Halomoan Tondang’s Blog

Just another WordPress.com weblog

Hutanami Nagori Purba

Posted by halomoantondang pada Maret 4, 2009

Posted in Tondang | Leave a Comment »

Catatan Taringot tu cara-cara ni paradaton di na pangoli anak dohot di na pamuli boru

Posted by halomoantondang pada Maret 2, 2009

Posted in Adat Batak, buku adat, Pesta Unjuk | Leave a Comment »

1 KORINT 15 AYAT 50 – 58

Posted by halomoantondang pada Oktober 7, 2008

Alasan ni Apostel Paulus manurathon surat na di Bindu 15 on ima:
Huroha ditingki i manang napiga-piga ruas na di Huria Korint na so porsea di haheheon ni angka naung mate i jala marhite pandohan i huhut do nasida ndang porsea/menyangkal haheheon ni Jesus Kristus sian na mate, jala huhut menyangkal haheheon nasida sandiri .
Dipungka Apostel Paulus ma patoranghon tu nasida songon na disurathon di ayat 12 –14 : na mandok :

12. Marhua ma dohonon ni na deba sian tongatongamuna, na so adong haheheon
ni angka naung mate, dung sanga binaritahon taringot tu Kristus, paboa
naung dipahehe Ibana sian na mate.

13. Alai anggo so adong haheheon ni angka na mate.
Ndang na hehe nang Kristus.

14. Ai anggo so hehe Kristus sian angka na mate, rumar ma jamitanami, las
rumar ma nang haporseaonmuna.

Maksud ni Apostel Paulus di suratna on ima napabotohon tu halak Kristen na di Korint nang tu hita na pungu on, nang tu sude halak Kristen naporsea di panghokhop ni Jesus Kristus, bahwa nang pe tarihot/terletak do hamuliaon ni ha-Kristenoni di parngoluonta na so sempurna i dope di portibion. Alai inti ni ha-Kristenoni ndang holan memandang hangoluan na di portibion alai apala naumporlu ima manghirim tu hangoluan di ari sogot ima hangoluan nasaleleng ni lelengna di surgo i, i ma hangoluan na sempurna, kekal dan abadi siala panobuson ni dosanta marhite panaonon ni Tuhanta Jesus kristus di Hau Pinarsilang i.

Jempek do anggo ngolunta di portibion alai anggo tujuanta ima di hangoluan sogot di inganan naung pinarade ni Tuhanta di angka naporsea ima di surgo hasonangani.

Di ayat 50 – 51 didok:
50. On do nahudok disi ale angka dongan: Ndang tarbahen sibuk dohot mudar manean harajaon ni Debata, jala ndang tartean na olo busuk i hatongtongon i.
(ida ayat 6 + 13)

Maksudna disi, ima: Ia dagingon daging natawarisi sian si Adam jolma naparjolo i, daging/pamatang naolo busuk do on jala ndang talub manjalo bagian dibagasan harajaon banua ginjang i, jala diharoro ni Tuhanta Jesus Kristus napaduahalihoni ingkon jolo ubaonna pamatang portibi ni angka halak naporsea di Jesus Kristus gabe pamatang rohani. asa tarjalosa manang asa dapot bagian ibana dibagasan harajaon banua ginjang i di Surgo hasonangan i..

IDA: Pilippi 3 ayat 21 Paubaonna do dagingta na lea on, gabe doshon dagingna
nasangap i ai tarpatunduksa do saluhutna tu Ibana.

RO MA SUNGKUN-SUNGKUN:
DIHARORO NI TUHAN JESUS PADUAHALIHON I, BEHA DO ANGKA NAMANGOLU I DOPE.

