DO HITA TONGTONG DI SUDE ULAON.

Mansai las situtu do roha huhut mandok mauliate tu Amanta Debata Pardenggan Basai marnida hasadaan ni Pomparan ni si Raja Hutagalung, jala tarida ma songon nanidok ni umpamanta i: Pege sangkarimpang Hunik sahadanghadangan mangangkat rap tu
ginjang, manimbung rap tu toru, tongtong satahi saoloan.
Masiamin-aminan songon lampak ni gaol
masitungkol-tungkolan songon suhat dirobean
Molo di Ulaon Bolon/Horja (marsipanganon sigagat duhut – Horbo (Gaja Toba) di tingkat ni Pahompu ni si Raja Hutagalung, umpamana:
Suhut Tuan Napitu : PANAMBOL dohot PAMULTAK dipasahat ma tu Datu Harean
Matasapiaklangit-Datu Sorga-Sibulungmotung-Partombus
Todoan : Datu Harean
Todoan/Panghaei : Anak ni Ompu si Raja Inaina na opati.
Todoan/Bola Tambirik : R.Hutabarat – R.Panggabean – R.Hutatoruan
Songoni ma nian anggo pangidoan di angka Ulaon namasa di pomparan ni si Raja Hutagalung asa Hasuhuton Bolon namanghasuhuthon sada ulaon, asa tongtong ma digorahon ontak ni panggoaran ni Pahompu ni si Raja Hutagalung na (6) halak i.: Datu Harean-Tuan Napitu-Matasapiak Langit-Datu Sorga-Sibulung Motung – Partombus.

Contoh: Ulaon
1. Ulaon ni si Raja Hutagalung nanihasuhuthon ni Pomparan ni Ompunta: MIRALOPAK manang si RAJAINAINA: Datu Harean –Tuan Napitu – Matasapiak Langit –Datu Sorga – Sibulung Motung dohot Partombus.
2. Molo marulaon Pomparan ni Ompu MIRALOPAK tongtong ma na gabe Panamboli/Parsinabung sian Pomparan ni Ompu si RAJAINAINA jala songoni ma nang sabalikna molo marulaon Pomparan ni Ompu si RAJAINAINA na gabe Panambol/Parsinabung ima Pomparan ni Ompu MIRALOPAK.
3. Molo di angka ulaon nametmet manang ulaon sasaripe boi ma diatur sian angka na sa-Ompu dohot tujuan beha ma asa denggan mardalan ulaoni.

Ditulis dalam Batak | Leave a Comment »

MAULIATE GODANG

Posted by halomoantondang pada September 18, 2008

Diharoromu mangoloi Gokkon dohot Jou-Jounami, tarlobi di haradeon ni rohamu mangalehon gogo, tingki, dohot pingkiranm na arga i mardongan Holong ni Roha na sian Tuhanta, ro mandohoti huhut mangulahon ulaonta, Ndang tarbalos hami angka nauli, nadenggan nabinahenmunai tu hami, alai dohononnami ma songon nanidok ni Ompunta sijolojolo tubui:

TIMBO DOLOK MARTIMBANG, PANATAPAN TU PANGALOAN
SAI ASI MA ROHA NI AMANTA DEBATA NA DIBANUA GINJANG
SAI DITAMBAI MA DIHAMU HAHIPASON DOHOT PANSAMOTAN

LOTING DITOMBOMAN, TABO NASINIRAAN
MOLO TUNG ADONG NAHURANG LOBI PANJANGHONNAMI DI HAMU,
TONDINTA MA MASIGONGGOMAN DAO MA NAMASISARITAAN.

HORAS MA JALA GABE.


Ditulis dalam Batak | Leave a Comment »

