Halomoan Tondang’s Blog

Just another WordPress.com weblog

Arsip Penulis

Format Undangan Arisan Opung Tondang se-Jakarta

Posted by halomoantondang pada September 24, 2008

PUNGUAN ARISAN “ Opung Tondang se-Jakarta”

UNDANGAN ARISAN

Horas ma di hamu,
Marhite surat on, pinabotohon tu hita sude Ruas ni Punguan Arisan, Anak Boru dohot Panagolan ni Tondang sa-Ompung Jakarta, asa ria hita ro mandohoti Ulaon nasomal tapatupa di Ari Minggu Paduahon siganup Bulan.

Parpunguanta di Bulan on i ma di :
Ari : Minggu, Tanggal ……….
Tingki : Pukul 12.00 wib.
Di bagas ni : ……………………………………………..Alamat : Jalan ……………………….. Telp: 021-………..

Laos ………………………………………………

Ia namanjalo Arisan di Bulan ………………….i ma donganta:

1.Kel. …………………………………………….
2.Kel. …………………………………………….

Laos nasida namanjalo Arisan i do na patupa sipanganon di Ulaonta i.

Arop situtu do rohanami asa sude nian hita paredehon tingkina ro
mandohoti Ulaon i. Sai didongani Asi ni Roha ni Tuhanta ma hita sasude.,
Disiala haroromuna, hupasahat hami mauliate godang.

Horas Jala Gabe.

Jakarta, …………………….. 200…

Sekretaris PUNGUAN.

Posted in Tondang, Tumpuan | 1 Comment »

HATINDANGHON PAMBAHENAN NI DEBATA

Posted by halomoantondang pada September 24, 2008

THEMA : HATINDANGHON PAMBAHENAN NI DEBATA DIBAGASAN NGOLUM MARHITE ANGKA ENDE PUJIPUJIAN

Buku Psalmen (Mazmur) ima punguan ni angka Ende pujipujian tu Debata Adong do sifat na khusus jumping di buku Psalmen, ima na mansai tangkas mangondolhon taringot tu Debata, ndada taringot tu jolma, atik pe dihatahon i marhite kesaksian secara pribadi – punguan – manang bangso pe.

Pesta PASKAH : 2 Musa 12 ayat 14
Pesta PARLAPELAPEAN : 3 Musa 23: ayat 34

Beha do hita songon Keluarga Kristen, manang songon angka na porsea secara pribadinmlaho marningot pambahenan, pasu-pasu dohot panogu-noguon ni Debata dibagasan ngolunta
Tagamon ala ni angka kesibukan gabe hurang mananda jala marningot hita Di campur tangan dohot diangka pasupasu nanilehon ni Debata tu hita.

Beha do hasadaon ditongatonga ni keluarganta be dibagasan ngolu partondion Tagamon bersifat tradisi sambing ma angka kehadiranta tu Gareja, partangiangan

Dipasu-pasu jala dipargogoi Debata ma hita laho manghangoluhon lomo ni roha ni Debata asa taruli bohal mananongtong ro di saleleng ni lelengna.

Tangiang Pelean:
Ale Debata, Amanami na di banua ginjang, Ho doharoroan ni saluhut silehonlehon
na denggan dohot nasa ulibasa namauliutus.
Hupasahat hami ma sian nanilehonMi tu hami, peleannami tu Ho.
Sai jala mai gabe uap nahunsus di jolom, pasupasu mai jala ramoti diparhaseang Huriam
Pelean on, patimbulhon harajaonMu, ditonga-tonga ni Huriam dohot di portibion
Buhai ma rohanami marhite-hite tondiM, asa lam hutanda hami godang ni
Silehon-lehonMi tu hami, asa lam girgir hami mandok mauliate tu Ho,
Marhite-hite Jesus Kristus Tuhannami.

Amen.

Posted in Batak | 1 Comment »

TARINGOT TO NAMONDING

Posted by halomoantondang pada September 24, 2008

Mansai godang do siidaon namasa di parmonding ni naung hot ripe, ima diangka ulaon siulahonon ni angka dongan tubu, boru dohot hula-hula ni na mondingi.
Nian, nunga ulaon di arsak ni roha, ai marsak ma antong na mateani dohot sisolhotna ala namonding sahalak nanihaholongan ni roha nasida. Hape, ala ni angka ulaon Adat na sipatupaon di parmonding ni Ama manang Ina jotjot do timbul salah paham mardomu tu Adat hasomalan ni angka nasasa-Ompu (Suhut dina mondingi) dohot Adat hasomalan ni Hula-Hula ni namondingi.

Adong nahuadopi Paradaton di namonding songon on:

Monding ma Ama – Simatuana/Hula-Hulana ma na pasahat Ulos Saput dohot Ulos Tujung: (didok ditingki namonding sada Ama di nasida Marga …..Par Balige) nahinabaluhon ni Ina tubu ni dongan par-Silindung, jadi ditingki martonggo Raja (mangarapot istilahna di Jakarta on) didok Suhut di Namondingi ma na Simatua (Hula-Hula) ni namondingi sibahen Saput dohot Tujung.

Monding ma Ina tubu ni dongan Par-Silindung, nahinabaluhon ni Ama sian Humbang topi tao, didok : Simatuana (Hula-Hula) ni Ama namabalui ma mambahen Saput jala Tulangna mambahen Tujung: Molo monding sahalak Ama di nasida Tulang ni namonding mambahen Saput alai anggo namambahen Ulos Tujung tu Ina namabalui ima Simatua /Hula-Hula ni na mondingi.

Molo di Silindung songon naung somal niida dohot niulahon molo monding Ina manang Ama ba Tulangna do sibahen Saput jala Hula-Hulana sibahen Tujung.

Unduk marmeme Anak unduk do marmeme Boru: ido pandohan ni Ompunta sijolojolo tubu, jala songoni do nang di parsorang ni dakdanak di Pamoruon, dakdanak baoa manang dakdanak Boru-boru migor do ro Hula-Hulana (Tulangna) mamboan Aek ni Unte dohot pasahat Ulos tu dakdanak nabaru sorangi jala didok ma Ulos Parompa.

Mangoli Anak Baoa manang Muli Borui ba Tulangna do napasahat Ulos, jala didok ma nuaeng goar ni Ulosi Ulos Holong.

Monding pe Bere Baoa manang Bere Boru-Boru Tulangna ma napasahat Ulos Saput. Ima Ulos parpudi tu Berena namondingi.

Di sude ulaon las ni roha, tongtong do tapasangap Tulang ni Ina na tadok panjouon tu nasida : Tulang Rorobot (Tulang Narobot) namarlapatan sipasahat Ulos ma nasida tu Ina di na robot (molo monding)

Songoni do nang di Na-MANGOMPOI JABU NAIMBARU” Tulang ni Amai do naberperan anggo napasahat Ulos Herbang, baru pe diuduti dohot Ulos Herbang sian Hula-Hulana. (sitaringotanta muse dipudi ima taringot tu ULAON MANGOMPOI JABU, Jala ido dasarna molo mompo namonding tu jabu-jabuna (batangna) Tulangna do namenyaksihon laos napasahathon Ulos Saput tu namompoi (namondingi). Diuduti ma muse dohot Hula-Hulana napasahat Ulos Tujung tu namabalui.

Molo tung pe adong angka pangulaon di napasahat Ulos Saput dohot Ulos Tujung namarasing-asing sian nasomal niulahon, denggan ma Hasuhuton ni na mondingi masipasangapan dohot horong ni Hula-Hulana asa mardalan ulaoni dohot denggan.

TARINGOT TU NAMONDING:

01. Monding Baoa manang Boru-boru naung hot ripe alai ndang mardakdanak dope.
02. Monding Ama/Ina naung adong anakhonna (dakdanak/posoposo dope)
03. Monding Ama/Ina alai ndang adong dope naung hot ripe anakhonna
04. Monding Ama/Ina naung adong anakhonna hot ripe alai ndang marpahompu dope
05. Monding Ama/Ina naung ganjang umurna lobi 70 taon alai ndang mardakdanak (punu)
06. Monding Ama/Ina naung marpahompu alai adong dope anakhonna dakdanak
07. Monding Ama/Ina naung hot ripe sude anakhonna alai ndang marpahompu dope.
08. Monding Ama/Ina naung marpahompu sian Boruna alai ndang marpahompu dope sian anakna
09. Monding Ama/Ina naung marpahompu sian Anak dohot sian Boru alai adong dope anakhonna na so hot ripe.
10. Monding Ama/Ina naung marpahompu sian sude anakhonna alai holan sian Boruna
11. Monding Ama/Ina naung marpahompu sian Anak dohot sian Boru (sude ma hot ripe)
Di tingki na parpudi on mardomu tu Program Keluarga Berencana mungkin godang ma na monding Saur Matua alai anggo umurna poso dope ala ma marpahompu sian Anak dohot sian Boru ai holan dua do anakhonna (sada anak sada boru)
12. Monding Ama ndang adong dope na hot ripe anakhonna alai monding ina namabalui dung
marpahompu sian anak dohot sian boruna (sude anakhonna ma hot ripe)
13. Monding Ama/Ina naung marpahompu anakhonna (marnini manang marnono)
14. Monding Ama/Ina naung marnini-marnono, sahat tu mungkin namarondokhondok.

Godang dope nian ragam ni na monding diluar ni naung ni dok diginjangi, alai ndang sudenai nanaeng si taringotan di Buku on.

ULAON DI NA MONDING NAUNG HOT RIPE

01. MONDING Baoa manang Boruboru naung hot ripe alai ndang mardakdanak dope.

Mardalan do dison ulaon napasahat Ulos Saput dohot Ulos Tujung.
Jala panimpuli ni ulaon songon on:
Molo monding Ina, Simatua ni namabalui ma pasahat Ulos Tujung tu Helana jala dipasidung ma namangungkap Tujung dung mulak sian udean.
Molo monding Ama dipasahat hula-hula ni namondingi ma Ulos Tujung tu Ina namabalui Ditingki di jabu dope bangkei, manghatai ma Parboru tu Natoras ni Ama naung mondingi manungkun taringot tu Boruna naung mabalui.
Parboru : Beha do Lae nang hamu Ito, taringot ni Parumaenmu naung mabalu on, adong dope rohamu manahani ibana asa tinggal rap dohot hamu. (maksudna: atik adong anggi ni namondingi naeng patohoon ni Paranak dope tu Boru namabalui)
Paranak : Mauliate ma Tunggane nang di Inangbao, anggo taringot di parumaennami nang pe naung mabalu nasida alai tinggal ma rap dohot hami, alai targantung di nasida do ba rap manungkun ma hita, dia ma dohononnami ai ma songoni jolo huroha nasibnami.