Dialusi Apostel Paulus ma songon natarsurat di ayat: 51-54

51. Hahomion do nahudok on tu hamu: Ndang na saluhut hita monding; alai
saluhut do hita paluaonna. (ida Tes. 4: 14 + 17)

52. Tompu dibagasan sanghidop mata, dipanghuling ni sarune na parpudi i:
Ai manghuling ma sarune, gabe hehe ma angka naung mate i, tu
hatongtongon, laos paubaonna ma anggo hita. (ida: Mat. 4: 21 – 1 Tes. 4: 16)

53. Ai ingkon hatongtongon do manoluk na olo busuk on, jala hangongolu
namanongtong do manoluk na olo mate on.

54. Alai dung disoluk hatongtongon i na olo busuk on, jala disoluk hangongolu
na manongtong i na olo mate on, disi ma jumpang hata na tarsurat i:
Nunga tarbondut hamatean; nunga soluk hamonangan.
(ida : Jes: 25: 8 – Hos> 13.: 14)

Alai, asa lobi tangkas botoonta taringot tu sungkun-sungkun i taida ma natarsurat di: 1 Tesalonika 4: 15 – 17 na mandok:

15. Ai hata ni Tuhan i do nahupasahat hami nuaeng tu hamu, Ia mangolu pe hita, angka na mian ro di haroro ni Tuhan i, nda tung sumurung hita sian nasida naung monding i. (ida: 1 Kor. 15: 51)

16. Ai natuat ma Tuhan i sian banua ginjang mardongan suraksurak, marsoara
ma raja ni surusuruan, tarbege ma sarune ni Debata.
Dungi hehe ma jumolo angka na mate dibagasan Kristus. (ida 1 Kor. 15: 23. 52.)

17. Dung songon i, hita namangolu dope, angka namian i, taitonna ma hita rap
dohot nasida dibagasan angka ombun, laho manomunomu Tuhan i tu langit
an jadi olat ni i sai tongtong ma hita rap dohot Tuhan i.
(ida: Joh.12: 26-Joh.17:24)

Apostel Paulus patoranghon perobahan ni pamatang ni naporsea naung matei songoni nang perubahan ni pamatang ni naporsea namangolu diharoro ni Tuhan napadua halihon sogot, ima dibagasan sangkidop mata manolukhon pamatang naimbaru tu pamatang ni angka naporseai asa talub nasida maringan di hangoluan namarhasonangan di harajaon banua ginjang di surgo i.

Di na ro Jesusi paduahalihon rap dohot pangulu ni angka suru-suruan, manghuling ma disi sarune jala dibagasan sanghidop mata disolukhon ma pamatang partohap di harajaon banua ginjang i tu naporsea naung mate i dohot naporsea na mangolu i dope asa borhat nasida tu ombun nadilangitan mandapothon inganan naung pinarade di angka nasida naporsea di Jesus i.
Jala taringot tu hamonangan ni Jesus songon natarsurat di ayat 55 mandok:……………………………………………….

Taringot tu ayat on tu haheheon sian namate diangka naporseai nadisadur Apostel Paulus do sian hata ni Panurirang Hosea ima: HOSEA 13: ayat 14 namandok: (1050)

Di AYAT 56 didok: ……………..

Kesadaran ni jolma di dosa i ima nanidokna sorop ni hamatean i jala marhite parbinotoan ni jolma di Patik ni Debata nasampulu i diboto jolma i dosa naniulana i..
Marhuaso do sorop (dosa) hamateani tu jolma i (1 MUSA 2 : ayat 17) (hal.3)

Sahalak do parohon dosa hamatean i di jolma i (Rom 5 ayat 12-14)(hal: 194) jala sahalak do napataluhon hamatean ala ni dosa i ima Tuhanta Jesus Kristus
(1 Korint 15 ayat 21) (hal: 221)

Alani i hita naung ditobus Jesus sian gonggoman ni dosa hamatean i jala dipadame Jesus hita dohot Debata Ama i gabe dapotan hasesaan ni dosa hita jala marhite i dihatongtongon ni haporseaonta dipanghonghop naI gabe parsidohot hita sogot di harajaon banua ginjang i.

ANTONG TAINGOT MA:
MOMENTO MORI – MOMENTO KREATORIOS – MOMENTO GRATIA.