Daftar Punguan Hutagalung se-Jabodetabek

Posted by halomoantondang pada September 18, 2008

1 Htg : A. Hutagalung SH/Br. Nainggolan Komplek Moneter BI C-44 Kembangan – Jakarta Barat Si Raja Ina-Ina/D.S.
2 Htg : A.S. Hutagalung/Br. Sinaga Jl. Depsos Raya Kav.HM.Natsir No.4 Bintaro – Jakarta Selatan Datu Harean
3 Htg : Adian Gogo Hutagalung/Br. Sinaga Jl. Pondok Baru III No.5 RT.008/11 Cijantung – Jakarta Timur
4 Htg : Agus Hutagalung/Br. Butarbutar Perum Pesona Anggrek Blk.F.X. No.4 Pondok Ungu – Bekasi Barat Namora Tonggor
5 Htg : AHT Hutagalung MBA /Br. Simanungkalit Jalan Alam Pesangrahan VIII OD 40 Bukit Cinere, Cinere – Jakarta Selatan Datu Timpus
6 Htg : Antonius G. Hutagalung S.Kom/Br. Sihombing Komp. Penerangan Jalan Penerangan VI No. 98 Jakarta Selatan Datu Timpus
7 Htg : Antonius Hutagalung/Br. Sihite Jalan Sepakat I, RT.001/RW.01 No.80 Cilangkap, Jakarta Timur Datu Timpus
8 Htg : Arifin Hutagalung/Br. Gurning Cibubur Indah RT.006/06 No.21 Cibubur – Jakarta Timur Datu Timpus
9 Htg : Benjamin Hutagalung/Br.L.Tobing Jalan Poltangan Raya No.9 Pasar Minggu – Jakarta Selatan
10 Htg : Binanga Hutagalung/Br. Hutabarat Jalan Pulo Mas Barat V/G No.10 Villa Tanah Mas, Pulo Mas, Jakarta Timur Datu Timpus
11 Htg : Binsar M. Hutagalung/Br. Naibaho Jalan Bukit Cengkeh I/1 Blok E-1 Bukit Cengkeh, Cimanggis Jakarta Timur Datu Timpus
12 Htg : Bistok Hutagalung/ Br. Gultom Taman Kedoya Baru Blk. D.II/1 Kedoya – Jakarta Barat Si Raja Ina-Ina/D.S.
13 Htg : Bistok Hutagalung/Br. Lumbantobing Jakarta Datu Timpus
14 Htg : Boas Hutagalung/Br. Panggabean M e d a n , Sumatera Utara Datu Timpus
15 Htg : Bob Asa Hutagalung/Br.Tambunan Jalan Menteng Wadas Barat I No.20 Menteng Wadas – Jakarta Selatan Si Raja Ina-Ina/P.
16 Htg : Bonifacius Hutagalung/Br. Lumbantobing c/o Jalan Kramat IV Dalam No.29 Kernolong, Jakarta Pusat. Datu Timpus
17 Htg : Bonor Hutagalung/Br. Sihombing Kampung Kresek-Kalideres Kalideres – Tangerang Namora Tonggor
18 Htg : Budiman Hutagalung/Br. Hutabarat Medan, Sumatera Utara Datu Timpus
19 Htg : Butti Hutagalung/Br. Nainggolan Jalan Telaga Citra VII Blk.C.20 No.21 Perum Telaga Murni, Bekasi
20 Htg : Dedy Hutagalung/Br. Panjaitan Jalan Tebet Barat X No.27 Tebet – Jakarta Selatan Ujung Oloan
21 Htg : Dedy Hutagalung/Br. Panjaitan Jalan LAPAN No.24 RT.011/09 Pekayon Pekayon – Cibubur – Jakarta Timur
22 Htg : Dohar P. Hutagalung/Br.Tambunan Jl. Kemanggisan Ilir VII No. 19 Kemanggisan – Jakarta Barat. Namora Tonggor
23 Htg : DR. Basa Hutagalung/Br.Simanungkalit Jalan Duyung III No.8 Rawamangun – Jakarta Timur Si Raja Ina-Ina/D.S.
24 Htg : DR. H.N.T. Hutagalung/Br. Lubis M e d a n, Sumatera Utara Datu Timpus
25 Htg : Dr. Manumpak Hutagalung/Br. Manurung Medan, Sumatera Utara Datu Timpus
26 Htg : Dr. Poltak Hutagalung/Br. Sinaga Jalan Pulo Asam Utara VII No.2 Pulo Asem – Jakarta Timur
27 Htg : Dr. Sunaryo/Br. Hutagalung Jalan Borobudur No. 22 Kel. Menteng – Jakarta Pusat
28 Htg : Drs. B. Hutagalung/Br. Sianturi Jalan P.Jagakarsa II No. 5 Jagakarsa – Jakarta Selatan Namora Tonggor
29 Htg : Drs. B.M. Hutagalung/Br. Siregar Jl.Andara Gg.Kirai No.10 Pangkalan Jati Pondok Labu – Jakarta Selatan Si Raja Ina-Ina/D.S.
30 Htg : Drs. Bangun Hutagalung/Br. Lumbantobing Jl. Cemara IV No.4 Perum. Pondok Cemara Bekasi, Jawa Barat Ujung Oloan
31 Htg : Drs. Dedy Hutagalung/Br. Panjaitan Jalan Tebet Barat X No.27 Tebet – Jakarta Selatan Ujung Oloan
32 Htg : Drs. Ganda Hutagalung/Br. Sipahutar Mutiara Depok Estate Blk. LA.6 Depok, Jawa Barat Ujung Oloan
33 Htg : Drs. H. Hutagalung/Br. Silaen Jalan P. Jagakarsa II No. 31 Jagakarsa – Jakarta Selatan Namora Tonggor
34 Htg : Drs. Libra Hutagalung/Br.Rajagukguk Jalan Taman Margasatwa No. 49 Jatipadang – Jakarta Selatan, 12540 Ujung Oloan
35 Htg : Drs. M. Hutagalung/Br. Sinuraya Kelurahan Makassar Kel. Makassar – Jakarta Timur Namora Tonggor
36 Htg : Drs. Maringan Hutagalung/Br. Siregar Jalan Purnawarman No.9 Kebayoran Baru – Jakarta Selatan Ujung Oloan
37 Htg : Drs. Oberton Hutagalung/Br.Pakpahan Jl. Suka Bakti I/52 rt.004/06 Kel. Serua Indah – Ciputat, Tangerang Si Raja Ina-Ina/M.L.
38 Htg : Drs. P. Hutagalung SH/Br.Panjaitan Kav.DKI Pondok Kelapa Kali Malang – Jakarta Timur Si Raja Ina-Ina/Sib.M.
39 Htg : Drs. T.P. Hutagalung/Br.Hutauruk Jalan Bangka XI No.60………………….. Kebayoran Baru – Jakarta Selatan