Parumaen: Pangidoanhu nian naeng ma ahu rap dohot Simatuanghu, alai beha pandok nasida ba sipangoloi do ahu disi.
Molo dos do roha ni Paranak dohot Parboru dohot Parumaen/Boru namabalui, laos diungkap di Udean do Tujung ni Borunai, laos ihut ma dohot mulak tu jabu ni Parboru.
Alai, jotjotan dung manang piga ari/minggu dung mabalu, ala dos ni tahi dialap Parboru ma Boruna sian bagas ni Paranak.
Ala ndang sai binoto, atik naung adong di bortian ni Boru namabalui, biasana sahat tu sataon dung mabalu ndang boi namabalui marhamulian.

02. MONDING AMA manang INA (No.02 & 03) (Mate Mangkar)

Mardalan do dison napasahat Ulos Saput dohot Ulos Tujung, songoni nang Ulaon Ungkap Tujung dung mulak sian Udean.
Holan ulaon saripe do on antara Hula-Hula dohot Pamoruonna.
Jadi molo monding Ama manang Ina na so adong dope anakhonna naung hot ripe, sude do na mondingi didok Mate makkar.
Molo Ama na monding didok ma nama- Ponggol Ulu
Molo Ina na monding didok ma Matompas Tataring

03. Monding Ama/Ina naung adong anakhonna hot ripe alai ndang marpahompu dope

Di na monding songon napinatorang (03) diginjangi, mardalan do ulaon na pasahat Ulos Saput, dohot Ulos Tujung songoni ma nang ulos holong sian angka Simatua ni anakna, jala dung mulak sian udean dipatupa do ulaon partangiangan goarna.
Lapatanna, mangido do Hasuhuton ni namondingi asa dung mulak sian udean asa mulak muse tu jabu laho mangido tangiang dohot angka poda sian nasida tu angka anakhon ni naung mondingi.
Ulaon partangiangani dipasada ma dohot ulaon na mangungkap tujung.
Ndang adong pola manggora parbagi ni parjambaran di ulaon partangiangan sisongon on.

Alai tutu, ndang na gabe keharusan ulaoni ingkon songoni, ai adong do napatimbohon ulaoni gabe tu ulaon SARI MATUA., tergantung do i tu angka sisolhotna namangidohon pangidoan nasida tu Dongan Tubu, Dongan Sahuta tarlobi tu horong ni Hula-Hula ditingki Tonggo Raja/Pangarapoton.
Molo dos do tahi ditingki pangarapotoni saut ma sangkap nasida taringot tu ulaon i.
Jadi di Tonggo Raja/Pangarapoton do sude puncak ni nanaeng siulahononhon ditingki adong na monding Ama manang Ina.

Jadi songon dia ma keputusan ni Hasuhuton, Dongan Tubuna, Dongan Sahutana, tarlobi Tulangna dohot Hula-Hulana di tingki pangarapoton/tonggo rajai, laos songoni ma diulahon ditingki napatupa ulaon di na monding Ama manang Ina.

ULAON DI NA MONDING NAUNG HOT RIPE (udutna) TARMASUK DO PANGIDOAN SISONGON ON { ULAON SARI MATUA)

Monding Baoa/Boruboru naung marumur lobi sian 70 taon alai ndang maranakhon (05)
Monding Ama/Ina naung marumur lobi sian 70 taon alai ndang marpahompu dope (05A)

Na berperan di ulaon sisongon on khusus tu No.: 05 ima angka pomparan ni Haha-Anggina na saAma manang na sa-Ompung (ndang sa-Ompu nanidok disi).

Molo tu No.: 05A pangidoan ni anak ni namondingi ma jolo tu Dongan Tubuna, asa adong mandat ni Dongan Tubu laho manghatahon di Tonggo Raja.

Denggan pe maksud ni Dongan Sabutuha dohot Dongan Tubu anggo keputusan tong do di Suhut na marsitaononi. Ai pitu batu martindi tong do sada/hasuhutoni sitaon nadokdok..

Angka alasan di napatimbohon derajat ni Adat di parmonding ni sahalak natua-tua (Ama/Ina) ima :
Ripe na sai tongtong mangihut-ihut Ulaon Paradaton saleleng di ngoluna pola gabe panungkunan di Adat dohot Ugari.
Ripe, panungkunan bisuk, pangalapan roha, sipatiur narundut, sipadame napagulut, Nadompak Pujion, Natundal hataon, parhata saut, parhata oloan.

Angka Ripe namarpangalaho sisongoni ma, jotjotan dipatimbo dongan partubuna Adatna diparmondingna, gabe Ulaon Sari Matua manang Ulaon Saur matua.
Alai sai olo ma hita mangulahon napatut ulahononhon di parmonding ni Ama manang Ina jala unanag ma tapaksahon ala ni sinadongan manang pangkat unang gabe sihataon ni dongan hita dipudian ni ari.

ULAON DI NA MONDING SARIMATUA

Na didok Monding SARIMATUA ima:
a. molo monding Ama manang Ina naung marpahompu sian Anak marpahompu sian
Boru alai adong dope anakhonna na so hot ripe (09)
b. Monding Ama/Ina naung marpahompu sian Anakna alai ndang dope sian Boruna jala
ma sude anakhonna hot ripe.
c. dohot natinaringotan diginjangi.

Ia ULAON SARI MATUA molo monding sahalak natua-tua sipatupaon ni Hasuhuton ma Ulaon paborhathon (ulaon borhat borhat) jala tudu-tudu ni sipanganon di ulaon Sarimatua ima: Namarmiakmiak/Lombu natinutungan manang Lombu tunggal, margantung tu kondisi ni na mondingi di paranakhonon

Molo di Bona Pasogit biasana jolo mulak sian udean do dipamasa namarsipanganon dohot namarbagi parjambaran dohot angka ulaon nahombar tu Ulaon Sari Matua/Saur Matua.
Alai anggo di Jakarta on ala ni sompit ni tingki di angka sisolhot nunga sering dipatupa ulaoni dinalaho paborhathon bangke tu udean.
Dung mulak sian udean, holan Hasuhuton nasolhot nama namulak tu jabui dohot Hula-Hula, dohot Tulang laho pasidung ulaon paradaton.
Di Ulaon on sahat dope Ulos Tujung, dohot ulaon ungkap Tujung.

ULAON SAUR MATUA

Nadidok Monding SAUR MATUA, ima parmonding ni natua-tua naung hot ripe sude anakhonna, marpahompu di Anak, marpahompu di Boru, ra deba nunga sahat tu namarnini – marnono.
Sipatupaon di ulaon Saur Matua ima Horbo Sitingko Tanduk, manang Gajah Toba lapatanna dia ma Horbo na umbalga
Ulos sipasahaton di ulaon saur matua ndang didok be Ulos Tujung alai digoari ma : ULOS SAMPE TUA.

SI ULAON DI PARMONDING NI NATUA-TUA (ULAON SARIMATUA)

01. MANGARAPOT/MARTONGGO RAJA
Di sude ulaon sipatupaon di namonding sahalak natua-tua, ingkon jolo patupaon do ulaon pangarapoton, ima biasana di borngin parpudi andorang so paborhathon tu udean.

Molo monding sahalak natua-tua denggan ma hasuhutoni marhobas laho paboahon baritai tu Tulang, Hula-Hula, Tulang Rorobot ni na mondingi jala molo di Ulaon Sari Matua, sahat ma tu Hula-Hula ni na Marhaha-Maranggi, Hula-Hula ni Anak Manjae jala denggan ma sahat nang tu Bona Tulang, Tulang rorobot sahat tu Bona ni Ari.

Molo di Ulaon Saur Matua denggan ma jolo martonggo Raja (NA SAULAON) di sasa Marga asa sisada tahi sisada roha dohot pingkiran, sisada gogo di nalaho mangulahon ulaoni dohot dinamangadopi Tonggo Raja dohot horong ni Hula-Hula.

Di sude namargoar Tonggo Raja unang lupa manggokkon Dongan Sahuta dohot Ale-Ale ala didok do: Jonok partubu jonohan do parhundul, ai dongan sahuta do tampuk ni sude ulaon di hutai.

Di Ulaon Tonggo Raja/Mangarapot di Ulaon Sari Matua dohot Ulaon Saur Matua, naeng ma di parade Sipanganon namartudutudu (namarmiak-miak) alai anggo tonggo raja di angka na mate mangkar dohot nasajajar dohoti sae ma holan sipanganon biasa.

02. Tingki Pangarapoton/Tonggo Raja:
Molo dung ma diida Protokol naung sahat angka Hula-Hula, Tulang dohot angka Dongan Tubu, disuru ma Boru laho paturehon hundulan namasiadopan.

PROTOKOL:
aa. Dihita na Mardongan Tubu Pomparan ni Ompunta si Raja Hutagalung, Borunami dohot Berenami, Dongan Sahuta dohot Ale-Ale, ala naeng pungkaonta ma Ulaon Mangarapot/Tonggo Raja rap dohot Hula-Hula dohot Tulangta, ro ma hita tu inganan naung pinarade di hita dison asa sada hita laho mangadopi horong ni hula-hulanta.

bb. Dihamu Borunami, parade hamu hian ma angka naporlu dohot sipatupaon di ulaon tonggo raja on. (buku, papan tulis, dohot sipanganon daon pogu)

03. Tingki Pangarapoton/Tonggo Raja (udutna)
Protokol:
cc. Di hamu Rajanami nahuparsangapi hami, Hula-Hulanami (didok margana jala unang lupa manambai hata Raja dijolo ni Marga), Tulangnami, Tulang Rorobotnami, Bona Tulangnami, Bona ni Arinami, Hula-Hula ni namarhaha-maranggi dohot hula-hula ni Anak manjae.
Mahuparade hami inganan di hamu Rajanami dina laho pungkaonta ulaon Pangarapoton. Ro ma hamu Rajanami asa tapungka ulaonta.

Dung pungu sude:
dd. Parjolo: jolo disise Protokol ma manang naung sahat sude Hula-Hulai, dipatangkas ma marga nasida, tutur, mamungka sian hula-hula.
Songoni di namardongan tubu, dohot dongan sahuta.
Molo dung pungu sude disi, parjolo manungkun ma Protokol:
= Di hamu Rajanami, andorang so tapungka panghataionta, paboaonnami do Rajanami, adong do huparade hami sipanganon di ulaon tonggo raja on, namanungkun ma hami: Jolo marsipanganon ma hita Rajanami asa manghatai ?? (biasana jolo marrapot ma.)