ASA DINAUNG TABOLUS UJUNG TAON NI PARHURIAON ON MASUK MA HITA TU MINGGU PANGARADEON DI HARORO NI SIPANOBUSI IMA MINGGU ADVENT NA OPAT I

Posted in Jamita | Leave a Comment »

Tondang Par Nagori Purba

Posted by halomoantondang pada Maret 4, 2009

Posted in Tondang | Leave a Comment »

Marboras Mangga

Posted by halomoantondang pada Maret 4, 2009

Posted in Tondang | Leave a Comment »

Haporas di Pasar Pagi Tongging

Posted by halomoantondang pada Maret 4, 2009

Penulis : Asenk Lee Saragih

Ikan “Haporas” sejenis ikan bandeng kecil (Chanos chanos Forskal) yang menjadi faritas khas ikan Danau Toba saat ini dijadikan makanan ternak Babi olah warga setempat. Ditaburnya ikan jenis bandeng bersisik ini di Danau Toba merupakan niat Pemerintah mensejahterakan masyarakat pesisir danau. Namun, niat baik pemerintah itu bertolak belakang dengan harga ikan Haporas yang saat ini harga merosot (Rp 1000 per kilogram).

Kejadian miris itu terdapat di Desa Hutaimbaru, Kecamatan Silimakuta, Kabupaten Simalungun. Desa ini terletak dipesisir danau. Ikan “Haporas” menjadi makanan ternak Babi merupakan pilihan utama warga karena harga ikan hasil tangkapan warga desa hanya dihargai Seribu Rupiah per kilogram.

Menurut cerita Lamhot Saragih (29), warga Desa Hutaimbaru, kepada Penulis di desa itu, Senin (22/10) lalu, awal maraknya ikan jenis Haporas di Danai Toba, dimulai tahun 2004 lalu. Saat itu Presiden Megawati menabur benih jutaan ribu ekor ikan “Haporas” di Parapat, Simalungun Danau Toba.

“Pertama kali, harga ikan Haporas dipatok para nelayan desa ke tengkulak Rp 10 ribu perkilogram. Harga ini hanya bertahan selama dua bulan. Kemudian merosot ke harga Rp 5000 per kilogram (tahun 2006) dan kini hanya dihargai Rp 1000 per kilogram (2007). Gairah para warga menangkap ikan Haporas kini mati suri. Warga menangkap Haporas hanya untuk makanan ternak Babi,”katanya.

Hal senada juga diakui St B Manihuruk, peternak Babi di Desa Hutaimbaru. Menurutnya, ikan Haporas lebih baik dijadikan makanan ternak babi daripada di jual ke pekan (pasar). Biaya menangkap Haporas dengan jaring biayanya mahal, namun tidak diimbangi dengan harga yang patut.

“Bukan hanya desa ini yang menjadikan ikan Haporas jadi makanan ternak babi. Hampir seluruh warga desa d pesisir danau toba dari Desa Haranggaol, Kecamatan Horisan Simalungun hingga Desa Tongging, Kabupaten Karo juga melakukan hal yang sama. Seperti di Desa Soping, Bage, Baluhut, Sibolangit, Nagori Purba, Sihalpe, Binangara, Gaol, Silumbak dan masih banyak lagi,”katanya.

Menurut B Manihuruk, kenyataan miris ini baru terjadi saat ini. Disaat orang susah mendapatkan ikan tawar untuk konsumsi, namun di desanya ikan “Haporas” hanya dijadikan makanan ternak babi. Masyarakat desa kini menggantungkan hidupnya pada ternak babi dan ayam karena bertanam bawang kurang berhasil.

“Hasil tangkapan ikan Haporas usai disangi dari jaringnya, baru direbus dan diberikan kepada babi. Namun ada juga yang langsung memberikan ikan “Haporas” secara mentah kepada ternaknya. Tapi kami heran kenapa pertumbuhan ternak babi kami sangat lambat,”ujar B Manihuruk.