40 Htg : Drs. Tiller Hutagalung/Br. Harianja Jalan Taman Jatiluhur VII/22-A Bendungan Hilir – Jakarta Pusat Si Raja Ina-Ina/D.S.
41 Htg : Drs. W.H. Hutagalung/Br.Simanungkalit Komplek Ditjen Moneter C-74 Kembangan Selatan, Jakarta Barat Ujung Oloan
42 Htg : Drs. Yockie M. Hutagalung/Br. Sitompul Jalan Lombok No. 21 RT.003/005 Menteng, Jakarta Pusat Datu Timpus
43 Htg : Eberthard Hutagalung/Br. Simanungkalit Bandung, Jawa barat Datu Timpus
44 Htg : Eddy Hutagalung/Br. Siringoringo Jalan Intan D/466, Perum MASNAGA, Jaka Sampurna- Bekasi 17145 Namora Tonggor
45 Htg : Edward Hutagalung/Br. Siregar Jaka Sampurna- Bekasi 17145 Duren Sawit – Jakarta Timur Namora Tonggor
46 Htg : Edwin Hutagalung/Br. Hutapea Jalan Kayu Mas Selatan No.33 Kav. Polri Pulo Gadung, Jakarta Timur Datu Timpus
47 Htg : Effendy Hutagalung/Br.L.Tobing Jalan Perintis Kemerdekaan RT.006?15 Kmp.Pedongkelan – Jakarta Timur Si Raja Ina-Ina/Sib.M.
48 Htg : Eladin Hutagalung/Br. Simanjuntak Jalan Kp. Mangga RT.012/03 No.40 Tugu Selatan-Tg.Priok – Jakarta Utara Namora Tonggor
49 Htg : Elman P. Hutagalung/Br. Manalu Jatiwaringin, Jakarta Timur
50 Htg : F.H. Hutagalung/Br. Lumbantobing (+) Jalan Bajubang No.12 Rawamangun – Jakarta Timur Datu Timpus
51 Htg : Feber Hutagalung/Br. Panjaitan Jalan Pinang Raya No. 4 Rawamangun – Jakarta Timur Si Raja Ina-Ina/D.S.
52 Htg : Franz Hutagalung/Br. Pasaribu ULUJAMI INDAH Blk. B.4. Kebayoran Lama, Jakarta Selatan Si Raja Ina-Ina/P.
53 Htg : Golto Hutagalung MSc./Witria P. Anggrek Loka, Jl. Anggrek Bulan Blk.B No.42 BSD – Tangerang, Banten Ujung Oloan
54 Htg : H. Hutagalung/Br. Panjaitan Komplek MABAD No.33 Batusari Kebon Jeruk – Jakarta Barat
55 Htg : Hakbar Hutagalung/Br.Simatupang Jalan Kerja Bakti No. 60 Kelurahan Makassar – Jakarta Timur Namora Tonggor
56 Htg : Hamaulan Hutagalung/Br.Sijabat d/a: Jalan Kesehatan No.5 Pasar Rebo – Jakarta Timur
57 Htg : Hasiholan Hutagalung/Br. Sitompul Jalan Teratai Putih I Gg. 14 No.4, RT.006/04 Perumnas Klender, Jakarta Timur. Si Raja Ina-Ina/D.S.
58 Htg : Hatigoran Hutagalung/Hasanah Jakarta Datu Timpus
59 Htg : Hepni H.Hutagalung/Br. Tambunan Villa Tangerang Regency II Blk.FH No.27 Tangerang – Banten Namora Tonggor
60 Htg : Hinsa Hutagalung/Br. Pasaribu B.P. RESTU – Jl. Kapt. Tendean Mampang – Jakarta Selatan Datu Harean
61 Htg : Hormat Hutagalung/Br. Hutapea Kel.Makassar RT.003/04 No.66A Kelurahan Makassar-Jakarta Timur Namora Tonggor
62 Htg : Hormat Hutagalung/Br. Siregar Jalan Kerja Bakti No.41, RT.002/RW.04. Kelurahan Makassar, Jakarta Timur. Datu Timpus
63 Htg : Hotma Hutagalung SH/Br.Hutauruk Jl.Agung Tengah No.D.12 Blk.I-1 Komp.Kehakiman – Sunter-Podomoro Datu Harean
64 Htg : Hotman Hutagalung/Br.Hutabarat Tangerang Datu Timpus
65 Htg : Humuntal Hutagalung/Br.L.Tobing Jl. H.Abdul Gani No.84 RT.06/05 Kompl. Caltex, Kamp. Bulak, Ciputat Datu Harean
66 Htg : Ike David Hutagalung/Br.Silitonga Jl. Jati RT.06/RW.06 No.126 Perum. Cibubur, Jakarta Timur Datu Timpus
67 Htg : Ir. Ari Prins Hutagalung/Br.Simangunsong Jalan P. Jagakarsa II No.5 Pasar Minggu – Jakarta Selatan Namora Tonggor
68 Htg : Ir. Batara Hutagalung/Br. Harahap Jalan Kencana No.11 Pasar Manggis – Jakarta Selatan
69 Htg : Ir. Elisa Hutagalung/Br. Manalu Perum Pesona Anggrek Blk. ………… Pondok Ungu – Bekasi Barat Namora Tonggor
70 Htg : Ir. Felix Hutagalung/Br. Sihombing Jalan Bajubang No.12 Rawamangun – Jakarta Timur
71 Htg : Ir. H.A.T. Pardede/Br. Hutagalung Bandung, Jawa Barat Datu Timpus
72 Htg : Ir. Iwan Hutagalung/Br. Pardede Jalan Pulo Mas Barat V/G No.10 Villa Tanah Mas, Pulo Mas, Jakarta Timur Datu Timpus
73 Htg : Ir. J.S.O. Hutagalung/Br. Hutapea Jalan Sukasari III No.16 B o g o r – Jawa Barat Namora Tonggor
74 Htg : Ir. James Hutagalung/Br.Sihite Jalan Pelikan II No.19 Bintaro – Jakarta Selatan Datu Harean
75 Htg : Ir. L. Bistok Hutagalung/Br. Marpaung Jalan Kebon Sayur No. 3 Kebon Melati, Jakarta Pusat Datu Timpus
76 Htg : Ir. Leo A.M. Hutagalung /Br. Simarangkir Jalan Taman Margasatwa No. 49 Jatipadang-Ps. Minggu – Jakarta Selatan, 12540 Ujung Oloan
77 Htg : Ir. Nathanael Hutagalung/Br. Napitupulu Perum Raffles Hills Blk. EA2 No.17 RT.002/05 Jl. Alternatif Cibubur, Cimanggis, Jak. Timur Ujung Oloan
78 Htg : Ir. Roberto Hutagalung/Br. Simanungkalit Jl. Merpati G3, Kompl. PASPAMPRES Kampung Tengah, Ps. Rebo-Jakarta Timur Datu Timpus