Di tonggo Raja ni na Mardongan Tubu nunga ditontuhon hian: ise ma Panghatai, ise sijaha Riwayat Keluarga (Jujur Barita), ise Parhobas.

dd.1. Mandok hata huhuasi/hata mauliate di haroro ni angka tondong namandohoti ulaoni
dd.2. Manjaha Riwayat Keluarga (Jujur Barita)
dd.3. PARHATA: Songoni ma Rajanami, nunga rap hita umbege Riwayat Keluarga ni Ama/Ina namonding on jala dibagasanni Rajanami mangido hami di paniroionmuna di sangkap manang Rencana ni Ulaon nanaeng sipatupaonta di nalaho paborhathon Bangke ni Amanta/Inanta natahaholongion tu ingananna parpudi di portibion, marsogot jala Rencananami i tarsongon on ma Rajanami:

dd.3.1. Parjolo: Songon Jujur Barita naung rap hita umbegesa, Ulaon dinalaho paborhathon Ama/Ina natahaholongion naeng patupaonnami ma nian:
ULAON SARIMATUA
Taringot disi ma jolo parjolo Rajanami hupangido hami paniroionmuna Hula-Hulanami dohot Tulangnami, baru pe asa tauduti annon di angka ulaon namangihut dohot angka sipatupaon.
Hupasahat hami ma tu hamu hula-hulanami Raja …….. hamu ma namangatur panghataion Rajanami.

dd.3.2. HULA-HULA : (dung di sise angka donganna sahundulan horong hula-hula)
Mauliate ma di hamu Pamoruonnami, las situtu rohanami dipangidoanmu di
Ulaon sipatupaonta dinapaborhathon Lae/Amangborunami – Iboto/Namborunami on tu ingananna parpudi di portibion ima Ulaon Sarimatua.
Sian hami hula-hulamuna panolopi ma hami di sangkapmunai, alai … ala dison do dongannami sahundulan, Tulang dst. …. Ba hupasahat hami ma jolo tu nasida asa sada alusnami di pangidoanmunai.
Dipasahat ma sungkun-sungkun (martingkat) mulai sian Tulang dst.
Sude do horong hula-hula dohot Tulang mambahen alusna jala molo dung hibul alus sian nasida didok hula-hula ma:

dd.3.2 HULA-HULA (udutna)
Di hamu Pamoruonnami, nunga dibege hamu, sude do hami manolopi pangidoan dohot sangkapmuna di Ulaon Sarimatua dinapaborhathon …………
Horas ma jala Gabe. Hupasahat hami ma tu hamu, lanjuthon hamu ma………

PARHATA: Mauliate ma di hamu Rajanami, sude ma hamu naung hupandok hami di pangoloionmunai di pangidoannami.

Nuaeng hupatorus hami ma jolo manaringoti rencananami di angka Ulaon dohot sipatupaon di ulaonta marsogot:
01. Taringot tu Boa-boaanna (BOANNA) patupasonnami ma Rajanami ima NAMARMIAKMIAK–LOMBUNATINUTUNGAN jala ULAON PARTANGIANGAN ma patupaon dung mulak sian Udean., laos ditingki ulaoni ma nian tapatupa Ulaon Ungkap Tujung

02. Taringot tu na pasahat Ulos Rajanami tar songon on ma konsepnami:
ULOS SAPUT sian Tulangnami Raja …………….(molo Ama namonding)
Sian Tulang Rorobot Raja……….. (molo Ina namonding)
ULOS TUJUNG sian Hula-Hulanami Raja ………
ULOS HOLONG sian Bona Tulang, Bona ni Ari dohot sude Hula-Hula
Ulaoni pungkaonta ma marsogot ari …..tgl…… diparnangkok ni mata ni ari jala songon on ma panjalonami Rajanami:
Parjolo ma jaloonnami Tulang napasahat Ulos Saput
Dungi jaloonami ma Hula-Hula napasahat Ulos Tujung
Molo dung sidung napasahat Ulos Saput dohot Ulos Tujung, mangido hami Rajanami di hamu horong ni Hula-Hula dohot Tulang ala marningot tu tingki hita, nanaeng pasahat Ulos Holong asa mangida tu naparjolo sahat ma.

03. Taringot di Ulaon Partangiangan pangidoannami Rajanami patupaonta ma
nian dung mulak sian udean, dinamangido hami di tangiangmuna dohot angka hata poda tu pomparan ni Ama/Ina namonding on, jala laos di ulaoni ma nian alusannami hamu Rajanami.

Songoni ma konsep di Rencana ni Ulaon Sari Matua nanaeng sipatupaonta Rajanami jala andorang so hupasahat hami pangidoannami tu hamu horong ni Hula-Hulanami parjolo ma jolo hupasahat hami taringot tu ulaon on tu Dongan Sahutanami.

Alus sian Dongan Sahuta : Horas jala Gabe songon dia nasinagkapanmuna Hasuhuton, sian hami Dongan Sahutamuna mandok: Sahata ma hita Rajanami.

Nuaeng, hupasahat hami ma tu hamu Hula-Hulanami dohot Tulangnami:

Dung masisisean angka horong hula-hula dohot Tulang jala ma sada tahi nasida dialusi ma:

Alus Parjolo: Hutolopi hami ma rencanamunai di Ulaon Sarimatua nanaeng sipatupaonta marsogot alai taringot tu panjaloonmu di haroronami asa taatur ma nian tingkina.
(diatur ma tingkina : Pukul:…mamungka sian haroro ni Tulang – Hula-Hula dst.)

dd.3.2. Hula-Hula (udutna)

Alus napaduahon:
Taringot tu Renacanamunai, alus sian hami horong ni Hula-Hula dohot Tulang manolopi ma hami disi, jala atur hma tingki panjalomuna di haroronami.
ALAI PANGIDOANNAMI taringot tu Ulaon Partangiangani dohononnami ma songon on:
Marningot tu tingki namansai porlu dihita na di pangarantoan on, molo boi nian unang pola dung mulak sian udean tapatupa ulaoni alai tapatupa ma ditingki laho paborhathon (dung di alaman batang ni namondingi) jala dung simpul marsipanganon, laos dibagi ma parjambaran, taringot di namandok hata apul-apul dohot poda ai na ro dope hami diangka tingkkina muse.

Biasana molo di Jakarta, alus napaduahoni do dilaksanahon ima tingki di na laho paborhathon laos disi ma marsipanganon Boan dohot namarbagi parjambaran. Dung sidung marsipanganon, mandok hata di alaman nama panimpulina.

PARHATA: (dung masisungkunan na Mardongan Tubu dohot Boru, Dongan Sahuta dapot ma keputusan mangoloi pangidoan ni Hula-Hula diulaon napaduahoni ma dipatupa.

Antong Rajanami, huoloi hami ma pangidoanmunai jala songon on ma hata dohot pangidoannami di acara:

01. Anggo Hula-Hula dohot Tulangnami dung mulak sian udean panakkohonnami dope hamu Rajanami tu jabu laho pasidunghon ulaon Ungkap Tujung (ulaon sadari) laos ditingki ulaoni ma hami mangalusi hamu.

02. Di Bona Tulang, Bona ni Ari songoni nang Hula-Hula Naposo alusannami ma nasida diharoro nasida dung dipasahat nasida Ulos Holong.

Dung simpul Pangarapoton, mangido ma Parhata asa dung sidung marsipanganon asa laos diuduti ma dohot ulaon pamasuk namondingi (mompo) tu jabu-jabuna.
Mandok hata mauliate ma horong hasuhuton, jala ditutup hula-hula ma dohot tangiang
Dipeakhon ma tudu-tudu ni sipanganon diatas ni meja, dihatahon ma huhut diputar:.
Martangiang laho marsipanganon.

04. MANGARAPOT/MARTONGGO RAJA
Di sude ulaon sipatupaon di namonding sahalak natua-tua, ingkon jolo patupaon do ulaon pangarapoton, ima biasana di borngin parpudi andorang so paborhathon tu udean.

Molo monding sahalak natua-tua denggan ma hasuhutoni marhobas laho paboahon baritai tu Tulang, Hula-Hula, Tulang Rorobot ni na mondingi jala molo di Ulaon Saur Matua, sahat ma tu Hula-Hula ni na Marhaha-Maranggi, Hula-Hula ni Anak Manjae jala denggan ma sahat nang tu Bona Tulang, Tulang rorobot sahat tu Bona ni Ari.

Molo di Ulaon Saur Matua denggan ma jolo martonggo Raja (NA SAULAON) di sasa Marga asa sisada tahi sisada roha dohot pingkiran, sisada gogo di nalaho mangulahon ulaoni dohot dinamangadopi Tonggo Raja dohot horong ni Hula-Hula.

Di sude namargoar Tonggo Raja unang lupa manggokkon Dongan Sahuta dohot Ale-Ale ala didok do: Jonok partubu jonohan do parhundul, ai dongan sahuta do tampuk ni sude ulaon di hutai.

Di Ulaon Tonggo Raja/Mangarapot di Ulaon Saur Matua, naeng ma di parade Sipanganon namartudutudu (namarmiak-miak) alai anggo tonggo raja

05. Tingki Pangarapoton/Tonggo Raja:
Molo dung ma diida Protokol naung sahat angka Hula-Hula, Tulang dohot angka Dongan Tubu, disuru ma Boru laho paturehon hundulan namasiadopan.

PROTOKOL:
aa. Dihita na Mardongan Tubu Pomparan ni Ompunta si Raja Hutagalung, Borunami dohot Berenami, Dongan Sahuta dohot Ale-Ale, ala naeng pungkaonta ma Ulaon Mangarapot/Tonggo Raja rap dohot Hula-Hula dohot Tulangta, ro ma hita tu inganan naung pinarade di hita dison asa sada hita laho mangadopi horong ni hula-hulanta.

bb. Dihamu Borunami, parade hamu hian ma angka naporlu dohot sipatupaon di ulaon tonggo raja on. (buku, papan tulis, dohot sipanganon daon pogu)

cc. Di hamu Rajanami nahuparsangapi hami, Hula-Hulanami (didok margana jala unang lupa manambai hata Raja dijolo ni Marga), Tulangnami, Tulang Rorobotnami, Bona Tulangnami, Bona ni Arinami, Hula-Hula ni namarhaha-maranggi dohot hula-hula ni Anak manjae.
Mahuparade hami inganan di hamu Rajanami dina laho pungkaonta ulaon Pangarapoton. Ro ma hamu Rajanami asa tapungka ulaonta.

Dung pungu sude:
dd. Parjolo: jolo disise Protokol ma manang naung sahat sude Hula-Hulai, dipatangkas ma marga nasida, tutur, mamungka sian hula-hula. songoni di namardongan tubu, dohot dongan sahuta. Molo dung pungu sude disi, parjolo manungkun ma Protokol:

Di hamu Rajanami, andorang so tapungka panghataionta, paboaonnami do Rajanami, adong do huparade hami sipanganon di ulaon tonggo raja on, namanungkun ma hami: Jolo marsipanganon ma hita Rajanami asa manghatai ?? (biasana jolo marrapot ma.)