Sementara itu, Pangulu (Kepala Kelurahan) Desa Hutaimbaru, Saudin Sidauruk mengatakan, hampr seluruh warganya yang beternak babi memberikan ikan “Haporas” jadi makanan ternak mereka. Ini dilakukan karena membeli pakan ternak mahal (ampas ubi, dedak) mahal Rp 2500 per kilogram. Sedangkan harga jual Haporas hanya dihaegai Rp 1000 per kiligram,”katanya.

Pabrik Tepat Guna

Guna mengatasi hal itu. Pihaknya meminta bantuan pemerintah Simalungun agar memberi pabrik pengolahan ikan “Haporas” tepat guna menjadi bahan ternak babi dan ayam. Mereka juga menghaparkan agar ada pelatihan pabrik sederhana yang dapat dimanfaatkan warga setempat.

“Hampir seluruh warga peternak ayam dan babi di pesisir Danau Toba menjadikan “Haporas” jadi makanan ternak alternatif. Kondisi ini sungguh ironis. Disaat masyarakat di daerah lain kesulitan mendapatkan ikan tawar Danau Toba, di desa kami justru jadi makanan ternak. Ini sungguh menyedihkan bagi warga yang hingga kini menggantungkan hidupnya dari nelayan danau,”katanya.

Disebutkan, selama ini kondisi tersebut tidak diketahu pemerintah setempat. Warga Desa Hutaimbaru juga meminta perantau sukses asal Simalungun mau membantu mereka mengembangkan pabrik pengolahan ikan “Haporas” di Simalungun.

“Kita harapkan kepada orang Simalungun yang sukses di perantauan mau mengurangi beban warga yang kesulitan ekonomi. Melalui pabrik tepat guna salah satu media yang dibutuhkan warga guna mengolah ikan ‘haporas” jadi bahan pakan ternek,”katanya.

Pengamatan penulis, penangkapan ikan Haporas lumayan rumit dengan jaring ikan (Daoton). Mengeluarga Haporas dari jaring cukup lambat tidak seperti ikan Mujahir. “Ikan “Haporas” menjadi santapan babi (ihutanami) di kampung kami.”kata Lamhot.

Posted in Tondang | Leave a Comment »

ad-02

Posted by halomoantondang pada Maret 3, 2009

iklan2

Posted in Lain-lain | Leave a Comment »

ADAT NA GOK DOHOT GOK NI ADAT

Posted by halomoantondang pada Maret 3, 2009

adat-na-gok-dohot-gok-ni-adat

Oleh : Patuan Raja Bonar Siahaan

Molo pinaidaida namasa di angka ulaon adat nuaeng on, lumobi di ulaon unjuk (anak mangoli manang boru muli) nunga tutu lam maol ulahonon ni nahurang sinadongan.
Nunga tangkas masioloan tu ragi ni sinamot, unduk masioloan rambu-pinungu (sitombol) sipasahaton ni paranak, alai panandaon sahat tu tulang ni tulang nang so dohot mangadopi ulaon. Suda tingki jala ngongolngolan na adop di ulaon i. Gabe didok nadeba ma ndang tarula adat batak.

iklan4Di adat namasa sinuaeng on nunga gabe gumodang napinangpangkon sian na nilompa, lapatanna gumodang uram-urang sian impolana.

Poda ni sijolotubu mandok, tektek mula ni gondang serser mula ni tortor, sise mula ni hata, sungkum mula ni uhum. Napinodahon asa poda, napinollunghon asa pollung. Sian nametmet do siulaon asa tu naumbalga. Dang hea dope patupa namarmiak-miak hape pintor patupa gaja toba (horbo).

Asa hot di ruhut ni adat jolo sian toru do asa tu ginjang. Dang dohonon naung sarjana ianggo so hea dope singkola dasar. Alai ala songgot adong sinadonganna, gabe pintor dibahen ma lomona gabe hurang banggua ni siulaonna.