79 Htg : Ir. Rudy Hutagalung/Br. Sitorus Jalan Sutra Gardenia III No.2 Alam Sutra, Serpong, Tangerang Datu Timpus
80 Htg : Ir. T. Riris Hutagalung/Br.Sihombing Jl. Tmn. Melati Blk.B.3/31 Duta Indah Pondok Gede – Jakarta Timur
81 Htg : J. R. Hutagalung/Br.Tambunan Jalan Sumbawa III No.20 Rt.008.07 Tegal Alur – Jakarta Barat Namora Tonggor
82 Htg : Johny Hutagalung/Br. Pasaribu Jl.Cendrawasih I Blk.B.44 Perum Duta Kranji, Kel.Bintaro-Jakarta Selatan
83 Htg : Julius Hutagalung/Br. Marpaung Jalan Taman Margasatwa No. 49 Ps. Minggu – Jakarta Selatan, Ujung Oloan
84 Htg : Karimudin Hutagalung/Br.Sibarani Kel. Makassar RT. 002/04 Kelurahan Makassar-Jakarta Timur Namora Tonggor
85 Htg : Leopold L. Hutagalung SH MH/Br.Lumbantobing Jalan Cuk Nyak Dien 2, FF I/19 Sektor VI Bintaro Jaya, Jakarta Selatan 12240 Datu Timpus
86 Htg : Let.Kol. P. Hutagalung/Br.Sitompul Jl. Letjen Suprapto No.40 Cempaka Putih, Jakarta Pusat Datu Harean
87 Htg : Letkol. H.S. Hutagalung SH/Br.Tarihoran Jl. Pondok Baru III No.5 RT.008/11 Cijantung – Jakarta Timur Si Raja Ina-Ina/P.
88 Htg : Luhut Hutagalung SE.MM/Br. Hutapea Jalan Teratai 6, Perum Bukit Cirendeu Blk. D III/6 Pondok Cabe, Jakarta Selatan 15418 Datu Timpus
89 Htg : Luhut Hutagalung/Br. Sianturi Papan Mas Blk. F 14 No.4 Tambun – Bekasi
90 Htg : M.P. Hutagalung/Br. Rumapea Jalan melati tugu V no.12 RT.010/03 Tanjung Priok, Jakarta Utara
91 Htg : Manahan Hutagalung/Br. Gurning Jalan Dua Sembilan No. 9C Rawa Domba, Duren Sawit, Jakarta Timur Si Raja Ina-Ina/D.S.
92 Htg : Manahan Hutagalung/Br. Gurning Jl. Toyota 108 RT.002/08 Semper Barat – Jakarta Utara
93 Htg : Mananti Hutagalung/Br.Lumbantobing Jalan Kerjabakti No.68 RT.010/04 Kel. Makassar, Jakarta Timur Datu Timpus
94 Htg : Maringan Hutagalung MM/Br.Tampubolon Jalan Kayu Mas Selatan V No.G-83A Pulo Gadung, Jakarta Timur 13260 Ujung Oloan
95 Htg : Maruli Hutagalung/Br. Sitompul Jalan Belibis No.13 RT.012/10 Kb. Baru Semper Barat-Tg.Priok-Jakarta Utara Namora Tonggor
96 Htg : Michael Hutagalung SH. LLMBr.. Lumban Gaol Jalan Cipaganti No. 59A, Bandung Datu Timpus
97 Htg : Mula Hutagalung/Br. Simanjuntak Komplek Kimia Farma A III No. 4 Cileduk – Tangerang, Banten Ujung Oloan
98 Htg : Murphy Hutagalung/Br. Siregar Jalan Pinang Raya No.4 Rawamangun – Jakarta Timur Si Raja Ina-Ina/D.S.
99 Htg : Novianto Hutagalung/Br. Sarumpaet Jl. LAPAN No.24 RT.011/09 Pekayon Pasar Rebo – Jakarta Timur
100 Htg : Ny. A.E.Hutagalung Br. Lumbantobing Jalan Pomad K.53 Kompl. KODAM Jatiwaringin – Jakarta Timur Namora Tonggor
101 Htg : Ny. B. Hutagalung Boru Hutabarat Jalan Cimanuk IV No.232 RT. 011/02 Depok, Jawa Barat Ujung Oloan
102 Htg : Ny. B. Hutagalung Boru Hutabarat Perum Raffles Hills Blk. EA2 No.17 RT.002/05 Jl. Alternatif Cibubur, Cimanggis, Jak. Timur Ujung Oloan
103 Htg : Ny. B. Hutagalung Boru Marpaung Jalan Ciranjang No.7 Kebayoran Baru, Jakarta Selatan 12180 Ujung Oloan
104 Htg : Ny. B. Hutagalung Boru.Simanungkalit Jl.MerpatiG3,Komp.PASPAMPRES Kampung Tengah, Ps. Rebo, Jakarta Timur Datu Timpus
105 Htg : Ny. B. Hutagalung Br. Sibarani Kel. Makassar RT.001/04 No.24A Kelurahan Makassar-Jakarta Timur Namora Tonggor
106 Htg : Ny. B. Hutagalung Br.Simanjuntak Jalan Kayu Jati V RT.003/05 No.22 Balap Sepeda Rawamangun – Jakarta Timur Namora Tonggor
107 Htg : Ny. Dj. Hutagalung Br. Siregar Jl.Pendidikan II Blk.D.No.57 Komp.IKIP Duren Sawit – Jakarta Timur Namora Tonggor
108 Htg : Ny. Drs. B. Hutagalung Boru Marpaung Jalan Ciranjang No.7 Kebayoran Baru, Jakarta Selatan 12180 Ujung Oloan
109 Htg : Ny. Drs. P. Hutagalung Boru Sihombing Komp. Dep. Kop. B-21 Jl. Radar AURI Cimanggis, Jakarta Timur Ujung Oloan
110 Htg : Ny. Edward Hutagalung/Br. Simanungkalit Jalan Setia Budi V Gg.III No.23 Setia Budi – Jakarta Selatan Datu Timpus
111 Htg : Ny. F. Hutagalung Br. Panggabean Jalan Cendrawasih V No.8 Bekasi Barat 17133
112 Htg : Ny. F. Pandapotan Hutagalung/Br. Purba Jl. Delman Utama No.44 RT.012/09 Keb. Lama Utara-Tanah Kusir, Jakarta Selatan Ujung Oloan
113 Htg : Ny. H. Hutagalung Br. Sitompul Setia Budi ……………… Setia Budi – Jakarta Selatan
114 Htg : Ny. H. Hutagalung Br.Hutabarat Jl. Tebet Barat Dalam IV-K/10 Tebet – Jakarta Selatan
115 Htg : Ny. Hutagalung Br. Hutabarat Kompl. AL. Dewa Kembar Tanjung Priok – Jakarta Utara Namora Tonggor