Di tingki martonggo Raja na Mardongan Tubu nunga ditontuhon hian: ise ma Panghatai, ise sijaha Riwayat Keluarga (Jujur Barita), ise Parhobas.

dd.1. Mandok hata huhuasi/hata mauliate di haroro ni angka tondong namandohoti ulaoni
dd.2. Manjaha Riwayat Keluarga (Jujur Barita)

dd.3. PARHATA: Songoni ma Rajanami, nunga rap hita umbege Riwayat Keluarga ni Ama/Ina namonding on jala dibagasanni Rajanami mangido hami di paniroionmuna di sangkap manang Rencana ni Ulaon nanaeng sipatupaonta di nalaho paborhathon Bangke
ni Amanta/Inanta natahaholongion tu ingananna parpudi di portibion, marsogot jala Rencananami i tarsongon on ma Rajanami:

dd.3.1. Parjolo: Songon Jujur Barita naung rap hita umbegesa, Ulaon dinalaho paborhathon Ama/Ina natahaholongion naeng patupaonnami ma nian:
ULAON SAURMATUA
Taringot disi ma jolo parjolo Rajanami hupangido hami paniroionmuna Hula-Hulanami dohot Tulangnami, baru pe asa tauduti annon di angka ulaon namangihut dohot angka sipatupaon.
Hupasahat hami ma tu hamu hula-hulanami Raja …….. hamu ma namangatur panghataion Rajanami.

dd.3.2. HULA-HULA : (dung di sise angka donganna sahundulan horong hula-hula)
Mauliate ma di hamu Pamoruonnami, las situtu rohanami dipangidoanmu di
Ulaon sipatupaonta dinapaborhathon Lae/Amangborunami – Iboto/Namborunami on tu ingananna parpudi di portibion ima Ulaon Saur Matua.
Sian hami hula-hulamuna panolopi ma hami di sangkapmunai, alai … ala dison do dongannami sahundulan, Tulang dst. …. Ba hupasahat hami ma jolo tu nasida asa sada alusnami di pangidoanmunai.
Dipasahat ma sungkun-sungkun (martingkat) mulai sian Tulang dst.
Sude do horong hula-hula dohot Tulang mambahen alusna jala molo dung hibul alus sian nasida didok hula-hula ma:

Di hamu Pamoruonnami, nunga dibege hamu, sude do hami manolopi pangidoan dohot sangkapmuna di Ulaon Sarimatua dinapaborhathon …………
Horas ma jala Gabe. Hupasahat hami ma tu hamu, lanjuthon hamu ma………

PARHATA: Mauliate ma di hamu Rajanami, sude ma hamu naung hupandok hami di pangoloionmunai di pangidoannami.

Nuaeng hupatorus hami ma jolo manaringoti rencananami di angka Ulaon dohot sipatupaon di ulaonta marsogot:
04. Taringot tu Boa-boaanna (BOANNA) patupasonnami ma Rajanami ima SIGAGAT DUHUT/GAJATOBA

05. Taringot tu na pasahat Ulos Rajanami tar songon on ma konsepnami:
ULOS SAPUT sian Tulangnami Raja …………….(molo Ama namonding)
Sian Tulang Rorobot Raja……….. (molo Ina namonding) alai jotjotan dipangido Hula-Hula Parboru tu Tulangna asa nasida Parboru ma napasahat Ulos Parpudi tu Boruna naung Saur matua.
ULOS SAMPETUA sian Hula-Hulanami Raja ………
ULOS HOLONG sian Bona Tulang, dst …
Ulaoni pungkaonta ma marsogot ari …..tgl…… diparnangkok ni mata ni ari jala songon on ma panjalonami Rajanami:

ULAON SAUR MATUA (udutna)

Parjolo ma jaloonnami Tulang napasahat Ulos Saput
dungi jaloonami ma Hula-Hula napasahat Ulos Sampe Tua.

Molo dung sidung napasahat Ulos Saput dohot Ulos Sampetua, mangido hami Rajanami di hamu horong ni Hula-Hula dohot Tulang ala marningot tu tingki hita, nanaeng pasahat Ulos Holong asa mangida tu naparjolo sahat ma nian sian angka hamu Bona Tulang, Bona ni Ari.. dohot Hula-Hula Naposo.

03. Taringot di Ulaon Paradaton/Marsipanganon Boan songoni napasahat
parjambaran, pangidoannami Rajanami patupaonta ma nian dung mulak sian udean, dinamangido hami di tangiangmuna dohot angka hata poda tu pomparan ni Ama/Ina namonding on, jala laos di ulaoni ma nian alusannami hamu Rajanami.

Songoni ma konsep di Renacana ni Ulaon Saur Matua nanaeng sipatupaonta Rajanami jala andorang so hupasahat hami pangidoannami tu hamu horong ni Hula-Hulanami parjolo ma jolo hupasahat hami taringot tu ulaon on tu Dongan Sahutanami.

Alus sian Dongan Sahuta : Horas jala Gabe songon dia nasinagkapanmuna Hasuhuton, sian hami Dongan Sahutamuna mandok: Sahata ma hita Rajanami.

Nuaeng, hupasahat hami ma tu hamu Hula-Hulanami dohot Tulangnami:

Dung masisisean angka horong hula-hula , Tulang jala ma sada tahi nasida dialusi ma:

Alus Parjolo:
Hutolopi hami ma rencanamunai di Ulaon Saur matua nanaeng sipatupaonta marsogot alai taringot tu panjaloonmu di haroronami asa taatur ma nian tingkina. (diatur ma tingkina : mamungka sian haroro ni Tulang – Hula-Hula dst.)

Alus napaduahon:
Taringot tu Renacanamunai sian hami horong ni Hula-Hula dohot Tulang manolopi ma hami disi, jala atur hma tingki panjalomuna di haroronami.
ALAI PANGIDOANNAMI taringot tu Ulaon Paradaton (marsipanganon boan dohot namarbagi parjambaran) dohononnami ma songon on:
Marningot tu tingki namansai porlu dihita ni di pangarantoan on, molo boi nian unang pola dung mulak sian udean tapatupa ulaoni alai tapatupa ma ditingki laho paborhathon (dung di alaman batang ni namondingi) jala laos dung simpul marsipanganon dibagi ma parjambaran, dungi namandok hata di alaman.

Biasana molo di Jakarta, alus napaduahoni do dilaksanahon ima tingki dung di alaman batang ni namondingi laos disi ma marsipanganon Boan dohot namarbagi parjambaran.
Dung sidung marsipanganon, dohot marbagi parjambaran mandok hata di alaman nama panimpulina.

SI ULAON DI PARMONDING NI NATUA-TUA (ULAON SAUR MATUA) udutna

PARHATA: (dung masisungkunan na Mardongan Tubu dohot Boru, Dongan Sahuta dapot ma keputusan mangoloi pangidoan ni Hula-Hula tu Ulaon napaduahoni)

Antong Rajanami, huoloi hami ma pangidoanmunai jala songon on ma hata dohot pangidoannami di acara:

Dung mulak sian Udean panakkohonnami do hamu sude horong ni Hula-Hula dohot Tulang tu bagas ima nalaho pasidung ulaonta huhut mangido hata togar-togar tu Ama/Ina namabalu Saur Matua on dohot tu sude pomparanna huhut mangido asa tangiangkon hamu nasida tu Tuhanta.Pardenggan basaI, di parhorason dohot panggabean.

Alus sian Hula-Hula :
di pasahat ma mangalusi parjolo sian Bona ni Ari, Bona Tulang, Hula-Hula ni na Marhaha-Maranggi, Hula-Hula ni Anak Manjae, baru pe tu Tulang jala parpudi ma sian Hula-Hula.
Hira sude do nasida SAHATA mandok songon on:
Mauliate ma di hamu pamoruonnami na tongtong pasangaphon hami horong ni Hula-Hulamuna: alai anggo didok rohanami:
Ndang pola be parsidohot hami di ulaon dung mulak sian udean.
Alus ni Tulang sibahen Saput dohot Hula-Hula sibahen Tujung :
Songoni ma tong alus ni Hula-Hula dohot Tulang

Antong Rajanami, huoloi hami ma pangidoanmunai jala songon on ma hata dohot pangidoannami di acara:

03. Anggo Hula-Hula na pasahat Ulos Sampe Tua dohot Tulangnami napasahat Ulos Saput dung mulak sian udean panakkohonnami dope hamu Rajanami tu jabu laho pasidunghon ulaon (ulaon sadari) laos ditingki ulaoni ma hami mangalusi hamu.

Di Bona Tulang, Bona ni Ari songoni nang Hula-Hula Naposo alusannami ma nasida diharoro nasida dung dipasahat nasida Ulos Holong

ULAON DI NAMONDING SAHALAK NATUA-TUA

Songon naung pinatorang diginjangi dapot ma tarida disi ragam ni ulaon namarasing-asing pangulahonna. Alai molo sude ulaon didasari holong na sian Tuhanta, sude doi une jala terlaksana dibagasan las ni roha dohot mauliate.Ido umbahen na sai pinajolo pabotohon rencana ni ulaon di tingki ulaon Tonggo Raja/Pangarapoton) asa dapot alus dohot kesepakatan di namangulahon sada ulaon. Hata torop sabungan ni hata, hata sasada hata lalaing.
Sai ingot ma hita marguru manungkun tu Dongan Tubu, Dongan Sahuta, tu Hula-Hula dohot Tulang. Molo tung adong saran sian hula-hula na asing manang pilit sian maksud dohot tujuan di ulaon nanaeng sipatupaonta, tarlobi di Ulaon di namonding sahalak natua-tua, denggan ma masipataluan roha asa sude ulaoni mardalan dohot denggan dibagasan las ni roha.

Angka di tingki namanghatai na pasahat Ulos Saput dohot Ulos Tujung/Ulos Sampe Tua ma na jotjot tarjadi perbedaan pandapot, ima pelaksanaan songon naung pinatorang di mulanai.

Angka na masa songon naung pinatorong di jolo:

01. Ulos Saput sian Tulangna – Ulos Tujung manang Ulos Sampetua sian Hula-Hulana.
02. Ulos Saput dohot Ulos Tujung sian Hula-Hulana (Balige)

Molo monding sahalak Ina :

01. Ulos Saput sian Tulang Rorobot – Ulos Tujung sian Hula-Hula
02. Ulos Saput sian Hula-Hula – Ulos Tujung sian Tulang
03. Ulos Saput sian Tulang Rorobot – Ulos Tujung sian Tulang (ala pasanagap Tulangna horong Hula-Hula ni na mondingi)

Molo dihita Pomparan ni Si-Opat Pisoran nunga taulahon:

Molo monding Ama manang Ina ba Tulang ni na mondingi ma sibahen Ulos Saput jala HulaHulana ma sibahen Ulos Tujung.
Alai tutu, molo dung Saur Matua Boruntai (Boru na mondingi) denggan ma hata pangidoan tu Tulangta asa sian hita ma Ulos Sasput dohot Ulos Sampetua dohot pangantusion disi nama hita parpudi pasahat Ulos tu Hela dohot Borunta naung Saur matuai.