Maringkatingkat na dijolo mangihut ihut ma nadipudi. Ala adong namora marsiulaon, dihalang gordang bolon, dibahen parjuhut horbo sitingko tanduk, dohot ma na hurang sinadongan mangihut-ihut. Gabe tenga-tenga ma siulaon i. Dihatahon ma manggarar adat nag ok, hape sinamot diunduk sitombol.

Molo sinungkun angka natuatua dang adong hata na mandok “adat na gok”. Manjalo adat dohot manggarar adat do dihatahon. Subang do dohonon tu hulahula manggarar adat na gok, ai dang adong suhat-suhat mambahen nadenggan tu hulahula.
Di angka na hurang sinadongan dihatahon do, on ma rajanami natarpatupa hami gok ni adatnami tu hamu.

 

Tung boha pe morana, tong do somba ni adat dihatahon. Ai molo dihatahon adat na gok, olo ma paidua ni suhut mangido na so tarpatupa paranak.
Di pangantusion ni halak batak nuaeng nunga hurang mangguruhon ruhut ni hata. Holan umpama dohot umpasa na marganjang-ganjang nama diguruhon.

Dipodahon natuatua do; unang niihuthon gaja marhonong, unang niihuthon hora (bodat) manjangkit. Olat ni natarbahen do bahenon. Molo balga binangana balga ma dengkena. Songon i do gok ni adat didok natuatua.

Posted in Adat Batak, Batak, buku adat | Leave a Comment »

ABOUT ME

Posted by halomoantondang pada Maret 3, 2009

saluran_hobbi-01a

Posted in buku adat | Leave a Comment »

Tondang par Nagori Purba

Posted by halomoantondang pada Maret 3, 2009

Posted in Adat Batak | Leave a Comment »

PANGHATAION DI ULAON PAMULI BORU/PANGOLIHON ANAK

Posted by halomoantondang pada Maret 3, 2009

 

tondang-boru-015-weddingUlaon pamuli boru manang pangolihon anak nunga jot-jot taadopi manang taulahon. Adong do ruhut-ruhut, tahapan, proses ni angka ulaon di si. Molo nasomal adong dua istilah di ulaon i ima: Alap Jual dohot Taruhon Jual. Alap jual namarlapatan ulaon pesta (unjuk) di pihak parboru. Pihak parboru ma na manghobasi sude na hombar tu ulaon pesta. Taruhon jual lapatanna ulaon pesta di pihak paranak jala namanghobasi angka na hombar tu ulaon i.

Ulaon alap jual manang taruhon jual saguru tu dos ni roha (kese-pakatan) ni pihak parboru dohot pihak paranak do i. Nian adong do deba parboru na so bersedia pamulihon boruna molo so dialap jual. Hape sasin-tongna ulaon alap jual manang taruhon jual sarupa manghorhon tu na denggan do i molo dipatupa sian do ni roha.


Rumang dohot tahapan ni ulaon pamuli boru manang pangoli anak na somal diulahon di tano parserahan on, tarlumobi di Jabotabek, hira songon on ma:

1.      Hori-hori dinding,

2.      Patua hata dohot Marhusip (Mangarangrangi),

3.      Partumpolon,

4.      Martonggo raja/Marria raja,

5.      Sibuha-buhai,

6.      Pamasu-masuon,

7.      Marhata sinamot dohot ulaon unjuk,

8.      Paulak une/maningkir tangga.

I ma nasomal taida diulahon di Jakarta sekitarna on. Taringot tu pangatusion di tahapan ni ulaon pinatorang do di tulisan on. Alai songon naung taboto tangkas, ulaon adat-paradaton ni hita Batak Toba, sifatna dinamis mangihut-ihut perkembangan di zaman. Molo tung pe adong hata ni natua-tua na mandok:

Ompu raja di jolo martungkot sialagundi.
Adat napinungka ni ompunta naparjolo,
diihuthon angka na di pudi,

alai gabe adong do niida sian angka dongan na mandok songon on:

Ompu raja di jolo martungkot sialagundi,
Adat napinungka ni ompunta na parjolo,
dipaune-une na di pudi.