116 Htg : Ny. Hutagalung Br. Lumbantobing Jl. Taman Meruya Ilir Meruya Ilir – Jakarta Barat Namora Tonggor
117 Htg : Ny. J. Hutagalung Boru Silaban Kampung Gedong No. 33 RT. 005/010 Pasar Induk, Jakarta Timur Datu Timpus
118 Htg : Ny. J. Hutagalung Br. Lumbantobing Jalan Pulo Asam Utara XI/35 Kayu Putih – Jakarta Timur Si Raja Ina-Ina/D.S.
119 Htg : Ny. Letkol CPM A. Hutagalung Br. Hutapea Jalan Ultra Violet A.III No.12 Kelapa Gading, Jakarta Utara Ujung Oloan
120 Htg : Ny. M.H. Hutagalung Br. Tambunan Jalan Pinang Raya No.4 Rawamangun – Jakarta Timur Si Raja Ina-Ina/D.S.
121 Htg : Ny. Marolop Hutagalung Br. Sipahutar Jalan Nusa Indah IV Gg.1 No. 11 Perumnas Klender, Jakarta Timur. Datu Timpus
122 Htg : Ny. Monang Hutagalung/Br.Simangunsong Jl. I.Gusti Ngurah Rai No.27 RT.006/01 Klender, Jakarta Timur. Datu Timpus
123 Htg : Ny. Oloan Hutagalung Br.Lumbantobing Jl. H.Marjuki No.60, RT.006/05 Kemanggisan, Slippi, Jakarta Barat Ujung Oloan
124 Htg : Ny. P. Hutagalung Boru Sirait Jalan Kiwi No.33 Kompl. HKBP Kiwi Pasar Rebo – Jakarta Timur Datu Timpus
125 Htg : Ny. S. Hutagalung Br. Panjaitan Jalan Dempo II No.32 Kebayoran Baru – Jakarta Selatan Namora Tonggor
126 Htg : Ny. S. Hutagalung Br.Situmeang Jl. By Pass – Kebon Nanas Jakarta Timur
127 Htg : Ny. St. Joseph Hutagalung/Br.L.Tobing Jl. Abdul Jalil XIV No.38 RT.010/12 Karet Tengsin – Jakarta Pusat
128 Htg : Ny. St. S.M. Hutagalung Br. Sihombing Jl. Parapat II/16 – Perum II-Karawaci Karawaci, Tangerang – Banten
129 Htg : Ny. T.M. Hutagalung Br. Simanjuntak Muncang Dalam Blk.K No.30 Lagoa, Tg. Priok, Jakarta Utara Ujung Oloan
130 Htg : Ny. W. Hutagalung Br. Lumbantobing Jalan F. No.30, RT. 008/08 Kebon Baru Tebet – Jakarta Selatan Ujung Oloan
131 Htg : Ojahan Hutagalung.Br.Tampubolon Komp. Puri Kartika Blk. AB.21 RT.03/06 Ciledug – Tangerang Datu Harean
132 Htg : Parulian Hutagalung/Br. Panjaitan Jalan Haji BAIN II No.31 Lapangan Tembak, Cibubur Si Raja Ina-Ina/M.L.
133 Htg : Patar Hutagalung SE/Br.Simanungkalit Jalan F. No.30, RT. 008/08 Kebon Baru Tebet – Jakarta Selatan Ujung Oloan
134 Htg : Patuan Hutagalung/Br.Sianturi Jl. Madya Kebantenan RT.002/08 No.4C Semper Timur – Jakarta Utara
135 Htg : Pdt. DMT Hutagalung/Br.Lumbantobing Jl. Pramuka Kompl. Binamarga Blk C. 6C Rawalumbu, Bekasi – Jawa Barat
136 Htg : Pdt. E. Lumbantobing/Br. Hutagalung Bekasi, Datu Timpus
137 Htg : Pdt. Marulam Hutagalung/Yudith Sodakh Jalan Purnawarman No. 19 Kebayoran Baru – Jakarta Selatan Ujung Oloan
138 Htg : Philip Hutagalung/Ida Fauzia Jalan Jahe I No. 4 Cileduk, Jakarta Selatan Datu Timpus
139 Htg : Pieter Hutagalung/Br. Situmeang Komplek PTB Blk.I No.10 RT.007/10 Duren Sawit – Jakarta Timur Namora Tonggor
140 Htg : Posma H.Galung SH/Br.Panjaitan Jl. Bendi Raya B.III No.47 Keb. Lama – Jakarta Selatan Si Raja Ina-Ina/P.
141 Htg : Rainhard Hutagalung/Br. Manalu Jalan Harapan Indah SJ-18 Jakarta Timur Namora Tonggor
142 Htg : Ramses Hutagalung/Br. Siregar Jalan SMA 64 No.31 RT.001/03 Cipayung – Jakarta Timur Namora Tonggor
143 Htg : Redion R.Hutagalung/Br. Sianturi Jalan Srikaya RT.003/RW.03 Bojong Menteng, Bekasi. Ujung Oloan
144 Htg : Revolandes Hutagalung/br. Harahap Jakarta Datu Timpus
145 Htg : Rinaldi Hutabarat/br. Hutagalung Jalan Cipaganti No. 59A, Bandung Datu Timpus
146 Htg : Robert Hutagalung/Br. Sitompul Perum Pesona Anggrek Blk.F,X No. 4 Pondok Ungu – Bekasi Barat Namora Tonggor
147 Htg : Roberto Hutagalung SH. MH/Br.. Sitompoel Jalan Cipaganti No. 59A, Bandung Datu Timpus
148 Htg : Romatua Hutagalung/Br. Simamora Perum Raffles Hills Blk. EA2 No.17 RT.002/05 Jl. Alternatif Cibubur, Cimanggis, Jak. Timur Ujung Oloan
149 Htg : Ronggur Hutagalung SH.MH/R.T.Br.Sitompoel Jalan Cipaganti No. 59A, Bandung Datu Timpus
150 Htg : Ronggur Hutagalung SH/Br. Sitompul Jalan Maleo 12 JC I/34 Sektor IX Bintaro Jaya, Jakarta Selatan
151 Htg : S. Hutagalung/Br. Nainggolan Perum Griya Asri II Blk.E2/70 RT.02/08 Tambun – Bekasi Ujung Oloan
152 Htg : Sabar Hutagalung/Br. Sihite Jalan Radin Inten RT. 003/07 Rawa Domba Duren Sawit – Jakarta Timur Namora Tonggor
153 Htg : Sahala Hutagalung/Br. Pakpahan Blk. Sekolah Strada No.36, RT.010/RW.04 Cengkareng Timur, Jakarta Barat Ujung Oloan
154 Htg : Sahala Hutagalung/Br. Sihite Jalan Beruang II No.18 Bintaro Jaya– Jakarta Selatan