Namarsipanganon (Boan) dohot namarsipanganon ulaon partangiangan:

Di Ulaon na Marsipanganon ditingki adong na monding sahalak natua-tua nunga jarang angka namardongan tubu/Dongan Sahuta namasisungkunan dung sidung marsipanganon.
Boasa, ia di Jakarta nunga pasudehu hita halak Batak tarihot di tingki, jadi sude ulaon Adat di na monding natua-tua, laos songoni nama mardalan ndang na pola masisungkunan.

Ala naung di Jakarta on hita, ulaon na di Jakarta ma jolo tataringoti :

MANOGOTNA DI NA MANJALO HARORO NI TULANG DOHOT HULA-HULA

01. PROTOKOL:
aa. disuru ma mangarade anakhon ni na mondingi, jongjong marturut sian siahaan sahat tu sianggian, dipudi ni barisan ni anak baoa, jongjong ma bagian Boruna (molo torop anakhonna) alai molo holan dua ripe do laos sabaris ma nasida.

Jongjong ma namabalui di halangulu.

MANOGOTNA DI NA MANJALO HARORO NI TULANG DOHOT HULA-HULA (ULAON SARIMATUA)

Mangarade ma manang piga Dongan Tubu dibagas manjalo dohot mangampu ulaon napinatupa ni Tulang dohot Hula-Hula.
Mangarade ma Boru laho manjalo Boras si Pir ni Tondi nabinoan ni Hula-Hula:

Di hamu saluhutna Tulangnami, dohot sude hamu Hula-Hulanami, ala naung sahat ma tingkina Rajanami, pungkaonta ma ulaon namanjalo hula-hula di ulaon parmonding ni Ama/Ina natahaholongi on:

Di hamu Tulangnami, (marga: ……..) nunga rade hami Rajanami manjalo haroromuna laho pasahathon ULOS SAPUT tu Ama/Inanami namonding on.
(molo Ina namonding Tulang Rorobot ma dijou pasahat Ulos Saput)

Jongjong ma Tulang sipasahat Ulos Saput dohot rombonganna di sabola siamun ni namondingi, jala andorang so dipasahat Ulos Saput, Marende, Martangiang, didok ma hatana:

Hata ni ULOS SAPUT:
Dihamu sude Pahompunami, pinompar ni berenami naung monding on (molo tingkat simatua napasahat ulos saput) sude berenami (molo tingkat Tunggane napasahat Ulos Saput) dohot di sude hamu namardongan tubu, na dohot do hami Ompungmuna, Tulangmuna dohot nantulangmuna, sude hami na punguon marhabot ni roha diparmonding ni Amanta /Inanta natahaholongion.

Najolo diparsorang ni Berenami on, hupasahat hami do Ulos Parompa. Nuaeng nunga monding ibana, ro ma hami Tulangna pasahat Ulos Saputna.
Asa dohononnami ma tu hamu Inang (molo Ina namabalui) Bere (molo Ama namabalui) doht tu hamu sude Pahompu/Berenami : Hupasahat hami ma Ulos Saput on tu Berenami naung monding on, dohot pangidoan di tangiangnami tu Amanta Debata Parasi RohaI, asa manaputi Parhorason, panggabean sian pasu-pasu ni Tuhanta di hamu sude pomparan ni Berenami on. (Laos diampehon ma Ulos Saputi tu na mondingi)

Molo tong adong Ulos Holong dipasahat ma sada tu Anak Baoa naung Hot ripe jala sada tu Boru naung hot ripe. (godang do ragam ni parsahat ni Ulos Holong tu Pomparan ni na Monding, targantung tu ihot-ihot holong ni roha antara hula-hula dohot pamoruon.
Olo do sipata dipasahat Ulos tu anak baoa manang Boru na so hot ripe dope alai ma tang anggo di umur, dohot pangidoan di tangiang ni hula-hula asa tumibu dapot rongkapna.

PROTOKOL: (molo so mulak be tu jabu dung mulak sian udean)
Di hamu Rajanami, Tulangnami, dohot nantulangnami ro di sude hamu uduran ni Tulang namarholong roha di hami, mauliate ma Rajanami di holong ni rohamunai naung pasahat Ulos Saput tu Ama/Inanami naung jumolo monding on. Unang lupa hamu Rajanami mamboan Ama/Inanami namabaluon dohot sude pomparanna di tangiangmu tu Tuhanta anggiat tumibu tarapul roha nasida

Songon naung rap taolophon Rajanami di Tonggo Raja, laos ditingkion ma hami ro manomba hamu Tulangnami laho pasahathon piso-piso dohot si palas roha di uduranmuna. Beha Rajanami, mangarade ma hamu asa ro hami.

Ro ma pomparan ni namondingi pasahathon piso-piso (sipata dipasada tu sude Ulos nadijalo alai adong do napasahathon tu sasahalak napasahathon jala sada ma si palas roha ni uduran ni Tulangi)

Rajanami, mauliate ma di hamu, huparade hami do sipanganon daon pogu di hamu, asa jolo mardaon pogu ma jolo hamu Rajanami paima tu acara napaborhathon Ama/Ina natahaholongi on tu ingananna parpudi di portibion. Mauliate ma.

PROTOKOL:
Di hamu nahuparsangapi hami Hula-Hulanami (Raja ……) ma mangarade hami Rajanami manjalo haroromuna laho pasahathon Ulos Tujung.

Jongjong ma Hula-Hula sipasahat Ulos Tujung dohot rombonganna di sabola siamun ni namondingi, jala sipasahat Ulos Tujung di jolo ni namabalui.
Andorang so dipasahat Ulos Tujung, Marende, Martangiang, didok ma hatana:

Hata ni ULOS TUJUNG:
Di ho Inang, Borunghu manang Amang hela, manang Lae, manang dihamu Ito, manang di ho Namboru: dison ro do hami Hula-Hulamu mandapothon hamu, paboa na rap do hita marsitaonon di parmonding ni Hela/Borunami on.
Ala naung parjolo monding Hela/Borunami on dison ro hami laho pasahat ULOS TUJUNG tu hamu napaboahon naung marsirang hamu di hangoluan on dohot Hela/Borunami naung monding on.
Huampehon hami ma Ulos Tujung on tu simanjujungmunaon napaboahon naung mabalu hamu, tanda naung holip sian parnidaanmuna Borunami/Namborunami manang Laenami/Helanami naung monding on, jala marhite nahuampehon hami Tujung on tu hamu didongani tangiangnami tu Amanta Debata Parasi Rohai, asa tanganNa nasumurungi ma mangondingi hamu sian sude arsak ni roha on., ditamparhon sian rohamu roha namandele, jala sai ditogu-togu Tuhanta ma hamu dohot sude Berenami on laho mandalani ngolumuna tu angka ari nanaeng ro.
(Mangampehon Ulos Tujung: sian siamun ni namabalui, tu simanjujungna torus tu hambirang, jala ingkon satonga pardompahan ni namabalui ditutup tujungi)

Andorang so ditutup hula-hula dohot tangiang panutup, mandok hata mauliate ma Protokol huhut didok:

Mauliate malambok pusu ma Rajanami di holong ni rohamunai di hami pamoruonmuna on, lumobi ma di naung pinasahatmuna Ulos Tujung tu Inanami/Amanami namabalu on.
Sai anggiat ma songon pangidoanmunai, sai Asi ma Roha ni Tuhanta, dao ma pandeleani sian Ina/Amanami naung mabalu on, sai tumibu ma tarapul rohana songoni nang sude pomparanna siala ni angka tangiangmuna hula-hulanami.
Rajanami, songon naung rap taolophon di pangarapoton nabodari, di namulak sian Udean anoon rap ma hita mulak tu bagasnami on laho pasidunghon ulaonta ima: Ungkap Tujung jala laos di ulaoni ma Rajanami alusannami angka nauli nadenggan napinatupamuna tu Ina/Amanami naung mabaluon, Sahali nari dohononnami ma mauliate godang ma di hamu saluhutna hula-hulanami dohot sude uduranmuna Rajanami.

Dung ditutup dohot tangiang:
Dihamu Rajanami Hula-Hulanami, Tulangnami dohot nantulangnami dohot di sude hamu namarholong ni roha di hami, adong do huparade hami sipanganon daon pogu Rajanami di sabola hambirang dung ruar hita sian bagas on, jolo mardaon pogu ma hamu Rajanami.

Dung sidung napasahat Ulos Tujung, di gora Protokol ma: Bona Tulang, Tulang rorobot, Bona ni Ari, martutur ma dijou sahat tu hula-hula ni Anak Manjae.

ULAON DI ALAMAN
Namambahen Ulaon di Alaman ima: di Ulaon Sari Matua dohot Ulaon Saur Matua, jala molo dung di alaman batang ni namondingi, (di Jakarta) dipungka ma namarsipanganon.
ULAON DI ALAMAN (udutna)

Posted in Batak | Leave a Comment »

SELAMAT PASKAH JESUS SUDAH BANGKIT

Posted by halomoantondang pada September 24, 2008

JAMITA DI PARNINGOTAN DI HAHEHEON NI TUHAN JESUS KRISTUS
Barita Nauli na sinurathon ni si JOHANNES Bindu 20
mamungka sian ayat 1 sahat ro di ayat 18 songon on ma didok “—————————————————————————-”.
Andorang so hupungka manjaha jamita/renungan on, parjolo ma ahu dohot sude keluargaku pasahathon tu hamu: SELAMAT PASKAH “JESUS SUDAH BANGKIT”
Na di ari Jumat tanggal 25 Maret 2005 nadidok “Jumat Agung” marpungu do sude Halak Kristen di Garejana be patupahon ulaon di Parningotan ni Hamamate ni Tuhanta Jesus Kristus

Hamatean” ima sada fakta na so boi tulahon ni sude namangolu jala songon nanidok ni endentai: nasa jolma ingkon mate. Ndang adong nanggo sahalak pe naboi mangalo hamateani, namora, napogos, nasangap, nalea ndang adong sada hapistaran pen a boi manahan haroro ni hamatean i, sude do ingkon mamolus hmatean i. Molo songgop hamatean tu bagasan sadasada keluarga, sude do tarilu-ilu, tumatangis, marsak, dohot angka tondong nahumaliang pe sude dohot marhabot ni roha.