Nuaeng sahat ma hita tu lapatan dohot pangantusion taringot tu rumang ni ulaon i.

 

A.      MARHORI-HORI DINDING

Molo dung masitandaan jala masihaholongan si baoa dohot si boru, dipaboa ma i tu angka natua-tuana. Disuru natua-natua ni par-anak ma manang na piga halak boruna manopot boru ni parboru songon na masitandaan, huhut manghata-hatai taringot tu angka sangkap nasida. Di tingki on, olo na ma gabe langsung pihak paranak rap dohot pamoruonna mandapothon pihak parboru.
Di ulaon marhori-hori dinding ndang mardalan do pe adat-paradaton. Alai somalna diboan paranak do songon buah tangan nasida, i ma berupa lampet, kue manang buah-buahan. Prinsipna hira masipasahatan pangidoan do paranak dohot parboru, i ma taringot tu rumang ni ulaon, godang ni sinamot, godang ni ulos, godang ni undangan, dohot angka na asing. Hira sian panghataion na marhori-hori dingding on do dasar ni panghataion di ulaon na mangihut. Lapatanna, angka dos ni roha ni hasuhuton do tarida di son. Jala molo dung adong dos roha nasida, ditontuhon ma sada ari (tingki) asa ro paranak laho patua hata dohot marhusip (mangarang-rangi).

 

B.     PATUA HATA DOHOT MARHUSIP

Ala

naung dos roha ni paranak dohot parboru, di ari naung ditontuhon, ro ma paranak dohot manang piga uduranna (dongan tubuna, boru, bere) mandapothon parboru. Diboan do di si sipanganon na marsaudara jala tangkas do i dipasahat dohot dihatahon lapatanna tu parboru. Parboru pe dipatupa do dekke laho sipasahatonna tu paranak. Di ulaon i, dijou parboru do manang piga dongan tubuna, boru dohot berena, songon i dongan sahuta.

 

Dung sidung marsipanganon dipungka ma panghataion. Na parjolo, di sungkun parboru ma taringot tu tudu-tudu ni sipanganon naung pinasahat ni paranak tu nasida. Dialusi paranak ma, jala tangkas ma didok surung-surung ni parboru ma i. Ditorushon ma muse panghataion, ima na masitariparan hata, lumobi di pangidoan ni paranak di naro nasida patua hata. Molo dioloi jala digabehon parboru di napatua hata i, pintor mangido jala mangelek ma muse paranak asa ditingkathon nian panghataion tu marhusip mangarangrangi.

Molo dung dioloi jala digabehon parboru tu ulaon namarhusip, dilehon ma tingki dohot kesempatan tu paranak laho patolhashon, manariashon angka sangkap pangidoan nasida.

 

Parjolo, dipangido paranak ma bentuk ni ulaon (alap jual manang taruhon jual) dohot ulaon sadari. Paduahon, ima taringot tu somba ni uhum, somba ni adat, sinamot ni boru: Misalna, didok sahali mangelekhon, sahali manombahon, dalam bentuk sinamot sitombol rambu pinudun dohot angka pangidoan na asing dope. Molo dung singkop jala dapot dos ni roha di angka rumang ni ulaon i, digabehon parboru ma i.

Dung i muse dilehon parboru do kesempatan tu paranak laho pasahathon pangidoan nasida, i ma taringot ulos herbang si jaloon nasida sian parboru muse di ulaon unjuk. Taringot tu bilanganna, unang ma lobi nian sian 17 bulung.