155 Htg : Sahala Hutagalung/Br.Simanjuntak Jalan Jl. F No.9 RT.011/10 Kebon Baru Tanjung Priok – Jakarta Utara Namora Tonggor
156 Htg : Santun Hutagalung/Br. Siahaan Jalan Rajawali I No.18 Bekasi, Jawa Barat Ujung Oloan
157 Htg : Sondang B,Hutagalung/Br. Sibarani Jalan Pulo Mas Barat V/G No.10 Villa Tanah Mas, Pulo Mas, Jakarta Timur Datu Timpus
158 Htg : St. BSP. Hutagalung/Br. Purba Jalan Tomang Ancak Raya No.7 Tomang – Jakarta Barat Si Raja Ina-Ina/D.S.
159 Htg : St. D.P. Hutagalung/Br.Simarangkir Jalan Musyawarah 3 No.5 Srengseng Kembangan – Jakarta Barat Namora Tonggor
160 Htg : St. Dongan Hutagalung/Br.Sianturi Jalan Duyung III No.8 Rawamangun – Jakarta Timur Si Raja Ina-Ina/
161 Htg : St. Dongan Hutagalung/Br.Sianturi Jalan Cipinang Kebembem I No. 18 Cipinang – Jakarta Timur Si Raja Ina-Ina/P.
162 Htg : St. Drs. Charles .Hutagalung/Br. Sihite Jalan Kramat No.23 – RT.008/02 Lubang Buaya, Jakarta Timur Ujung Oloan
163 Htg : St. H. Hutagalung/Br.Pandiangan Jalan Kesehatan No.5 RT.005/11 Cijantung – Jakarta Timur Namora Tonggor
164 Htg : St. P. Hutagalung/Br. Sinaga Jalan Tomang Utara I No.26 Tomang – Jakarta Barat Si Raja Ina-Ina/D.S.
165 Htg : St. V. Hutagalung/Br. Dongoran Jl. Tomang Tinggi XVII No.15 RT.007/05 Tomang – Jakarta Barat Namora Tonggor
166 Htg : T. Hutagalung/Br. Hutabarat Pesona Anggrek Harapan Blk. C.II/7 Bekasi Barat – Bekasi
167 Htg : T. Hutagalung/Br. Samosir Jalan Cendrawasih III No.16 Perum Harapan Baru II – Bekasi Barat Ujung Oloan
168 Htg : T. Hutagalung/Br.Panggabean Perum. Binong Permai Blk. D No.15 Karawaci – Tangerang Namora Tonggor
169 Htg : Tauada Hutagalung/Br.Sigalingging Jalan Harapan Raya No.15 Komp. Kodamar Kelapa Gading, Jakarta Timur. Datu Timpus
170 Htg : Tigor Hutagalung/Br. Sihite (+) Jalan Waringin III Kampung Baru Pulo Mas – Jakarta Timur Namora Tonggor
171 Htg : Tinop Hutagalung/Br. Simatupang Perum Pesona Anggrek Blk. F,X No.4 Pondok Ungu – Bekasi Barat Namora Tonggor
172 Htg : Toga M.Hutagalung/Br. Hutauruk Jalan Tm. Meruya Ilir A.16/6 RT.008/04 Meruya Ilir – Jakarta Barat Namora Tonggor
173 Htg : Togap Hutagalung/Br. Manihuruk Bekasi Datu Timpus
174 Htg : Togap Hutagalung/Br. Siagian Muncang Dalam Blk.K No.30 Lagoa, Tg. Priok, Jakarta Utara Ujung Oloan
175 Htg : Toman Hutagalung SH/Br. Sihombing Taman Cipulir Estate Blk.C.1 No.8 Cipadu Jaya, Kreo, Tangerang Datu Timpus
176 Htg : Tumpak Hutagalung SE/Br. Silitonga Jalan Raya Vitaka No.26, RT.003/RW.19 Pancoran Mas, Kota Depok Datu Timpus
177 Htg : V. M. Hutagalung/Br.Sianturi Jl. Setia Budi Karet Karya II No.25 Setia Budi – Jakarta Selatan
178 Htg : Yan Hutagalung/Br. Panggabean Jalan Teuku Umar No.28 (Pav) Mentengm Jakarta Pusat Namora Tonggor
179 Boru Htg : A. Lumbantobing/Br. Hutagalung Jalan Cempaka Baru VII No.48 Cempaka Putih, Jakarta Pusat Ujung Oloan
180 Boru Htg : Adri Darmaji Woko/Br.Hutagalung Pondok Tirtamandala Blk. C1 No.7 Sukmajaya, Depok Ujung Oloan
181 Boru Htg : Apul Lumbantobing/Br. Hutagalung d/a Jalan P.Jagakarsa II No. 5 Jagakarsa – Jakarta Selatan Namora Tonggor
182 Boru Htg : B. Hutabarat/Br. Hutagalung Perum. GRIYA MULATAMA Blk. A3/6 Pondok Cabe, Pamulang 15418 Datu Timpus
183 Boru Htg : Bisman Sipayung/Br. Hutagalung Jalan Y No. 19 RT. 006/03 Cipayung – Jakarta Timur Namora Tonggor
184 Boru Htg : Dr. B. Silitonga/Br. Hutagalung Jalan Jaya Mandala No.18, Patra Jaya Kuningan – Jakarta Selatan. Namora Tonggor
185 Boru Htg : Dr. F. Hutasoit/Br. Hutagalung Jl. Teratai VI Blk.E No.8 Tg.Barat Indah Pasar Minggu – Jakarta Selatan Namora Tonggor
186 Boru Htg : Dr. M.H. Limbong/Br. Hutagalung Jalan Bening Estate Bekasi – Jawa Barat Datu Timpus
187 Boru Htg : Dr. T. Tambunan/Br.Hutagalung Jalan Ayub No.9 Kalibata, Jakarta Selatan
188 Boru Htg : Dr. T.P. Tampubolon/Br. Hutagalung Jalan Kesehatan Bintaro – Jakarta Selatan Datu Harean
189 Boru Htg : Drs. Horas M. Siburian/Br. Hutagalung Jalan Kramat IV Dalam No. 29 Kernolong, Jakarta Pusat Datu Timpus
190 Boru Htg : Drs. Alimar Sihotang/Br. Hutagalung Jalan Cengkeh 49 – RT. 005/02 Lubang Buaya, Jakarta Timur 13810 Ujung Oloan
191 Boru Htg : Drs. Amir Hutapea/Br. Hutagalung Jalan Inspeksi Saluran No.11 Kali Malang – Jakarta Timur Namora Tonggor
192 Boru Htg : Drs. Chr. Sihombing/Br. Hutagalung Jalan Tanjung Karang B6 No.3 Bukit Cengkeh I, Cimanggis, Depok 16951 Datu Timpus