Tung habiaran situtu do hamatean i. Ala ni biar ni halak Batak tu hamatean i, tarida do i dipandohan molo laho manaringoti na mate halak Batak ditonga ni jabu sai parjolo do didok
“Santabi di Jabu on”, Songoni ma hebat ni hamatean i, sude do manghabiari, “boasa ? ala ndang adong naumbotosa tudia molo dung mate.

Di Ari Parningotan ni hamamate ni Tuhanta Jesus Kristus, tangkas do tabege di partangiangan passion, ngalut ni partinaonan ni Jesus laho mangadopi hamatean i, dipasiaksiak, dilinsingi, sahat tu na dipajalhon Ibana di Hau Pinarsilang i, ingkon adopan ni Jesus hamatean i ndang ala ni dosaNa, manang ala ni hajahatonna, alai dijalo Ibana do i “ala ni holong ni rohaNa di hita jolma pardosa on, ingkon mate Ibana humonghop hita, jala gabe dosa Ibana na so mardosa hian.

Di namarningot hita sadarion di ari haheheon ni Tuhanta Jesus Kristus, parjolo sahali naeng idaonta disi ima:

01. BUKTI (1) : Haheheon = Kebangkitan
Sugari ndang hehe Jesus sian namate, aha ma gunana hita martangiang, ala Jesus namate i ndang mungkin mambege tangiangta.
Sugari ndang hehe Kristus sian namate, ndang marguna be manjaha angka barita nadisurathon di Bibelta i.

02. BUKTI (2) pajumpang dohot Jesus naung hehe i, Songoni pe lelengna angka sisean ni Tuhan I rap dohot Tuhan Jesus, laos so adong do sian nasida namarningot pandohan ni Jesus “ Hehe do Ibana di ari patoluhon” (Markus 9 ayat 31-32).

Malahan, angka alo ni Jesus do namarningot, ima angka Parise dohot Siboto Surat. Laho pe Boru-Boru na ias roha I tu Tanoman ni Jesus di manogotna dung tolu ari, ndang ala nadiingot nasida pandohan ni Jesus namandok “Hehe Ibana di ari patoluhon” ndaong – alai ala ni adat hasomalan do di nasida ima molo adong na mate, di ari patoluhon dung mate sai laho do nasida tu tanoman ni na mate i.

Ala ni holong ni roha nasida do di Jesus naung mate i umbahen nalaho nasida tu tanoman i ndang ala ni ajaran dohot tona ni Jesus tu nasida saleleleng rap dope nasida Songoni do parlao ni angka boru-boru tu tanoman ni Jesus jala nasida ma parjolo umbotosa naung hehe Jesus sian na mate
Molo di hita halak Batak didok ma marsuap manang manuan ompu-ompu.

Songoni do nang hita halak Batak Kristen: Molo ditingki Ulaon na Hohom di ari parningotan ni hamamate ni Tuhan Jesus, dung didok Pandita sian jolo an, dungi tos ma hosaNa” torop do boru-boru tangis, sosombopon tarlobi molo dipalu giting-giting tolu hali.

Ra, Ra do da hudok, ndang tangis hita marningot partinaonan ni Tuhantai laho humonghop dosantai, ate angka Inang, alai natarsingot do rohanta di angka natahaholongi naung jumolo monding ate??

03. BUKTI (3) Ngolu Naimbaru
Didok Tuhan Jesus tu si Maria “Unang Ahu Jama” ai ndang dope nangkok Ahu tu Ama i. Nalaho nangkok ma Ahu tu Damang jala Amamuna, tu Debatanghu jala Debatamuna. (ayat 17), Dipatuduhon Jesus do disi, Ngolu Naimbaru, tugas dohot kewajiban, huhut patuduhon makna dingolu naimbaru tu angka naporseai, jala haheheon i gabe jombatan hadomuan ni jolma pardosai gabe boi marsaor dohot Debata dibagasan holong ni roha ni Debata.

Haheheoni patuduhon huaso ni Debata namamonggolhon huaso ni sibolis na sai manegai parsaoranta dohot Debata. Asa tangkas sahat nang tu hita hapapatar ni Haheheon ni Tuhanta Jesus, taargahon ma ngoluntai, unang tapansuasaehon tapadao ma pargadombuson, halosohon, parhosomon dohot parbadaan, dohot lan na asing angka pangalaho na so nihalomohon ni Debata.

Hita naung manjalo ngolu naimbaru marhite hamamate ni Jesus humonghop hita, jala naung hehe sian namate laho mangondihon hita, ingkon do arga bahenonta ngoluntai.

Ra, jot6jotan do hita na so manghilala porlu ni ngolui di hita, “boasa” ala so dung dope hita mate. Antong porlu do jolo hita mate asa taargai ngoluntai?? Ah, songon namambuat cuti ate.
Antong, anggo songoni, porlu situtu do hita merobah sikap maradophon ngolui. Molo di nasaleleng on, tapanghilalahon ngolui songon na otomatis, manang ro dohot sandirina, lapatanna salpu sadarion, marsogot ro muse ngolui. Ise sian hita na boi manjamin bahwa marsogot mangolu dope hita.

Tangkas jala tahaporseai do ia adong ngolunta on, ngolu nasian Debata do. Ganup sogot dilehon Debata ngolui di hita. Molo songoni do haporseaonta, na sian Debata do ngolu i tama do hita mandok mauliate tu Debata, jala manghilalahon betapa berharganya ngolu i. Ganup sogot, tingki karejo, mulaanta ma dibagasan las ni roha huhut mandok “Mauliate ma Tuhan”, dilehon Ho dope di ahu sada ari dohot ngolu naimbaru.

Disada tingki di ari haheheon ni Tuhan Jesus, hudohoti do sada kebaktian subuh di tanoman, mansai holom dope, hundul ma ahu di sada batu nisan, jala dina samarsamar hujaha ma goar ni na mate di tanoman nahuhunduli i, tompu ma ahu sadar ndang mate dope ahu

Panghorhon ni haporseaonta: Mate Tuhanta Jesus, jala hehe sian namate, laho padomuhon hita jolma na mardosa hian dohot Debata asa dapot hita hangoluan sogot di inganan naung pinarade ni Tuhanta di angka naporseai.

Antong dohononta ma:
Jo hamatean, sude do halak mabiar marnida ho, molo mandok goarmu pe hamatean dibagasan jabu ingkon jolo marsantabi, molo songgop ho ditongatonga ni sada keluarga, sude do tumatangis, molo pinapungu ilu-ilu ni halak Batak ala ni ho nunga gumodang sian aek na di tao toba an.

Alai, anggo nuaeng ndang huhabiari be ho, ai porsea do ahu, naung hehe Tuhanku sian namate jala naung manobus sude dosanghu, namangondihon ahu molo tung ro pe ho tu ahu, ai nunga rade hasonangan di ahu napinarade ni Tuhanku.

Paskah, patubegehon barita: silehon-lehon ni Debata do ngolu on, antong taargahon ma, ndang holan mangargahon dohot do disi tugas ima pangoluhon ngolui marhite pangalaho namasihaholongan hita sama hita, songon panghaholongion ni Debata di ganup hita.

Amen

Posted in Jamita | 1 Comment »

Apostel Paulus di Philippi

Posted by halomoantondang pada September 24, 2008

1. Dung ditadingkon Ap. Paulus Philippi hira-hira di taon 50 leleng do ibana maringanan jala marjamita di Tesalonika, Pola ni Jamitana ima: ANGGO JESUS SONGON NAHINATINDANGKON NI PADAN NAROBI, INGKON MARSITAONON DO, MATE JALA DITANOM, ALAI HEHE DO MUSE MANALUHON HAMATEAN I.

2. Maralo do tu roha ni Jahudi na di Tesalonika taringot tu jamita ni Ap. Paulus on, gabe hona lele ma ibana.

3. Rap dohot si Silvanus dohot si Timotheus haruar sian Tesalonika laho dompak Brea. Alai sian tongan dalan disuru si Paulus do si Timotheus mulak tu Tesalonika lao mangaramoti Huria i.

4. Dung manang sadia leleng si Timotheus di Tesalonika, mansai dihagiothon Huria i do asa mulak si Paulus tu Tesalonika laho mangajari nasida mardomu tu haroro ni Kristus paduahalihon i.

5. I ma dasarna si Paulus mambahen suratna naparjolo tu Huria na di Tesalonika on.

6. Manat do si Paulus paboahon taringot tu tingki haroro ni Kristus paduahalihon i. Didok do ndang adong umbotosa, ai songon panangko borngin do harorona, dibaheni asa tongtong jaga nasida unang tarlalap (tarpodom) hira margira so tudia.

Songon Halak Kristen naporsea hita di haroro ni Kristus napadua halihon i, tama do hita paradehon dirinta, unang lalap, alai asa mangolu hita dibagasan : Haporseaon, Marholong ni roha (Agape) dohot marpanghirimon (1 Korint 13 ayat 13), Alai unang gabe ndang mangula hita alai tongtong do radotan angka ulaon nauli i.: songon na nidok ni Martin Luther : Agia manogot ro Kristus i, tongtong do radothonongku ulaonku namangula jala mamutik parbue ni anggur na sian porlakhi.

Jala molo dung songoni nunga singkop saluhutna haporseaonta dohot Pangulaonta mangoloi pangidoan ni Kristus I di ngolunta dohononta ma: Ai ia mangolu pe hita, mangolu di Tuhan I do, jala ia mate pe hita mate di Tuhan I do, Asa ia mangilu manang mate pe hita, tong do di Tuhan I hita. (Rom. 14 ayat 8).

Posted in Jamita | Leave a Comment »

Turut berduka Cita (3)

Posted by halomoantondang pada September 23, 2008





Posted in Hutagalung, Lain-lain | Leave a Comment »

1 Petrus 1: 5 – 9

Posted by halomoantondang pada September 23, 2008

Jamita: 1 Petrus 1: 5 – 9

  1. Adong do panghirimon i ma Jesus Kristus
    Ayat tudosan di jaminan ni Tuhanta: Rom 8: 28 Alai taboto do, saluhutna do manumpak
    tu nadenggan di angka namarholong ni roha di Debata, angka najinouNa sian tahina hian.
  2. Tudosan ni hasusaan: 2 Korint 4: 8 – Dinasaluhut do hami marhaposuhon, alai ndang hapusohan; tarsosak, alai ndang tarhapit.

    Diantusi Apostel Petrus do: Keadaan ni huria na dipisolatan (Pontus, Galatia, Kapadosia, Asia dohot Bitinia) – tahilala do ngolu na dipaisolatan on:
    - ima maksud ni Ap. Petrus mandok tu Huriai
    - nang tu hita pe hinaarga dohot hinaringkot ni
    - haporseaon tu Jesus Kristus asa gabe ojahan
    - di nasida (di hita) di tano paisolatan on.