 

Jadi molo dung denggan mardalan sude na i, mardalan ma muse ingot-ingot, ima berupa hepeng sian paranak dohot parboru laho dibagi-bagihon tu angka tuturna na ro di ulaon patua hata dohot marhusip i. Lapatanna, asa ingot nasida saluhutna di angka rencana ni ulaon naung ditolopi nasida. Jala laos mangihut ma dipangido asa ditanda nasida kedua calon penantin. Calon pengantin baoa manjalangi pihak parboru, calon pengantin boru manjalangi pihak paranak.

 

Hira-hira songon i ma rumangna dohot pangantusion tusi. Taringot tu ruhut ni panghataion pinatupa do di buku on asa ummura muse ulahononta.

 

C.     PARTUMPOLON/MARTUMPOL

Partumpolon (parpadanan) ulaon parhuriaon do on. Ndang apala pinatorang be on, ala tangkas do taantusi hira-hira lapatan dohot tujuan ni partumpolon i. Naporlu sipingkiranta ima taringot tu angka ise do na laho sigokhononta tu ulaon partumpolon i.

 

Molo nasomal taida, sahat do tu horong ni angka hula-hula dohot tulang. Hape somalna muse taulahon di Jabotabek sekitarna, dung sidung acara partumpolon di gareja pintor diuduti do tu ulaon martonggo raja manang marria raja. Adong na deba laos di aula manang di gedung dipatupa ulaon martongo raja manang marria raja, alai adong do na mangulahonsa di bagas ni parboru manang paranak, saguru tu situasi dohot kondisi ni hasuhuton do i.

Sungkun-sungkun tu hita, beha molo dung sidung partumpolon langsung dipatupa ulaon marhata sinamot manang didok pudun saut. Alana di tingki i, nunga hira lengkap undangan sian angka tutur, songoni sian horong ni hula-hula dohot tulang. Alai margeser (berubah) ma muse ari (tingki) na martonggo raja manang marria raja.

 

Nunga adong di Jakarta dohot nahumaliangna on mangulahon ulaon marhata sinamot (pudun saut) dung sidung acara partumpolon, alai saguru ma i tu dos ni roha ni hasuhuton paranak dohot parboru.

 

D.     MARTONGGO RAJA – MARRIA RAJA

Molo didok martonggo raja manang marria raja, na marlapatan do i mangido pangurupion, panuturion di angka na mardongan tubu, boru, bere, dongan sahuta, molo marulaon pamulihon boru manang pangolihon anak. Disubut jala dibuat suhut do roha ni angka tutur asa rade jala dohot nasida berpartisipasi di ulaon I hombar tu ruhut-ruhut ni paradaton, jala hira di tingki on ma dibagihon (didistribusihon) undangan tu angka tutur.

 

Dipatupa hasuhuton di si sipanganon. Jala molo tung adong pe dipatupa di si tudu-tudu ni sipanganon hira jambar ni adopan (jambar bersama) do i. Di tingki on ma sude dihatai angka persiapan ulaon, Raja Parhata, dohot angka na porlu di ulaon i jala ise namangulahon (pembagian tugas).

 

Pinatorang ma jolo saotik taringot tu pangantusion martonggo raja dohot marria raja. Molo di ulaon alap jual –lapatanna ulaon di alaman ni parboru– pihak parboru ma na mambahen martonggo raja, di paranak marria raja. Sebalikna, molo di pihak paranak ulaon (taruhon jual), dipamasa paranak ma ulaon martonggo raja, jala parboru mambaen marria raja.

 

E.     MARHATA SINAMOT

Marhata sinamot, i ma puncak ni ulaon paradaton di na pamulihon boru manang pangolihon anak. Angka rumang dohot pangkataion di ulaon i dipatupa do di buku on songon pegangan di hita. Namarhata sinamot di buku on ima namarhata sinamot na dipasada dohot pesta unjuk dung sidung pamasu-masuon sian gareja, songon naung somal taida jala taulahon di Jakarta dohot nahumaliangna.