193 Boru Htg : Drs. Dicky Karsama/M. E.Br. Hutagalung Jalan Cipaganti No. 59A, Bandung Datu Timpus
194 Boru Htg : Drs. Jenriko i Sidebang/D. Br. Hutagalung Jalan Cipaganti No. 59A, Bandung Datu Timpus
195 Boru Htg : Drs. M. Siregar/Br.Hutagalung d/a: Jalan Kesehatan No.5 Pasar Rebo – Jakarta Timur Namora Tonggor
196 Boru Htg : Drs. M.S. Aritonang/Br. Hutagalung Jl. LAPAN No.12 Pekayon Pasar Rebo – Jakarta Timur
197 Boru Htg : Drs. Pongki Prasetio Tambun/Br. Hutagalung Jalan Cipaganti No. 59A, Bandung Datu Timpus
198 Boru Htg : Drs. S. Siringoringo Msi./R. Br. Hutagalung Jalan Cipaganti No. 59A, Bandung Datu Timpus
199 Boru Htg : Drs. Tumpal Manurung/Br.Hutagalung Perum Raffles Hills Blk. EA2 No.17 RT.002/05 Jl. Alternatif Cibubur, Cimanggis, Jak. Timur Ujung Oloan
200 Boru Htg : F. Situmorang/Br.Hutagalung Jalan Panda II No.35 Blk. D.8 Cikarang Baru – Cikarang Namora Tonggor
201 Boru Htg : H. Purba Tondang/Br. Hutagalung Jalan Dharma Komplek POMAD Blk.19/24 Kalibata – Jakarta Selatan Namora Tonggor
202 Boru Htg : H.P. Silitonga/Br. Hutagalung Jalan Musyawarah 3 No.5 RT.010/01 Srengseng, Kembangan, Jakarta Barat Namora Tonggor
203 Boru Htg : Hasoloan Sitompul/Br. Hutagalung Jl. Alamanda Blk. H4. No.12 Perum Kemang Prtama 3 – Bekasi Ujung Oloan
204 Boru Htg : Horas M. Siburian/Br. Hutagalung Jalan Kramat IV Dalam No. 29 Kernolong, Jakarta Pusat
205 Boru Htg : Ibson F.Sinambela/Br. Hutagalung Jalan Kiwi No.33 RT.001/012 Pasar Rebo – Jakarta Timur Datu Timpus
206 Boru Htg : Ir. B. Lumbanraja/Rani T.Br. Hutagalung Jalan Cipaganti No. 59A, Bandung Datu Timpus
207 Boru Htg : Ir. D.J. Siburian/Br. Hutagalung Kompl. Bintara Jaya Permai Blk. A/46 Jatibening – Bekasi – Jakarta Timur. Namora Tonggor
208 Boru Htg : Ir. G.G.H. Samosir/Br. Hutagalung Jalan Buaran Indah I Blk. D1 No.154 Bekasi, Jakarta Timur Datu Timpus
209 Boru Htg : Ir. Gunawan Wijaya MM/Br.Hutagalung d/a:Jalan Kesehatan No.5 Pasar Rebo – Jakarta Timur Namora Tonggor
210 Boru Htg : Ir. Joni Sihombing/Br.Hutagalung Jl. Tmn. Meruya Ilir A.16/6 RT.008/04 Meruya Ilir, Jakarta Barat Namora Tonggor
211 Boru Htg : Ir. S.M. Sitorus/Br. Hutagalung Jl. Depsos Raya Kav. HM. Natsir No.4 Bintaro – Jakarta Selatan Datu Harean
212 Boru Htg : Ir. Tommy Tulpe Situmorang/Br.Hutagalung Jl. Ultra Violet A-III No.12 Kelapa Gading – Jakarta Utara Ujung Oloan
213 Boru Htg : J. Hutabarat/Br. Hutagalung Kompl. Bintara Jaya Permai Blk. A/46 Jatibening – Bekasi – Jakarta Timur Namora Tonggor
214 Boru Htg : J. Simanjuntak SH/Br.Hutagalung Jalan Setia IV No.31 RT. 006/07 Jatiwaringin-Pondok Gede-Jakarta Timur Namora Tonggor
215 Boru Htg : Jannes P.L. Tobing/Br.Hutagalung Jalan Rasamala II’9 RT. 008/06 Utan Kayu Selatan – Jakarta Timur Namora Tonggor
216 Boru Htg : Kol. Ernst Tampubolon/Br. Hutagalung Bandung, Jawa Barat Datu Timpus
217 Boru Htg : Kol. M. Panjaitan SH/Br. Hutagalung Jl. Karet Pasar Baru Timur V/63 Karet – Tanah Abang – Jakarta Timur Namora Tonggor
218 Boru Htg : L.P. Siahaan/Br. Hutagalung Jalan Selat Makassar Blk. G.10/13 Duren Sawit – Jakarta Timur Namora Tonggor
219 Boru Htg : M. Simangunsong/Br. Hutagalung Jalan Robusta II Blk. S.8/7 Pondok Kopi – Jakarta Timur.
220 Boru Htg : M.E. Dharmawan/Br. Hutagalung Jalan Kelapa III/17 RT.005/02 Jagakarsa-Ps. Minggu – Jakarta Selatan Namora Tonggor
221 Boru Htg : M.H. Sitompul S.Kom/Br. Hutagalung Jalan Anggrek No. 16 Srengseng, Kembangan, Jakarta Barat Namora Tonggor
222 Boru Htg : Midian Manik/Br. Hutagalung Jl. Bunga Nusa Raya Kompl. SDN 14 Pagi RT.011/013 no.11 Cengkareng Timur, Jakarta Barat Ujung Oloan
223 Boru Htg : Ny. B. Lumbantobing Br. Hutagalung Jalan Cempaka Baru III No.42 Cempaka Putih, Jakarta Pusat Ujung Oloan
224 Boru Htg : Ny. B. Panggabean Br. Hutagalung Cibubur RT.006/06 Cibubur – Jakarta Timur Datu Timpus
225 Boru Htg : Ny. B. Sitompul Br. Hutagalung Jalan Seram Blk. H/332 Cinere, Jakarta Selatan.
226 Boru Htg : Ny. Bohal Aritonang Br. Hutagalung Jl. LAPAN No.12 Pekayon Pasar Rebo – Jakarta Timur Ujung Oloan
227 Boru Htg : Ny. Drs. B. Sitompul Br. Hutagalung Jalan Serem 322 Blk.H, Cinere, Jakarta Selatan
228 Boru Htg : Ny. Hutabarat Br. Hutagalung Jalan Serimpi No.3 Kelapa Gading B.C, Jakarta Utara Ujung Oloan
229 Boru Htg : Ny. K. Sinuhaji Br. Hutagalung Serang, Banten Datu Timpus
230 Boru Htg : Ny. M. Lumbantobing Br.Hutagalung Hutan Kayu Rawasari – Jakarta Pusat