    Ai didok do di 1 Korint 3: 11
    Ai ndang tarpauli ojahan na asing, dungkon ni naung OJak i, i ma Jesus Kristus.

    Kesimpulan:
    Dibaheni marhite haporseaonta di Jesus Kristus: Naeng ma hita marpanghirimon (mandok: nalao salpu do ngolu na di portibion) Alai tongtong ma mangolu hita secara aktif dohot namar- holong ni roha tu Debata dohot tu dongan jolma.

  3. (Mateus 22: 37-40) – sihaholonganmu do………..

Posted in Jamita | Leave a Comment »

RENUNGAN HUT KE-70 St. V. HUTAGALUNG

Posted by halomoantondang pada September 23, 2008

Sabtu, tgl. 07 Juli 2007

Renungan : Epesus 2: ayat 8-10
08. Ai sian asi ni roha do, umbahen namalua hamu, dalan haporseaon, Jala ndada binahenmuna, silehonlehon ni Debata do.
09. Nda tung sian parulan i, asa unang adong na mamuji diri
10. Ai jadijadianNa do hita, angka natinompa dibagasan Kristus Jesus, asa marulaon na denggan hita; ai angka i do dipature Debata hian, asa taparangehon i.

Di parpunguanta sadari on, i ma na mandok mauliate tu Debata siala pangiring-iring dohot pangaramotionna di hita, tarlobi di namanghalashon ari hatutubu ni Bapak Rindo na marumur ma ibana na di tgl. 3 Juli 2007 i toho 70 taon. Molo dung sahat hita tu namarumur 70 taon taida ma songon pandok ni par-Psalmen i di Bindu 90 ayat 10: Ari-ari ni taonnami, intap pitupulu taon do i, jala molo marhagogoon situtu dieak do ualupulu taon, jala hinadenggan nasida do *hangaluton dohot halojaon, ai hatop situtu do laho salpu, jala habang do hami.

Molo dung dilehon Debata tu hita umur sahat tu 70 taon, lam tangkas ma hita manghabengethon jala pasolhothon dirinta tu harajaon ni Debata dohot tangiang pangidoan songon na tarusurat di ayat 12 na mandok: Sai parrohai ma hami mamilangi angka ariarinami, asa dapotan roha na bisuk hami.

“SELAMAT ULANGTAHUN MA DI GURU I, TUHAN JESUS MEMBERKATI”

Hutanda do Guru on sian hadakdanakonna dohot 2 halak ibotonami si Tilomse dohot si Louise, jala tibu do monding Inanguda nahinan, jala ndang sanga hutanda, jala nadiparorot namboru ma halahon dohot Ompung. (Ompung Babiat). Ala sai burju do ahu ro tu Sidikhil, 3 halak ma Inanguda na so hutanda sian 9 halak Inangnami, ima Inanguda par-batulayap – Inanguda Guru on – dohot Inanguda Japangi. Sian haposoonna, naburju do Guru on marhata ni Debata, sahat tu na gabe Sintua ibana, pension sian hasintuaon, alai jotjot do maralo pandapothu di hata ni Debata dohot Guru on ai letterlijk do di Guru on hata ni Debata na tarsurat i.

Ma dung husonggak Guru on ala ni alus na letterlijk i. Di na dibasa-basahaon Debata di nasida sada dakdanak baoa, borhat ma ibana dohot Anggiboru tu Rumah Sakit. Jadi di namulak ibana tu bagas mansai las rohanami nadipaboa ibana naung sorang dakdanak baoa.

Alai husungkun ma ibana: Ise do dibaen ho nuaeng manjaga nasida di Rumah Sakit, ai binot do minim ni service ni Rumah sakit ditingki i. Alus ni Guru on tu ahu: DIJAGA TUHAN I DO I. Migor silbak ma huhilala alusna i, migor husonggak ma ibana: Dirimpu ho do Jongosmu Tuhan i?? Ala ni biarna ma diida muruk ahu, mangangkat ma ibana mulak tu Rumah sakit. Ima las ni roha di Guru on, ndang olo mangalo alai migor do diulahon.

Nuaeng sahat ma hita tu renunganta sadarion:
Di ayat 8. didok : Ai sian asi ni roha do, umbahen namalua hamu, dalan haporseaon Jala ndada binahenmuna, silehonlehon ni Debata do.

Secara jujur, molo sadar hita jala ta-etong huhut tasurathon godang ni pasu-pasu natajalo sian Asi ni Roha ni Debata, mamungka sian dung ditubuhon hita tu portibion, ra ndang cukup be buku tulis na di Toko Buku an pakeonta lao manurathon, jala ndang hasuratan hita be ra ala ni godangna, ai setiap detik do ngolunta on diramoti Debata hita.
Setiap detik do hita diramoti, setiap detik do hita diparmudu, hatorangan ni pangaramotion ni Debata di hita jaha hamu ma : Mateus 6: 25-33.

Alai ingkon jamot do hita: Unang ala ni haporseaonta gabe ndang tapabidang lapatan ni Asi ni rohai, gabe marmals-malas hita dohot pangantusion: tole ma da Asi do roha ni Tuhani, sarihonna do na porlu di ngolunta on. Ndang gabe songoni maksud ni Asi ni roha ni Debata ai dilehon do roha tu Tondinta, ingkon mangula do hita, marparsaoran, jala dibagasan haporseaonta di asi ni roha ni Tuhanta di hita saluhut do panggulmit ni ngolunta on pasahatonta tu Ibana, sian mulai hehe hita sian namodom, sahat tu nanaeng modom hita muse saluhut do ngolunta on jolo tapasahat tu Debata mangido asi ni rohana dohot pangaramotionNa di hita.

Di ayat 9 didok turpuk on do: Nda tung sian parulan i, asa unang adong na mamuji diri
Godang do sian halak Kristen namandok seakan-akan dialah Orang Percaya ala pemikiranna burju ibana marminggu, burju manjaha hata ni Debata, burju ro tu partangiangan gabe ro tu rohana mandok um-badia do ibana sian angka donganna pola sipata gabe dipadao dirina sian angka donganna nasahaporseaon.

Molo adong di ibana hamoraon, hasangapon dohot hapistaran, didok rohana na sian gogona sandiri do dapotsa i sude. Gabe tubu ma egoisme dohot arogan dibagasan dirina, na ingkon hatana sibegeon, jala ingkon ibana ma na ingkon sioloan.

Dilehon Debata tu hita pasu-pasuna marhite angka ulaonta siganup ari, tahasabamhon ma i marhite angka pangalahonta na serep, dohot namanghamauliatehon, unang gabe ala ni keberhasilanta i, tapasombu masuk Sibolis tu bagasan dirinta Gabe marhuaso ma portibion mangatur pardalan ni ngolunta jala gabe berubah ma pamujionta dohot haporseaonta.ai ndang hasintongan di Asi ni Roha ni Debata be na marhuaso dohot namangatur ngolu haporseaonta i. gabe tubu ma ginjang ni roha, Egois dohot Arogan. Ala ni i Jotjot do ndang tasadari gabe tahalupahon Asi ni roha ni Debata na tajalo: jala gabe jotjot ma haruar sian pamanganta mandok:
“ANGGO SO ALA AHU” Gabe talupahon Rencana ni Debata nanilehonna marhite-hite hita: Ai molo taurupi pe dongan, sian rencana ni Debata do i. Parhitean do hita. Ingkon tahaporseai do bahwa setiap tajalo pasu-pasu ni Debata siala Asi ni rohaNa di hita, ima: di hagabeon, hasangapon, hamoraon, hapistaran dohot angka naasingi, disi terselip do rencana ni Debata tu hita, asa unang taboan pasu-pasunai gabe tu pargadombuson, ginjang ni roha dohot angka pangalaho, na so dihalomohon Debata

Unang ma dibibirta mandok: Pasupasu ni Tuani do i.
Manang : Syukurlah Tuhan memberkati. Hape dibagasan rohanta marhuaso Sibolis i, gabe taparsoada i sude marhite pangalahonta dohot pambahenanta tu na humaliang hita.

Di Surat na tu halak Heber di Bindu 13. ayat 5 didok: Unang ma marholong ni roha di hepeng pangalahomuna, hasabamhon hamu ma na adong……….

Songoni do molo ro sebalikna : molo ro hangaluton, kegagalan di ngolunta on, ingkon do nihasabamhon, unang gabe marhuaso Sibolis i, gabe ro ma pandelean, jalaolo ma ro tu rohanta menghujat Debata. Ingot ma hita songon na didok di: Didok di 1 Tesalonika 5 ayat 18 songon on: Mandok mauliate ma hamu ala saluhutna: ai ido dipangido Debata sian hamumarhitehite Kristus Jesus

10. Ai jadijadianNa do hita, angka natinompa dibagasan Kristus Jesus,asa marulaon
na denggan hita; ai angka i do dipature Debata hian, asa taparangehon i.
Di halak Hindu Bali didok: Tubu jolmai tu Portibion nunga diboan amplopna, alai ndang diboto aha isi ni amplop I, jadi ingkon burju ibana manungkun tu Panditana marhite naburju mangoloi ugamona.

Dihita halak Kristen : songon na didok di ayat 10 on:…………………………….
Nunga dilengkapi hita” ida telapak tangan 2 M = Momento Mori
Momento Gratia – Momento Kreatori.
Barita ni sahalak na mora pengusaha Real Estate
2 Anakna Baoa dohot 1 Boruna.
Dolidoli na pogos hian, burju martangiang mangido asi ni roha ni Debata, manggadis Buku Gereja, berhasil sahat tu namamora jong.
Naeng lomo-lomana ma sude ingkon ihutonon ni anakhonna, dohot angka karyawanna.
1 anakna Olahragawan dipaksa ingkon Singkola Teknik – tabrakan gabe geger otak
1 anakna hoby musik dipaksa ingkon singkola Hukum – gabe pecandu Narkoba
Boruna ingkon muli tu doli-doli namora – lao mangalua tu na pogos lomo ni rohana
Sude Karyawanna manadingkon ibana, Isterina marsahit Kanker.