 

Nian godang do angka sungkun-sungkun taringot tu ulaon na marhata sinamot nadipasada dohot pesta unjuk. Sipata lucu manang erget di bagasan roha, molo nirimangan jala piningkiran ruhut-ruhut ni ulaon paradaton i. Misalna, pengantin nunga dipasu-pasu resmi di gareja, ruhut jambar dohot ruhut paradaton nunga adong naung mardalan, hape so marhata sinamot dope. Namarhusip (mangarang-rangi) ndang na marhata sinamot dope. Alai, gabe sada keputusan dos ni roha ni parboru dohot paranak do i siboanonna di na marhata sinamot.

 

Nian muse molo tarimangi do rohanta, gabe songon sandiwara nama angka panghataion di na marhata sinamot i. Alana, sude ruhut dohot rumang ni angka ulaon nunga sian dos ni roha ni parboru dohot paranak. Molo tung pe mardalan pinggan panungkunan jala masitariasan angka panghataion, songon na pahantushon nama i jala asa tung tangkas dibege angka tutur loloan natorop, lumobi sian angka hula-hula dohot angka tulang ni parboru dohot paranak. Hombar tu si, sangat berperan ma di son parhata (Parsinabung) ni kedua pihak asa mangolu jala uli tarida angka ruhut ni panghataion, songon i di angka elek jala somba maradophon hula-hula dohot tulang, manat di namardongan tubu, dohot di angka ruhut ni partuturan.

 

F.                  SIBUHA-BUHAI

Ulaon sibuha-buhai ima naparjolo diulahon di manogot ni ari pesta (unjuk), baik di ulaon alap jual manang taruhon jual. Jala tangkas do i dihatai/disepakati parboru dohot paranak di tingki na marhusip. Ulaon adat do on jala tangkas do diboan paranak sipanganon namarsaudara tu bagas ni parboru. Songon i sian parboru dipatupa do dekke di si jala tangkas dihatahon dohot dipasahat tu paranak. Sibuha-buhai dipatupa sogot manogot i andorang so borhat tu gareja jala mangido tangiang tu Tuhanta asa tiur-tiur ulaon i, suang songon i do di angka na mamuhai partuturon asa gabe jala horas-horas muse, songon hata ni natua-tua namandok:

Sinuan bulu sibahen nalas

Sinuan partuturon sibahen nagabe jala horas

Di ulaon sibuha-buhai on biasana suhut parboru mangalehon upa-upa tu boru dohot calon helana, marhite sipanganon dohot dekke di ginjang ni pinggan pasu, namarlapatan asa gabe sada uduran, sada pingkiran, sada keluarga na denggan nasida, si sada roha di keluarga nasida muse, jala biasana inang ni boru muli do pasahathon i.

 

G.                PAULAK UNE DOHOT MANINGKIR TANGGA

Molo didok paulak une, ima nahombar tu ulaon sadari, jala mardalan do adat-paradaton di son. Dipatupa paranak do sipanganon laho pasahatonna tu parboru. Songon i sian parboru, dipatupa do dekke dohot boras sipir ni tondi sipasahaton-na tu paranak. Ima boanon nasida tu bagas na be. Alai porlu do botoon jala ingotonta, andorang so ulaon napaulak une, jolo mardalan do olop-olop dohot namarhata sigabe-gabe.

 

Paulak une on ma hira pangujungi ni ulaon di ulaon unjuk nasomal dipatupa di tingki on. Jala muse somal do diulaon on mardalan upa panaru didok, napinasahat ni paranak tu boru ni parboru, suang songon i molo adong angka hepeng pasituak natonggi sian paranak tu natua-tua ni parboru.

 

Na porlu sibotoon dohot siingoton di ulaon adat paradaton ulaon sadari i ma paulak une manang maningkir tangga i ma:

  1. Molo ulaon alap jual (ulaon di parboru) ulaon sadari digoari ma i paulak une,
  2. Molo ulaon taruhon jual (ulaon di paranak) ulaon sadari digoari ma i maningkir tangga.

Posted in Adat Batak, buku adat, panurat | Leave a Comment »

 
Ikuti

Get every new post delivered to your Inbox.