231 Boru Htg : Ny. Manalu Br. Hutagalung Jl.Petamburan Gg.Barokah No.22 RT.5/5 Petamburan – Jakarta Pusat
232 Boru Htg : Ny. R. Hutapea Boru Hutagalung Jalan Warga No. 71 RT. 002/07 Ulujami, Jakarta Selatan Datu Timpus
233 Boru Htg : Ny. S.J. Sitompul Boru Hutagalung Jalan Merpati B2 No. 11 Griya Cinere, Cinere, Jakarta Selatan Ujung Oloan
234 Boru Htg : Ny. Simanungkalit Boru Hutagalung Kel. Makassar RT. 002/04 Kelurahan Makassar-Jakarta Timur Namora Tonggor
235 Boru Htg : Ny. T. Sitompul Br. Hutagalung Jalan Swakarya No.56 Meruya Selatan – Jakarta Barat Namora Tonggor
236 Boru Htg : Ny. Z.A. Pannggabean Br. Hutagalung Jalan H. Samali Ujung No.27A Warung Buncit – Jakarta Selatan
237 Boru Htg : O. Hutabarat/Br. Hutagalung Jalan Karang Tengah No. 54 Lebak Bulus, Jakarta Selatan Datu Timpus
238 Boru Htg : O. Panjaitan/Br. Hutagalung Cipondoh Makmur Blk. M.2 Cipondoh – Tangerang
239 Boru Htg : O. Wati Sitompul Boru Hutagalung d/a Jalan Seram Blok H/322 Cinere, Jakarta Selatan Ujung Oloan
240 Boru Htg : P. Hutapea SH/Br. Hutagalung Jalan Delman Utara No.64 Kav.Blk.A-IV RT.004/09 Tanah Kusir, Jakarta Selatan Ujung Oloan
241 Boru Htg : P. Sitompul/Br. Hutagalung Jl. Swasembada Timur XIX RT.013/05 No.12 Kebon Bawang Tg. Priok – Jakarta Utara Ujung Oloan
242 Boru Htg : P.R. Simanjuntak/Br. Hutagalung C/o: Jalan Bajubang No. 12 Rawamangun – Jakarta Timur Datu Timpus
243 Boru Htg : Pdt. Robert Lumika/Br. Hutagalung Jl. Delman Utara No.44 RT.012/RW.09 Tanah Kusir, Jakarta Selatan Ujung Oloan
244 Boru Htg : R. Lumbanraja/Br.Hutagalung Jalan Swakarya Meruya Selatan, Jakarta Barat Namora Tonggor
245 Boru Htg : R. Panggabean/Br. Hutagalung Jalan Prapatan II No.18 Kwitang, Jakarta Pusat Ujung Oloan
246 Boru Htg : R. Sibarani/Br. Hutagalung Jalan Permata Dalam No.20 Tegal Alur – Cengkareng-Jakarta Bara Namora Tonggor
247 Boru Htg : R. Silaban/Br. Hutagalung Jl.Kayu Manis Selatan Bina Taruna III RT.011/10 No.12 Pulo Gadung – Jakarta Timur
248 Boru Htg : S. Chan. Nainggolan/Br.Hutagalung Jalan Cempaka Baru XI RT.008/05 Cempaka Putih, Jakarta Pusat
249 Boru Htg : S. Siahaan/Br. Hutagalung Jalan Budi No. 29 RT.004/08 Cawang, Jakarta Timur. Datu Timpus
250 Boru Htg : S.M. Tua Sitindaon/Br. Hutagalung Jalan Perdagangan VIII – Bintaro Bintaro – Jakarta Selatan Ujung Oloan
251 Boru Htg : Sahat Marpaung/Br. Hutagalung Kelapa Hibrida Blk. DE.I No.9 Perum Pondok Kelapa Permai Jakarta Timur Datu Timpus
252 Boru Htg : St. S.H. Tambunan/Br. Hutagalung Jl. Karet Ps. Baru RT.014/011 Karet – Tanah Abang – Jakarta Pusat Namora Tonggor
253 Boru Htg : T. Nainggolan/Br. Hutagalung Jalan Asam Baris Tebet – Jakarta Selatan Namora Tonggor
254 Boru Htg : T. Tambunan/Br. Hutagalung Jalan D. No.8 Kav. POLRI Ragunan Pasar Minggu – Jakarta Selatan Ujung Oloan
255 Boru Htg : Timbang Lumbantobing/Br. Hutagalung Jalan Asri Kencana Raya, Blk.A.1/H.5 Perum Meijang Lestari, Legok-Tangerang Datu Timpus
256 Boru Htg : Togi Nainggolan/Br. Hutagalung Jalan Jl. Pendidikan II Blk.D.57 Kav.PGRI Kelapa Dua – Jakarta Timur Namora Tonggor
257 Boru Htg : Tommy T.H. Panggabean/Br. Hutagalung Jalan Prapatan II No.18 Kwitang, Jakarta Pusat Ujung Oloan
258 Boru Htg : Victor S.M. Situmorang/Br. Hutagalung Jl. Cilik Riwut B-IX/1 Kompl. Angkasa Pura II – Tangerang Ujung Oloan
259 Boru Htg : W. J. Nainggolan MBA/Br.Hutagalung Jl. Kelapa Kopyor XI CB 14/9 Gading Serpong – Tangerang
260 Boru Htg : W. Lumbantobing/Br. Hutagalung Duri Kepa Jakarta Barat Namora Tonggor
261 Boru Htg : Yutaka Matsushima’Br. Hutagalung Perum Raffles Hills Blk. EA2 No.17 RT.002/05 Jl. Alternatif Cibubur, Cimanggis, Jak. Timur Ujung Oloan
262 Boru Htg : .. Pardede/Br.Hutagalung d/a Muncang Dalam Blk.K No.30 Lagoa, Tg. Priok, Jakarta Utara Ujung Oloan
263 Boru Htg : .. Rumapea /Br.Hutagalung Jalan Setia Budi V Gg.III No.23 Setia Budi – Jakarta Selatan Datu Timpus
264 Boru Htg : .. Siahaan/Br. Hutagalung Klender Jakarta Timur
265 Boru Htg : .. Siregar/Br.Hutagalung Kel. Makassar RT. 002/04 Kelurahan Makassar-Jakarta Timur Namora Tonggor
266 Htg : .. Hutabarat/Br. Amabarita C/o: RT. 002/07 Tegal Alur, Kamal Cengkareng – Jakarta Barat
267 Htg : .. Hutagalung/Br. Siahaan Kompl. AL. Dewa Kembar Tanjung Priok – Jakarta Utara

Ditulis dalam Batak | Leave a Comment »

 
Ikuti

Get every new post delivered to your Inbox.