Diputus ni rohana, dihujat ibana ma Debata jala gabe songon na gilo ma ibana
Ro ma sora mandok: Aha ma gunana di ho, nang pe diomo ho sandok tano on anggo mate do tondim. (Mateus 16 ayat 26)

10 SIINGOTON DI NGOLU SIAPARI:

  1. HEHE MA HO : Arion do najinadihon ni Jahowa, marolop-olop jala marlas ni roha ma hita disi. (Psalm. 118 ayat 24: )
  2. BERHIASLAH: Cara terbaik untuk berhias adalah tersenyum. Senyuman adalah cara yang tak ternilai mahalnya untuk meningkatkan penampilan anda.
    Ai ndada marguru parnidaan ni jolma parnidaan ni Debata: ianggo jolma rupa do naniidana, alai anggo Jahowa, roha dibagasan do naniidana. (1 Samuel 16 ayat 7)
  3. SIP MA HO. Hatahon ma angka hata na denggan (kata-kata manis) jala parsiajari manangihon. Ai dilehon Debata do di hita 2 pinggol jala sada pamangan namarlapatan do ingkon gumodang hita manangihon sian manghatai.
  4. Manang ise namamompomi pamanganna, ido namangaramoti hosanna, alai manang is napangangang bibirna, hamagoan do ujungna. (Poda 13 : 3)
  5. Manang ise sialap manaruhon hata, ima namanjehehon hahomion, jala unang angkupangkupi halak sijubajabi. (Poda 20: 19)
  6. Sai tangihon ma hata sipaingot jala jangkon pangajaran, asa gabe pistar ho dihasusuda ni bohalmu, (Poda 19 : 20)
  7. JONGJONG MA HO
    Togu ma ho jongjong, tiop ma na di ho, partahanhon ma i, unang madabu ho ala ni sada na so suman. Galatia 6 ayat 9-10:
    9. Alai unang marnaloja hita mambahen na denggan, ai na manggotil do hita
    muse di tingkina i, anggo so pargale hita nuaeng.
    10. Antong, binsan sadihari dope, taulahon ma na denggan tu saluhut halak,
    alai gumodang ma tu donganta sahaporseaon.
  8. BERENG MA DOMPAK DEBATA:
    Saluhutna do tarpatupa ahu marhite-hite IBANA, namargogoihon ahu. (Philippi 4: 13)
  9. JATA MA : Jata ma natumimbo-nadumenggan, sai pajotjot mancubo mangulahon na lobi denggan.
  10. MARTANGIANG MA HO:
    Unang holsohon hamu agia aha, alai sandok pabotohon hamu ma tu Debata pangidoanmu marhite-hite tangiang dohot elek-elek mardongan mauliate. (Philipi 4 ayat 6)

    JALA DAME NI DEBATA NA SUMURUNG SIAN SALUHUT ROHA, IMA MANGARAMOTI ANGKA ATEATE DOHOT PINGKIRANMUNA DIBAGASAN KRISTUS JESUS.
    AMEN

St. D.P.Hutagalung

Antong : JAHA SEVEN UPS

Epesus 2 ayat 4 – 10 :
Isi ni haporseaon ni halak Kristen:
Asi ni Roha ni Debata na manompa ngolu na imbaru dibagasan Jesus Kristus dohot haporseaon dohot parulaan na denggan.

di Ugamo na asing : Pangulaon/perbuatan
di ulahon ma na denggan asa dapotan pahala, di paruhuman na parpudi ndang adong asi ni roha, holan parulaan na denggan do napaluahon.

Galatia 5 ayat 15 – 21 : Di adopan ni Debata naung mate do sude jolma i.

ASI NI ROHA:
Rom 5 ayat 8 : Alai ia Debata, dipapatar do holong ni rohana i di hita, uju pardosa dope hita, ai disi do mate Kristus humunghop hita.

Rom. 11 ayat 6 :
Ndang adong cukup gogo ni jolma mangulahon haporseaon ia so ala ASI NI ROHA.

1 Joh.4 ayat 8 : ALLAH ADALAH KASIH
ayat 5 : Ndang sude jolma manjalo Asi ni Roha na khusus i.,
manang ngolu naimbarui.
Ayat 8 : Holan na porsea di Jesus Kristus do.

Posted in Hutagalung | 1 Comment »

PUNGUAN NI JAMITA DOHOT ENDE

Posted by halomoantondang pada September 23, 2008

Alasan ni Apostel Paulus manurathon surat na di Bindu 15 on ima: huroha ditingkii manang napiga-piga ruas na di Huria Korint naso porsea di haheheon ni angka naung matei jala marhite pandohani nasida huhut ndang porsea/menyangkal haheheon ni Jeus Kristus sian namate huhut menyangkal haheheon nasida sandiri . dipungka Apostel Paulus ma patoranghon tu nasida songon na disurathon di ayat 12 –14 :

Maksud ni Apostel Paulus di suratna on ima napabotohon tu halak Kristen na di Korint nang tu hita nang tu sude halak Kristen naporsea di panghokhop ni Jesus Kristus bahwa nang pe tarihot/terletak do hamuliaon ni ha-Kristenoni di parngoluonta na so sempurnai dope di portibion alai inti ni ha-Kristenoni ndang holan memandang hangoluan na di portibion alai apala naumporlu ima manghirim tu hangoluan di ari sogot ima hangoluan nasaleleng ni lelengna di surgoi, ima hangoluan na sempurna, kekal dan abadi siala panobuson ni dosanta marhite panaonon ni Tuhanta Jesus kristus di Hau Pinarsilangi.

Jempek do anggo ngolunta di portibion alai anggo tujuanta ima di hangoluan sogot di inganan naung pinarade ni Tuhanta di angka naporseai di surgo hasonangani.

Di ayat 50 didok:……………

Maksudna disi, ima: Ia dagingon daging natawarisi sian si Adam jolma naparjoloi, daging/pamatang naolo busuk do on jala ndang talub manjalo bagian dibagasan harajaon banua ginjangi, jala diharoro ni Tuhanta Jesus Kristus napaduahalihoni ingkon jolo ubaonna pamatang portibi ni angka naporsea tu Jesus Kristus gabe pamatang rohani.
IDA: Pilippi 3 ayat 21 (hal: 249)_ asa tarjalosa manang asa dapot bagian dibagasan harajaon banua ginjangi di Surgo hasonangani.

RO MA SUNGKUN-SUNGKUN:
DIHARORO NI TUHAN JESUS PADUAHALIHONI BEHA DO ANGKA NAMANGOLUI DOPE.

Dialusi Apostel Paulus ma songon natarsurat di ayat: 51-54

Alai asa lobi tangkas botoonta taringot tu sungkun-sungkuni taida ma natarsurat di: 1 Tesalonika 4: 15 – 17 (hal. 257)

Apostel Paulus patoranghon perobahan ni pamatang ni naporsea naung matei songoni nang perubahan ni pamatang ni naporsea namangolu diharoro ni Tuhan napadua halihon sogot, ima dibagasan sangkidop mata manolukhon pamatang naimbaru tu pamatang ni angka naporseai asa talub nasida maringan di hangoluan namarhasonangan di harajaon banua ginjang di surgoi.

Di na ro Jesusi paduahalihon rap dohot pangulu angka suru-suruan manghuling ma disi sarune jala dibagasan sanghidop mata disolukhon ma pamatang partohap di harajaon banua ginjangi tu naporsea naung matei dohot naporsea na mangolui dope asa borhat nasida tu ombun nadilangitan mandapothon inganan naung pinarade di angka nasida naporsea di Jesusi
Jala taringot tu hamonangan ni Jesus songon natarsurat di ayat 55 mandok:……………………………………………….

Taringot tu ayat on tu haheheon sian namate diangka naporseai nadisadur Apostel Paulus do sian hata ni Panurirang Hosea ima: HOSEA 13: ayat 14 namandok: (1050)

Di AYAT 56 didok: ……………..

Kesadaran ni jolma di dosai ima nanidokna sorop ni hamateani jala marhite parbinotoan ni jolma di Patik ni Debata nasampului diboto jolmai dosa naniulanai.
Marhuaso do sorop (dosa) hamateani tu jolmai (1 MUSA 2 : ayat 17) (hal.3)

Sahalak do parohon dosa hamateani di jolmai (Rom 5 ayat 12-14)(hal: 194) jala sahalak do napataluhon hamatean ala ni dosai ima Tuhanta Jesus Kristus
(1 Korint 15 ayat 21) (hal: 221)

Alanii hita naung ditobus Jesus sian gonggoman ni dosa hamateani jala dipadame Jesus hita dohot Debata Amai gabe dapotan hasesaan ni dosa hita jala marhitei dihatongtongon ni haporseaonta dipanghonghop naI gabe parsidohot hita sogot di harajaon banua ginjangi.

ANTONG TAINGOT MA:
MOMENTO MORI – MOMENTO KREATORIOS – MOMENTO GRATIA.

ASA DINAUNG TABOLUS UJUNG TAON NI PARHURIAON ON MASUK MA HITA TU MINGGU PANGARADEON DI HARORO NI SIPANOBUSI IMA MINGGU ADVENT NA OPATI.

1 Tesalonika 4: 13-14

13. Alai naeng ma tangkas botoonmuna,
ale angka dongan, taringot tu angka
naung monding i, asa unang marsak
hamu, songon angka naleban,
na so marpanghirimon i.

14. Ai, molo porsea hita naung mate Jesus
dohot hehe, sandok togihonon ni Debata
do rap dohot Jesus nang angka naung
monding marhite-hite Ibana.

Pillipi 1: 21

21. Ai Kristus do hangoluan di ahu, jala laba
nang hamatea,

Posted in Batak | Leave a Comment »

Jamita Hatangkangon ni roha

Posted by halomoantondang pada September 23, 2008

Ripe (Parumaen) na tinggal sajabu dohot Simatuana, Ndang dung harmonis kehidupan sehari-hari antara Parumaen dohot Simatua Boru Lao ma Parumaen on tu Datu mangido asa boi mate simatua na on nanget-nanget unang sekaligus, unang gabe adong persoalan manang tuntutan.
Boi ninna Datu on alai dohot 3 syarat sipatupaonna, Andorang so dipainumhon ho ubat on tu simatuami ingkon ulahononmu 3 syarat, anggo ndang diulahon, gabe mangonai tu ibana ula-ula i. Syaratna :
1. Denggan sise simatuam molo pajumpang bohi (horas Inang, manang gora dohot hata: Inong)
2. Sungkun simatuam: asa patupaonmu sipanganonna, manang lompaonmu aek las paridionna, dohot cuci pakeanna.
3. Molo borngin, manghata-hatai hamu, jala ndang boi ho modom saleleng so modom simatuami.
Painumhon ma rasun on 3 x sadari
Dung diulahon songoni, gabe ro ma balikna: gabe denggan ma parsaoran nasida, gabe mabiar ma Parumaen, unang gabe mate simatuana ala ni burjuna.
Lao ma tu Datu asa dilean tawar ni rasun i. Didok Datu i. Ai situak ni loba do rasun nanileannas i.

Posted in Batak | Leave a Comment »

 
Ikuti

Get every new post delivered to your Inbox.